Marcos 3

Min Yesu gi owetene

31 Bangʼeno min Yesu gi owetene nobiro ire. Negioro ngʼato mondo oluongnegi Yesu ka gin to gidongʼ gioko. 32 Oganda manobet kolworo Yesu nowachone niya, "Minu gi oweteni ni oko ka gidwari."

33 To Yesu nopenjogi niya, "Minwa gi owetena to gin ngʼa gini?"

34 Kosewacho kamano to nongʼiyo joma ne obet kolwore bangʼe owacho niya, "Eri, magi e minwa gi owetena! 35 Ngʼato angʼata matimo dwaro Nyasaye e owadwa gi nyaminwa kod minwa."