1 ከናፉ ሀምነ ሁንደ፣ ጎዎምሳ ሁንደ፣ እት ፈኬሱማ፣ ዌኖፊ መቃ ነመ በሌሱ ሁንደ ኦፍራ ፈጌሳ። 2 አከ እቲን ፈይነኬሰኒን ጉደተኒፍስ አኩመ ዳእመን ሬፉ ዸለተኒት ኣነን ሀፉራ ቁልቁላኣ ሰነ ጀቤሳ ዸረኣ፤ 3 እስን ጋሩማ ጎፍታ ዸንዸመተኒርቱቲ።

4 እስን ኤርገ ገረሳ፣ ገረ ዸጋ ጅራታ ነሞትን ቱፈተኒ ዋቅን ገሩ ፍለቴ ገት ጀቤሰ ሰና ዹፍተኒ፣ 5 እስንስ አኩመ ኣርሳ ሀፉራ ከን ከራ ዬሱስ ክርስቶሲን ዋቀ ብረት ፉዸተማ ተኤ ዽኤሱዻን ሉቦተ ቁልቁላኦ ተኡፍ አኩመ ዸጋወን ጅራቶት መነ ሀፉራ ታተኒ እጃረማ ጅርቱ። 6 ከተቢን ቁልቁሉን፣

"ኩኖ፣ አን ጥዮን ኬሰ፣ ዸጋ ቶኮ፣

ዸጋ ጎሌ ፍለተማ ገት ጀቤሰ ነንካአ፤

ነምን እሰ አመነቱ

ከምዩ ህንቃነኡ"*

ጄዻቲ። 7 ከናፉ ዸጋን ኩን እስን ወረ አመንተኒፍ ዸጋ ገት ጀቤሳዸ። ወረ ህንአመኔፍ ገሩ፣

"ዸጋን እጃርቶትን ቱፈተን፣

ዸጋ ጎሌ ተኤረ።"*

8 አከሱመስ፣

"ዸጋ ነመ ጉፈቺሱ፣

ከታ ነመ ኩፍሱ ተኤ"*

ጄዸሜረ። እሳንስ ዋን ዱቢ ሰናፍ አጀጀሙ ድደኒፍ ጉፈተን፤ ዹጉማኑ እሳን ከኑማፍ ረመደመን።

9 እስን ገሩ አከ ገለተ እሰ ዱከነ ኬሳ ገረ እፈሳ ድንቅሲሳት እስን ዋሜ ሰና ለብስተኒፍ ዸሎተ ፍለተሜ፣ ሉቦተ ሞቲ፣ ሰበ ቁልቁሉ፣ ሰበ ዋቃ ከን አዳ ታተኒርቱ። 10 እስን ዱር ሰበ ዋቃ ህንቱሬ፤ አመ ገሩ ሰበ ዋቃት፤ እስን ዱር አራረ ህንአርገትኔ፤ አመ ገሩ አራረ አርገተኒርቱ።

11 ያ ምቾተ ጃለተሞ፣ እስን ዋን አዱኛ ኬሰት አለጎታፊ ኬሱሞተ ታተኒፍ አከ ሀዊ ፎኒ ከን ሉቡኬሰን ሎሉራ ፈጋተን አን እስንን ጎርሰ። 12 አከ ኦርሞትን አከ ዋን እስን ሀምነ ሆጄተኒት መቃ እስን በሌሰን ሱን፣ ሆጂኬሰን እሰ ጋሪ አርገኒ ጉያ ዋቅን ኑ እላሉ ዹፉት ኡልፍነ እሳፍ ኬነኒፍ እሳን ግዱት አመለ ጋሪ ቀባዻ።

13 ጎፍታዻፍ ጄዻቲ ታይታ ነማ ሁንደ ጀለት ቡላ፤ ሞቲ ታይታ ኦል ኣና ቀቡ 14 ዮካን ቡልችቶተ እን አከ እሳን ነሞተ በሌሳ ሆጄተን አደበኒ ወረ ዋን ቀጄላ ሆጄተንሞ ገለቴፈተኒፍ ኤርጌ ሁንዱማ ጀለትስ ቡላ። 15 ዋቅን አከ እስን ዋን ጋሪ ሆጄቹዻን ሃሳ ወላሉማ ነሞተ ጎዋ አፋን ቀበቺፍተን ፌዻቲ። 16 አከ ወረ ብልሱማ ቀበኒት ጅራዻ፤ ብልሱማኬሰንሞ ሀምነ ዾክሱፍ እት ህንፈየደምና፤ ገሩ አከ ተጃጅልቶተ ዋቃት ጅራዻ። 17 ነመ ሁንደ ከበጃ፤ ኦቦሉማ አመንቶታ ጃለዻ፤ ዋቀ ሶዳዻ፤ ሞቲፍስ ኡልፍነ ኬና።

18 ያ ገርቦተ፣ እስንስ ጎፍቶተኬሰን ወረ ጋሪፊ ቶሎተ ቆፈ ኡቱ ህንተእን ወረ ጀልኦተስ ሶዳ ሁንዳን ጀለት ቡላ። 19 ነምን ቶኮ ዮ ዋቃፍ ጄዼ ዽጵነ ደባን እሰት ዹፌ ኦብሴ ገለተ ቀበ። 20 እስን ዮ ሰበቢ በሌሳ ሆጄተኒፍ ዻነምተኒ ኦብስተን ገለተ ማሊ አርገቱ? ገሩ ዮ ሰበቢ ዋን ቀጄላ ሆጄተኒፍ ዽጰተኒ ኦብስተን ኩን ፉለ ዋቃ ዱረት ገለተ ቀበ።

21 ወን እስን ዋመምተኒፍስ ከኑመ። ክርስቶስ አከ እስን ፋነሳ ዱካ ቡተኒፍ ጄዼ እስኒፍ ዽጰቹዻን ፈኬኘ እስኒ ኬኔራቲ።

22 "እን ጩቡ ህንሆጄትኔ፤

ሶብን አፋንሳቲ ህንባኔ።"*

23 ዬሮ እሳን እሰ አረብሰንት እን እሳን ህንአረብስኔ፤ ዬሮ ዽጰቴትስ ነመ ህንዶርስፍኔ። ገሩ እሰ ቀጄሉማን ሙሩ ሰነት እማና ኦፍ ኬኔ። 24 እን መታንሳ አከ ኑ ጩቡፍ ዱኔ ቀጄሉማፍሞ ጅራትኑፍ ጄዼ ዸግነሳቲን ጩቡኬኘ ፈኖረት ባቴ፤ እስንስ መዳሳቲን ፈይተኒርቱ። 25 እስን ዱር አኩመ ሆሎተ ከራራ በደኒ ቱርተን፤ አመ ገሩ ገረ ትክሴፊ ጳጳሲ ሉቡኬሰኒት ዴብተኒርቱ።