8 Bed mabor gi dhako ma kamano,

kendo kik idhi machiegni gi dhoode,

9 nono to jomoko nono ema inimi tekreni maber moloyo

kendo higni magi norum e lwet joma ger,

10 nono to jomoko nono, ema nocham mwanduni

kendo tichni matek nokony od ngʼat moro nono.

11 To e giko mar ngimani inichur achura,

ka ringri gi dendi chamore rumo.

12 To iniwachi niya, "Mano kaka nasin gi puonj mar rieko!

Mano kaka chunya nokwedo siem mane omiya kuom gik mane atimo ma ok nikare!

13 Ne ok anyal winjo kendo timo weche jopuonjna,

kata chiko ita ni jopuonjna.

14 Asechopo e giko mar kethruok marach

e dier chokruok mangima."