Mateus 9

Yesu ochango muofu gi momo

27 Kane oyudo Yesu medo dhi nyime koa kanyo, muofni ariyo ne luwo bangʼe, ka goyo koko kawacho niya, "Yie ikechwa wuod Daudi!"

28 Kane osedonjo ei ot, muofni ariyogo nobiro nyaka ire, kendo nopenjogi niya, "Bende uyie ni anyalo timo ma?"

Ne giyiene niya, "Ee, wayie Ruoth."

29 Eka nomulo wengegi kowacho niya, "Biro timorenu kuom yie ma un-go," 30 kendo negichako neno. Yesu nosiemogi matek niya, "Neuru ni ngʼato ok ongʼeyo wachni." 31 To gin negidhi mi gikeyo wach kuome e gwengʼno duto.