1 ዬሮ ሰነስ ዋቀዮ አከነ ናን ጄዼ፤ "ገበቴወን ዸጋ ከኔን ገበቴወን ጀልቀባ ፈካተን ለመ ሶፊቲ ቱሉት ኦል በኢ ነ ብረ ኮቱ። ታቦተ ሙካስ ሆጄዹ። 2 አንስ ዱቢ ገበቴወን ጀልቀባ ከኔን አት ጨጨብስቴ ሰነረ ቱረን ገበቴወን ከኔንረት ነንበሬሰ። አትስ ታቦተ ኬሰ እሳን ኬሰ።"

3 አን ሙከ ላፍቶራ ታቦተ ቶልቼ ገበቴወን ዸጋ ለመ አኩመ ከኔን ጀልቀባት ነንሶፌ፤ ገበቴወን ለማንስ ሀርከት ቀበዼ ቱሉ ሰነት ኦል ነንበኤ። 4 ዋቀዮ ጉያ ወል ገኢ ሰነ ቱሉራ አጀጀወን ኩርነን እብደ ኬሳ እስንት ዱበቴ ሰነ አኩመ በሬፈመ ዱራት ገበቴወን ከኔንረት በሬሴ፤ ዋቀዮስ ገበቴወን ከኔን ነት ኬኔ። 5 አንስ ቱሉ ሰነራ ገድ ቡኤ አኩመ ዋቀዮ ነ አጀጄት ገበቴወን ሰነ ታቦተ እሰ አን ሆጄዼ ቱሬ ኬሰ ነንካኤ፤ እሳንስ አመ አች ጅሩ።

6 እስራኤሎንስ ብኤሮት ቤኔ ያአካኒ ከአኒ ገረ ሞሴራት ቀጄለን። አሮንስ አችት ዱኤ አዋለሜ፤ እልምሳ ኤሌኣዛር እዶሳ ቡኤ ሉበ ተኤ። 7 አቺ ከአኒ ጉድጎዳ ዸቀን፤ ኤርገሲስ ገረ ዮጥባታ ብየ ብሻኖተ ያአን ቀብዱት ደርበን። 8 ዬሮ ሰነት ዋቀዮ ጎሰ ሌዊ አከ እን ታቦተ ከኩ ዋቀዮ ባቱፍ፣ አከ ፉለ ዋቀዮ ዱረ ዻበቴ እሰ ተጃጅሉፊ አከ መቃሳቲን ኤብሱፍ ሀመ ሀርኣት አዳን ባሴ። 9 ሰበቢን ጎስት ሌዊ አከ ኦቦሎተሳ ግዱት ቆደ ዮካን ዻለ ህንቀባትኔ ጎዸሜፍስ ከኑመ። አኩመን ዋቀዮ ዋቅንኬ እሳንት ህሜት፣ ዋቀዮ ዻለሳኒት።

10 አመስ አን አኩመ ዬሮ ጀልቀባ ጎዼ ሰነ ጉያ አፉርተማፊ ሀልከን አፉርተመ ቱሉ ሰነ እረን ቱሬ፤ ዋቀዮ አመስ ነ ዸገኤ። እን ስ በሌሱዻፍ ፌዺ ህንቀቡ። 11 ዋቀዮስ፣ "ዴም፤ አከ እሳን ብየ አን አቦቲሳኒቲፍ ኬኑዻፍ ከከዼ ሰነ ሴነኒ ዻለኒፍ ሰበ ከነ ዱረ ቡኢ ዴም" ናን ጄዼ።

12 ያ እስራኤል፣ ወን ዋቀዮ ዋቅንኬ ስራ በርባዱ ማል? አከ አት ዋቀዮ ዋቀኬ ሶዳቱ፣ አከ ዳንዲሳ ሁንደረ ዴምቱ፣ አከ እሰ ጃለቱ፣ አከ ዋቀዮ ዋቀኬ ገራኬ ጉቱፊ ሉቡኬ ጉቱዻን ተጃጅልቱ፣ 13 አከ ሲፍ ቶሉፍ፣ አከ አት አጀጀወኒፊ ቀጄልቸወን ዋቀዮ ከኔን አን ሀርአ ሲፍ ኬኑ ኤግዱ ምቲ?

14 ኩኖ ሰሚን፣ ሰሚን ሰሚወኒ ኦሊ፣ ለፍቲፊ ወን እሼ ኬሰ ጅሩ ሁንድኑ ከን ዋቀዮ ዋቀኬቲት። 15 ተኡስ አኩመ ሀርአ ተኤ ጅሩ ከነ፣ ዋቀዮ ጃለላን ቀልቢሳ አቦቲኬሰንረ ቡፈቴ፤ እስን ወረ ሰኚሳኒ ታተንስ ሰቦተ ሁንደ ጫልችሴ ፍለቴ። 16 ከናፉ ቀልቢኬሰን ዸግነ ቀባ፤ ስ አችስ መታ ጀቤዪ ህንተእና። 17 ዋቀዮ ዋቅንኬሰን ዋቀ ዋቆታ፣ ጎፍታ ጎፍቶታ፣ ዋቀ ጉዳ፣ ጀባፊ ሶዳችሳ፣ ከን ነመ ወል ህንጫልችፍኔፊ ከን መተኣ ህንፉዸኔዻቲ። 18 እን እጆሌ አቦቲ ህንቀብኔፊ ኒቶተ ዽርሶትንሳኒራ ዱአኒፍ ንፈልመ፤ አለጎተስ ኛታፊ ኡፈተሳኒ ኬኑዻን ጃለተ። 19 አለጎተ ጃለዻ፤ እስን መታንኬሰን ብየ ግብጥት አለጎተ ቱርተኒቲ። 20 ዋቀዮ ዋቀኬ ሶዳዹ፤ እሰ ተጃጅልስ። እሰት መጠን፤ መቃሳቲንስ ከከዹ። 21 እን ኡልፍነኬት፤ እን ዋቀኬ ከን ድንቂወን ጉርጉዳፊ ሶዳችሳ አት እጀኬቲን አርግቴ ሰነ ሲፍ ሆጄቴዸ። 22 አቦቲንኬ ወር ግብጥት ገድ ቡአን ነመ ቶርባተመ ቱረን፤ አመ ገሩ ዋቀዮ ዋቅንኬ አከ ኡርጂ ሰሚ ኬሳ ስባይእሴረ።