1 ዬሮ ጉያን ጴንጤቆስጤ* ገኤት፣ ሁንድሳኒ እዶ ቶኮት ወልት ቀበመኒ ቱረን። 2 አኩመ ተሳስ ሰገሌን አከ ቡቤ ጀባ ቡብሱ ቶኮ ሰሚራ ዹፌ መነ እሳን ኬሰ ተታኣ ቱረን ሰነ ሁንደ ጉቴ። 3 እሳንስ ዋን አከ አረበ እብዳ* ቶኮ እሳ ገርገር ቆደሜ ዹፌ ቶኮ ቶኮሳኒረ ቡቡኡ አርገን። 4 ሁንድሳኒስ ሀፉረ ቁልቁሉዻን ጉተመኒ አኩመ ሀፉር ሱን እሳን ደንዴስሴት አፋን ገረ ብራቲን ዱበቹ ጀልቀበን።

5 ዬሮ ሰነ ይሁዶትን ዋቀ ሶዳተን ሰቦተ ሰሚ ጀለ ጅረን ሁንደ ኬሳ ዹፈኒ ዬሩሳሌም ኬሰ ጅራቻ ቱረን። 6 ዬሮ ሰገሌን ሱን ዸገአሜትስ ነሞትን ሄዱን ዋን ጄዸን ዸበኒ ወልት ቀበመን፤ ወር ሀፉራን ጉተመን ሱን አፋን ቶኮ ቶኮ ነሞተ ሰናቲን ዱበቻ ቱረኒቲ። 7 እሳንስ አከ መሌ ድንቅፈተኒ አከነ ጄዸን፤ "ነሞትን ዱዱበተን ኩኔን ሁንድ ወረ ገሊላት ምቲ? 8 ዮስ አከሚን ቶኮን ቶኮንኬኘ እሳኒ አፋኑመኬኘ ከን ኑ እት ዸለትኔ ዱበተን ዸጌኘሬ? 9 ኑ ወር ጰርቴ፣* ወር ሜዲፊ* ወር ኤላም፣* ጅራቶትን ሜሶጶታምያ፣* ወር ይሁዳፊ* ቀጰዶቅያ* አከሱመስ ጅራቶትን ጳንጦሲፊ* አስያ፣* 10 ፍርግያፊ* ጰምፉልያ፣* ግብጢፊ* ኩታወን ብየ ሊብያ* ከኔን ናኖ ቀሬኔት* አርገመን፣ ኑ ወር ሮማዻ* ዹፍኔ፣ 11 ኑ ይሁዶትኒፊ ወር አመንቲ ይሁዶታ ፉዸትኔ ለማን፣ ነሞትን ቀርጤሲፊ አረቦትን ኩኖ ዮሙ ነሞትን ኩኔን አፋኑመኬኛን ድንቂ ዋቃ ዱበተን ዸጌኘ!" 12 ሁንድሳኒስ ድንቅፈተኒ፣ ዋን ጄዸንስ ወላለኒ፣ "ኩን ማል ጄቹዸ?" ጄዸኒ ወል ጋፈተን።

13 ነሞትን ቶኮ ቶኮ ገሩ፣ "እሳን ዳዺ ወይኒ ባይኤ ዹገኒሩ" ጄዸኒ እሳንት ቆሰን።

14 ጴጥሮስስ ኤርገሞተ ኩዸ ቶኮ ሰነ ወጅን ከኤ ዻበቴ፤ ሰገሌሳስ ኦል ፉዸቴ ቱተ ሰናን አከነ ጄዼ፤ "እስን ያ ነሞተ ይሁዳቲፊ ወር ዬሩሳሌም ኬሰ ጅራተን ሁንድ፣ ሜ ዋን ከነ ቤካ፤ ዋን አን እስንት ህሙ ከነ ሁበዻ ዸገኣ። 15 ዬሮን ኩን ዋን ጉያ ኬሳ ሰኣቲ ሰደፋ ተኤፍ ነሞትን ኩኔን አከ እስን ያደን ሰነ ህንመቾፍኔ። 16 ኩን ገሩ ዋን ዮኤል ራጅች ዱበቴዸ፤ እንስ አከነ ጄዸ፦

17 " ‘ዋቀዮ አከነ ጄዸ፤ በረ ዹማ ኬሰ፣

አን ሀፉረኮ ነመ ሁንደረት ነንዸንገላሰ፤

እልማኒፊ እንተለንኬሰን ራጂ ዱበቱ፤

ደርገጎትንኬሰን ሙልአተ አርጉ፤

ጃርሶሊንኬሰን አብጁ አብጆቱ።

18 በረ ሰነ ኬሰ ገርቦተኮ ወረ ዺራፊ ዱበርቲረትሌ፣

ሀፉረኮ ነንዸንገላሰ፤

እሳንስ ራጂ ንዱበቱ።

19 አን ኦል ሰሚረት ድንቂ፣

ገድ ለፈረትስ መለቶ፣

ዺገ፣ እብዳፊ ሁሪ ኣራ ነንአርግሲሰ።

20 ኡቱ ጉያን ጎፍታ እን ጉድቺፊ ኡልፍነ ቀቤስ ሱን ህንዹፍን ዱረ፣

አዱን ዱከነት ጌደረምት፤

ጅእሞ ዺገት ጌደረመ።

21 ነምን መቃ ጎፍታ ዋመቱ፣

ሁንድኑ ንፈየ።’*

22 "ያ ነሞተ እስራኤል፣ ዱቢ ከነ ዸገኣ፤ አኩመ እስኑ ቤክተን፣ ዬሱስ ነምን ናዝሬት ነመ ዋቅን ድንቂ፣ ራጂፊ መለቶ ከራሳቲን እስን ግዱት ሆጄቴን እስኒ ምርከኔሴዸ። 23 ነምቸ ከነ ዋቀቱ አኩመ ዱር ሙርቴሴፊ አኩመ ዱራን ዱርሴ ቤኩ ሰነት ደበርሴ እስንት ኬኔ። እስንስ ነሞተ ሀሞ ወጅን ቶኮ ታተኒ ፈንፍተኒ እሰ አጄፍተን። 24 ዋቅን ገሩ ዽጵነ ኬሳ እሰ ባሴ፣ ወረ ዱአን ኬሳ እሰ ካሴ፤ ዱት እሰረት ኣንጎ ቀባቹ ህንደንዴኜቲ። 25 ዳዊትስ አከነ ጄዼ ዋኤሳ ዱበቴ፦

" ‘አን ዬሮ ሁንደ ጎፍታ ኦፍ ዱረት ነንአርገ ቱሬ፤

ዋን እን ምርገኮ ጅሩፍ፣ አን ህንራፈሙ።

26 ከናፍ ገራንኮ ንገመደ፤ አረብንኮስ ንእልልቸ፤

ፎንኮስ አብዲዻን ጅራተ።

27 አት ሲኦል ኬሰት ነ ህንዺፍቱቲ፤

ቁልቁልችኬ አከ ቶርቶሩ ህንጎቱ።

28 ከራ ጅሬኛ ነ በርሲፍቴርተ፤

ፉለኬ ዱረትስ ገመቹዻን ነ ጉተ።’*

29 "ያ ኦቦሎተ፣ አከ ዳዊት ሀንገፍን አቦቲ ዱሪ ሱን ዱኤ አዋለሜ፣ አዋልሳስ ሀመ ሀርኣት አከ አሱመ ጅሩ አን እጀ ጀባዼ እስንት ህሙ ነንደንደአ። 30 እንስ ዋን ራጂ ቱሬፍ አከ ዋቅን ሰኚሳ ኬሳ ነመ ቶኮ ቴሶሳረ ቴስሱፍ አከ ከከቴ ዋዳ ገሌፊ ቱሬ ቤኬ። 31 እንስ ዋኤ ዱኣ ከኡ ክርስቶስ፣ አከ ሉቡንሳ ሲኦል ኬሰት ህንሀፍን፣ ዮካን ፎንሳስ አከ ህንቶርቶርን ዱራን ዱርሴ አርጌ ዱበቴ። 32 ዬሱሱመ ከነ ዋቅን ዱኣ ካሴረ፤ ኑ ሁንድኑ ዹገ ባቶተ ዋን ከናት። 33 ከናፍ እን ገረ ምርገ ዋቃት ኦል ኦል ጄዼ፣ አብዲ ሀፉረ ቁልቁሉ አባ ብራ ፉዼ ዋን እስን አመ አርግተኒፊ ዸጌሰን ከነ ዸንገላሴ። 34 ዳዊት ገረ ሰሚት ኦል ህንባኔቲ፤ እን መታንሳ ገሩ አከነ ጄዸ፦

" ‘ጎፍታን ጎፍታኮቲን አከነ ጄዼ፤

"ገረ ምርገኮ ታእ፤

35 ሀመ አን ዲኖተኬ

ኤጄተ ሚለኬቲ ሲፍ ጎዹት።" ’*

36 "ከናፉ ዬሱሱመ እስን ፈንፍተን ከነ አከ ዋቅን ጎፍታፊ ክርስቶስ እሰ ጎዼ መን እስራኤል ሁንድ ዹጉማን ሃቤኩ።"

37 ነሞትን ሱንስ ዮሙ ዋን ከነ ዸገአንት፣ ገራንሳኒ ራፈሜ ጴጥሮሲፊ ኤርገሞተ ካኒን፣ "ያ ኦቦሎተ፣ ዮስ ማል ሃጎኑ?" ጄዸን።

38 ጴጥሮስስ አከነ ጄዼ ዴብሴ፤ "ቶኮን ቶኮንኬሰን ቀልቢ ጅጂረዻ፤ ዺፈመ ጩቡኬሰኒቲፍስ መቃ ዬሱስ ክርስቶሲቲን ጩጰማ፤ ኬና ሀፉረ ቁልቁሉስ ንአርገቱ። 39 አብዲን ኩንስ እስኒፊ እጆሌኬሰኒፍ፣ አከሱመስ ወረ ዋቅን ጎፍታንኬኘ ኦፍት ዋሙ ከኔን ፈጎ ጅረን ሁንዳፍ ኬነሜ።"

40 እንስ ዱቢ ብራ ባይኤዻን ዹጋ በኤ፣ "ዸሎተ ጀላ ከነ ዱራ ኦፍ ኦልቻ" ጄዼ እሳን ጎርሴ። 41 ወር ዱቢሳ ፉዸተንስ ንጩጰመን፤ ጋፈስ ነመ ገረ ኩመ ሰዲቱ እሳንት ደበለሜ።

42 እሳንስ በርሲሰ ኤርገሞታት፣ ጅሬኘ ቶኩማት፣ ቡዴነ ጨጨብሱት፣ ዋቀ ከዸቹትስ ንጀባተን። 43 ነምን ሁንድኑስ ሶዳን ጉተሜ፤ ድንቂፊ መለቶን ባይኤን ኤርገሞታን ሆጄተሜ። 44 አመንቶትን ሁንድኑስ ወጅን ቱረን፤ ዋን ሁንደስ ወሉማን ቀቡ ቱረን። 45 ቀቤኘሳኒቲፊ ምአሳኒስ ጉርጉረኒ ነመ ረክነ ቀቡ ከሚፍዩ ቆዳ ቱረን። 46 እሳንስ ጉዩመ ጉያን መነ ቁልቁሉማት ወል ገኣ ቱረን፤ መነ ቶኮ ቶኮሳኒትስ ቡዴነ ኩኩተኒ፣ ገመቹፊ ገራ ቁልቁሉዻን ወጅን ኛቻ ቱረን። 47 ዋቀስ ገለቴፈቻ ቱረን። ነሞተ ሁንደ ዱረትስ ኡልፍነ ቀቡ ቱረን። ጎፍታንስ ጉዩመ ጉያን ወረ ፈየን ወልዳሳኒት ደበላ ቱሬ።