Lucas 8

Yesu okweyo apaka

22 Chiengʼ moro Yesu nowacho ne jopuonjrene niya, "Wadhiuru loka nam komachielo." Omiyo negidonjo ei yie kendo giwuok gidhi. 23 Kane gikwangʼ, nindo notere. Eka ahiti mangʼongo notugore e nam, koro yieno ne opongʼ gi pi kendo ne gin e chandruok maduongʼ.

24 Jopuonjre nodhi ire mochiewe, kagiwachone niya, "Ruoth, Ruoth, wabiro nimo!"

Nochungo oa malo kendo nokwero yamo gi apaka mager mi ahiti nopie kendo gik moko duto nokwe. 25 Nopenjo jopuonjrene niya, "Ere yie ma un-go?"

Luoro nomakogi kendo negiwuoro mine gipenjore giwegi niya, "Ma en ngʼa? Ochiko nyaka yembe kod pi, mi giwinje."

Yesu ochango ngʼat man-gi jachien

26 Negikwangʼ gichopo e gwengʼ miluongo ni Gerasi, man loka nam Galili.