35 En angʼo manyalo pogowa gihera mar Kristo? Dobed masira, koso chandruok, koso sand, koso kech, koso duk, koso gima rach, koso ligangla? 36 Mana kaka ondiki ni,

"Nikech in, tho ochomowa odiechiengʼ duto;

ikwanowa kaka rombo mitero kar yengʼo."*

37 Ooyo, ewi gigi duto wan joloch moloyo nikech Nyasaye mane oherowa. 38 Nimar an gi ratiro chuth ni tho kata ngima, kata malaike, kata jochiende, gik matimore ndalogi kata mabiro timore, kata teko mag polo, 39 kata bor, kata tut, kata gima ochwe moro amora, ok nyal pogowa gihera mar Nyasaye mane ei Kristo Yesu Ruodhwa.