Lucas 2

Nywol mar Yesu

1 E ndalogo, Kaisar Agusto nogolo chik mondo okwan ji e piny Rumi duto. 2 (Ma ne en kweno mokwongo mane otimore ka Kwirinio ne en ruodh Siria.) 3 To ngʼato ka ngʼato nodhi e dalagi owuon mondo ondik nyinge.

4 Kuom mano, Josef bende noa e dala mar Nazareth, e piny Galili modhiyo Judea nyaka Bethlehem e dala mar Daudi, nikech ne en achiel kuom joodgi kendo anywola gi Daudi. 5 Nodhi kuno mondo okwane kod Maria, mane osingore mondo okendi, kendo nogeno yudo nyathi.