34 Eka Yesu noluongo oganda ire, kaachiel gi jopuonjrene mi owachonegi niya, "Ka ngʼato dwaro luwo bangʼa to nyaka okwedre kende owuon kendo otingʼ msalape eka oluwa. 35 Nimar ngʼama dwaro reso ngimane, ngimane biro lalne, to ngʼatno mowito ngimane nikech an kendo nikech Injili nores ngimane. 36 Ere ber ma ngʼato yudo ka piny duto obedo mare to ngimane to olalne? 37 Koso en angʼo ma ngʼato dichiw mondo owil gi ngimane? 38 Ka ngʼato wiye kuot koda kod wechena e kind tiengʼ mobam kendo matimo richoni, to Wuod Dhano bende wiye nokuod kode chiengʼ manoduogi gi duongʼ mar Wuoro, kaachiel gi Malaike maler."