1 ከነ ቦዴ ዋን አከ ሁርሳ ሰገሌ ቱተ ነሞታ ጉዳ ቶኮ ሰሚራ ነንዸገኤ፤ እንስ አከነ ጄዸ፦

"ሃሌሉያ!

ፈይን፣ ኡልፍኒፊ ሁምን ከን ዋቀኬኛት፤

2 ሙርቲንሳ ዹጋፊ ቀጄላዻቲ።

እን ሰጋገልትቲ ጉዶ፣

እሼ ሰጋገልቱማ እሼቲን ለፈ ጡሬስቴ ሰነት ሙሬረ፤

ዺገ ገርቦተሳቲፍስ እሼት ሃሎ በኤረ።"

3 አመስ፣

"ሃሌሉያ!

ኣርሼስ በረ በራ ሀመ በረ በራት ኦል ንበአ"

ጄዸኒ እየን።

4 ማንጉዶትን ድግደሚ አፍረኒፊ ኡመመወን ሉቡ ቀቤዪን አፍረን ኩፈኒ ዋቀ ቴሶረ ታኤ ጅሩ ሰናፍ ሰገደን፤ ሰገሌ ጉዳዻንስ፣

"አሜን፤ ሃሌሉያ!" ጄዸን።

5 ኤርገሲስ ሰገሌን፣

"እስን ገርቦትንሳ ሁንድኑ፣

ወር እሰ ሶዳተን፣

ጥናንስ ጉዳንስ፣

ዋቀኬኘ ጀጀዻ"

ጄዹ ቶኮ ቴስቸ ኬሳ ንበኤ።

6 አንስ ኡቱ ሰገሌን አከ ሰገሌ ቱተ ነመ ባይኤ፣ አከ ሰገሌ ብሻን ባይኤቲፊ አከ ሰገሌ ከከዌ ጉዳን ቶኮ አከነ ጄዹ ነንዸገኤ፦

"ሃሌሉያ!

ዋቅንኬኘ ጎፍታን ዋን ሁንደ ደንደኡ ሞኤራቲ።

7 ኮታ ንገመድና፤ ንእልልችነስ፤

ኡልፍነስ እሳፍ ንኬንነ!

ዬሮን ፉዸ ሆልቻ ገኤራቲ፤

ምስርቲንሳስ ኦፍ ቆጴስቴርት።

8 አከ ኡፈቱፍስ ኡፈትን ሀጲን ቁንጬ ተልባራ ሆጄተሜ፣

አዲፊ ቁልቁሉን እሼዻፍ ኬነሜረ።"

ኡፈትን ሀጲን ቁንጬ ተልባራ ሆጄተሜ ሱን ሆጂ ቁልቁሎታ እሰ ቀጄላ ሰነ አርግሲሰ።

9 ኤርገማን ዋቃ ሱንስ፣ " ‘ወር ገረ እርባተ ጭዸ ፉዸ ሆልቻት አፌረመን ኤብፈሞዸ!’ ጄዺ በሬስ" ናን ጄዼ፤ እንስ፣ "ዱቢን ኩን ዱቢ ዋቃ እሰ ዹጋዸ" ናን ጄዼ።

10 አንስ እሳፍ ሰገዱፍ ጄዼ ሚለሳረትን ኩፌ። እን ገሩ አከነ ናን ጄዼ፤ "ናፍ ህንሰገድን! አንስ ገርብቸ ስኢፊ ኦቦሎተኬ ወረ ዬሱሲፍ ዹጋ በአን ወጅን ተጃጅሉዸ። ዋቃፍ ሰገድ! ዹገ በኡምስ ዬሱስ ሀፉረ ራጂቲ።"

11 አንስ ሰሚ በነሜ ነንአርጌ፤ ኩኖ፣ ፈርደ አዲ ቶኮቱ ቱሬ፤ እን ፈርደ ሰነ ያበቱስ አመነማፊ ዹጋ ጄዸመ። እንስ ቀጄሉማዻን ሙርቴሰ፤ ወራነ ካሰስ። 12 እጅሳ አከ አረበ እብዳት፤ መታሳረስ ጎንፎ ባይኤቱ ጅረ። እንስ መቃ እሰረት በሬፈሜ ከን እሰ መሌ ነምን ቶኮዩ ህንቤክኔ ቶኮ ቀበ። 13 እንስ ኡፈተ ዺገ ኬሰ ጩጰሜ ቶኮ ኡፈተ፤ መቃንሳስ ዱቢ ዋቃ ጄዸመ። 14 ሎልቶትን ሰሚራስ ኡፈተ ሀጲ ቁንጬ ተልባራ ሆጄተሜ አዳዲፊ ቁልቁሉ ኡፈተኒ፣ ፈርዴን አዳዲ ያበተኒ እሰ ዱካ ቡአን። 15 አፋንሳ ኬሳስ ጎራዴ ቀረማ እን እቲን ሰቦተ ዸኡ ቶኮቱ በአ፤ "እንስ ቦኩ ስቢላቲን እሳን ቡልቸ።"* እዶ ጩንፋ ወይኒ ዼከምሰ ሶዳችሳ ዋቀ ዋን ሁንደ ደንደኡ ሰናስ ንዽዺተ። 16 እንስ ኡፈተሳቲፊ ጉዴደሳረት መቃ በሬፈሜ ቶኮ ቀበ፤ መቃን ሱንስ አከነ ጄዸ፦

ሞቲ ሞቶታፊ ጎፍታ ጎፍቶታ።

17 ኤርገማ ቶኮስ ኡቱ እን አዱረ ዻበቱ ነንአርጌ፤ እንስ ሰገሌ ጉዳዻን ስምብሮተ ሰሚ ወለካ በርሰንት አከነ ጄዼ እዬ፤ "ኮታ፣ እርባተ ዋቃ እሰ ጉዳፍ ወልት ቀበማ፤ 18 ኩንስ አከ እስን ፎን ሞቶታ፣ ፎን አጀጆተ ወራና፣ ፎን ነሞተ ጀጀቦ፣ ፎን ፈርዴኒቲፊ ፎን ወረ ፈርደ ያበተኒ አከሱመስ ፎን ነመ ሁንዳ ጄቹንስ ፎን ነመ ብርመዱ ተኤቲፊ ገርባ፣ ፎን ጥናቲፊ ጉዳ ኛተኒፍ።"

19 ዬሮ ሰነስ ብኔንስች፣ ሞቶትን ለፋቲፊ ሎልቶትንሳኒ ነምቸ ፈርደ ያበቱ ሰናፊ ሎልቶተሳት ወራነ ካሱፍ ጄዸኒ ኡቱ ወልት ቀበመኑ ነንአርጌ። 20 ብኔንስች ገሩ ንቀበሜ፤ ራጅች ሶባ ከን ፉለ ብኔንስቻ ዱረት ሆጂወን ድንቂ ሆጄቻ ቱሬ ሱንስ እሰ ወጅን ቀበሜ። እንስ ሆጂወን ድንቂ ከኔኒን ወረ መለቶ ብኔንስቻ ፉዸተኒፊ ወረ ፈኪሳቲፍ ሰገደን ንጎዎምሴ። እሳን ለቹ ኡቱመ ሉቡን ጅረኑ ሀሮ እብዳ ከን ድኚዻን ቦበኡ ኬሰት ገድ ደርበተመን። 21 ወር ሀፈንሞ ጎራዴ አፋን እሰ ፈርደ ያበቱ ሰና ኬሳ በኤን አጄፈመን፤ አላቲን ሁንድኑስ ፎንሳኒ ኛተኒ ቁፈን።