1 አን ከናን ወልት ስአ ሰደፋ ገረኬሰን ዹፉኮት። "ዱቢን ሁንድኑ ዹገ ባቶተ ለማን ዮካን ሰዲን ምርከኔፈሙ ቀበ።"* 2 አን ዱራኑ ዮሙን ስአ ለመፋ እስን ብረ ቱሬት እስን አኬከቺሴረ። አመሌ ፈጎ ታኤ እሱመረ ነንዴብአ፤ አን ዬሮን ዴብኤ ዹፉት ወረ ከናን ዱረ ጩቡ ሆጄተኒፍስ ተኡ ወረ ካን ሁንዳፍ ገራ ህንላፉ፤ 3 ኩንስ እስን አከ ክርስቶስ ከራኮቲን ዱበቱ ረጋ ዋን በርባደኒፍ። እን እስን ግዱት ጭማዸ መሌ ዋኤኬሰንረት ደዸባ ምት። 4 እን ደዸቢዻን ፈንፈሙዩ፣ ሁምነ ዋቃቲን ገሩ ንጅራተ። ኑስ አከሱመ እሰት ደዸብዶተ፤ ተኡስ እስን ተጃጅሉፍ ሁምነ ዋቃቲን እሰ ወጅን ንጅራትነ።

5 እስን አመንቲዻን ጅራቹፊ ጅራቹ ባቹኬሰን ቤኩፍ ኦፍ ቆራ፤ ኦፍ እላላስ። ዹጉማን እስን ዮ ቆርማትቸ ኩፍተን መሌ አከ ዬሱስ ክርስቶስ እስን ኬሰ ጅሩ ህንቤክተኒ? 6 አንስ አከ ኑ ቆርማትቸ ህንኩፍን እስን አከ ሁበተን ነንአመነ። 7 ኑ አመስ አከ እስን ዋን ሀማ ቶኮሌ ህንሆጄትኔፍ ዋቀ ከዸትነ። ኩንስ ኑ ዮ ዋን ቆርማተ ኩፍኔ ፈካትኔሌ አከ እስን ዋን ቀጄላ ሆጄተኒፍ መሌ አከ ነሞትን ቆርማትቸ ኬሰት ጭምኔ ዻበቹኬኘ አርገኒፍ ምት። 8 ኑ ዹጋፍ ሆጄትነ መሌ፣ ዹጋ ሞርሙዻን ሆማ ሆጄቹ ህንደንዴኙቲ። 9 ዮሙ ኑ ደዸብኔ እስንሞ ጀባተንት ንገመድነ፤ ከዸትናንኬኘስ አከ እስን ወረ ህርእነ ህንቀብኔ ታተኒፍ። 10 ወን አን ዬሮ ፈጎ ጅሩት በሬሱፍ ከናዸ፤ ኩንስ አከ አን ዬሮን ገረኬሰን ዹፉት ታይታ ጎፍታን አከ አን እቲን እስን ዲጉፍ ኡቱ ህንተእን፣ አከ አን እቲን እስን እጃሩፍ ናፍ ኬኔት ፈየደሜ እስንት ህንጀባትኔፍ።

11 ኤጋ ያ ኦቦሎተ ነጋት። ሃሮምፈማ፤ ወል ጀጀቤሳ፤ ያደ ቶኮ ቀባዻ፤ ነጋዻን ጅራዻ። ዋቅን ጃለላቲፊ ነጋ እስን ወጅን ንተአ።

12 ዹንጎ ቁልቁሉዻን ነጋ ወል ጋፈዻ።

13 ሰብን ዋቃ ሁንድኑ ነጋ እስኒ ዻሙ።

14 አያን ጎፍታ ዬሱስ ክርስቶስ፣ ጃለል ዋቃ፣ ቶኩማን ሀፉረ ቁልቁሉስ ሁንደኬሰን ወጅን ሃተኡ።