Siem kuom fuwo
1 Wuoda, ka isechiwo singo ni jabathi,
kata ka isingori ni inichul ni ngʼat mikia gope,
2 ka diponi omaki nikech gima ne iwacho,
mi idwodori kod weche mane oa e dhogi,
3 to tim kama, wuoda, mondo ibed thuolo,
nikech isepodho e lwet jabathi:
Dhiyo kendo ibolri e nyime;
bangʼe to ikwa jabathino oweyi thuolo!
4 Kik iwe nindo ohingi,
kata ayula wangʼ oteri.
5 To resri ibed thuolo, mana kaka mwanda mayombo jadwar,
kata kaka winyo matony e obadho mar jamak winy.