1 ኤርገ ወጋን ለመ ጉቱን ደርቤ ቦዴ ፈረኦን አብጁ ቶኮ አብጆቴ። ኩኖ እን ቀርቀረ ለገ አበያ ዻበቻ ቱሬ። 2 ኩኖ፣ ሳወን በበሬዶፊ ገገበቶትን ቶርበ ለገ አበያ ኬሳ ኦል በአን፤ እሳንስ ሸምበቆ ኬሰ ዼዳ ቱረን። 3 አመስ ኩኖ፣ ሳወን ፎፎክሶፊ ሁሁቀቶትን ከኔን ብራ ቶርበ ለገ አበያ ኬሳ ኦል በአኒ ሳወን ኤዴደ ለጋ ቱረን ሰነ ብረ ዸዻበተን። 4 ሳወን ፎፎክሶፊ ሁሁቀቶትን ሱንስ ሳወን በበሬዶፊ ገገበቶ ቶርበን ሰነ ኛተን። ፈረኦንስ ህርባ ደመቄ።

5 አመስ ዴብኤ ረፌ አብጁ ለመፋ አብጆቴ፤ ኩኖ መታን ምዻኒ ቶርበ ምሴ ቶሌ ሶማ ቶኮረት ጉደቻ ቱሬ። 6 ኤርገሲሞ ኩኖ መታን ምዻን ቀቀንጨሮ ሆቦምቦሌቲ በኣ ቢፍቱቲን ጉበተኒ ቶርበ ብራ ብብቅለን። 7 መታን ምዻን ቀቀንጨሮ ሰናስ መታ ምሴ ቶሌ ቶርበን ሰነ ልልቅምሴ፤ ፈረኦንስ ህርባ ደመቄ፤ ኩኖ ወን ሱንስ አብጁ ቱሬ።

8 ገነመ ሰነ ያድንሳ ንጄቀሜ፤ እን ነመ ኤርጌ ቶልፈቶታፊ ቤክቶተ ግብጥ ሁንደ ዋምስፈቴ። ፈረኦንስ አብጁሳ እሳንት ህሜ፤ ገሩ ነምን አብጁ ሰነ እሳፍ ሂኩ ደንደኡ ቶኮሌ ህንአርገምኔ።

9 ኤርገሲ እት ጋፈተማን ዹጋቲ ሱን ፈረኦኒን አከነ ጄዼ፤ "አን ሀርአ በሌሳኮ ያደዼረ። 10 ዬሮ ቶኮ ፈረኦን ተጃጅልቶተሳት ኣሬ አናፊ እት ጋፈተማ ቡዴና ሰነ መነ አጀጃ ዋርድያ ኬሰት ህዼ። 11 ቶኮን ቶኮንኬኘ ሀልከኑመ ቶኮን አብጁ አብጆትኔ፤ ቶኮን ቶኮን አብጁ ሰናስ ሂካ መታሳ ቀበ ቱሬ። 12 እብርች ደርገጌስ ቶኮ ኑ ወጅን አች ቱሬ፤ እንስ ተጃጅላ አጀጃ ኤጉምሳ ቱሬ። ኑ አብጁኬኘ እት ህመናን እን ቶኮ ቶኮኬኛፍ አኩመ አብጁኬኛት ሂካሳ ኑት ህሜ። 13 አኩመ እን ኑ ሂኬ ሰነ ተኤ፤ አን እዶኮት ነንዴብኤ፤ ነምች ካንስ ንፈንፈሜ።"

14 ፈረኦንስ ነመ ኤርጌ ዮሴፍን ዋምስሴ፤ ቦለ ህዻ ኬሳ ባሰኒስ ደፈኒ እሰ ፍደን። እንስ ሃደቴ ኡፈተሳስ ጌደረቴ ፉለ ፈረኦን ዱረት ዽኣቴ።

15 ፈረኦንስ ዮሴፊን፣ "አን አብጁ አብጆዼን ቱሬ፤ ገሩ ነምን ቶኮዩ ና ሂኩ ህንደንዴኜ። አን አከ አት ዬሮ አብጁ ዸጌሱ ሂኩ ደንዴሱ ዸገኤረ" ጄዼ።

16 ዮሴፍሞ፣ "አን ሂኩ ህንደንደኡ፤ ዋቅን ገሩ ፈረኦኒፍ ዴቢ ነጋ ንኬነ" ጄዼ ፈረኦኒፍ ዴብሴ።

17 ፈረኦንስ ዮሴፊን አከነ ጄዼ፤ "አን አብጁኮቲን ቀርቀረ ለገ አበያረ ዻበቻን ቱሬ፤ 18 ኩኖ ሳወን ገገበቶፊ በበሬዶን ቶርበ ለግቸ ኬሳ ኦል በአኒ ሸምበቆ ኬሰ ዼዳ ቱረን። 19 እሳን ዱባንሞ ሳወን ሁሁቀቶ፣ ባይኤ ፎፎክሶፊ ቀቀሎን ብራ ቶርበ ኦል በአን፤ አን ተኩማ ሳወን ፎፎክሶ አከና ጉቱማ ብየ ግብጥ ኬሰት ህንአርግኔ። 20 ሳወን ሁሁቀቶፊ ፎፎክሶን ሱን ሳወን ገገበቶ ዱራን ኦል በአን ቶርበን ሰነ ኛተን። 21 ገሩ ኤርገ እሳን ኛተኒ ቦዴ ነምን ቶኮሌ አከ እሳን ሳወን ሰነ ኛተን ቤኩ ህንደንዴኜ፤ እሳን አኩመ ኡቱ ህንኛትኒን ዱረ ቱረን ሰነ ፎፎክሶ ቱረኒቲ። አንስ ህርባ ነንደመቄ።

22 "አከሱመስ አን አብጁኮቲን መታ ምዻኒ ቶርበ ከን ምሴፊ ገጋሪ ሶማ ቶኮረት ጉደቻ ጅሩ ነንአርጌ። 23 እሳን ዱባንስ ኩኖ መታን ምዻኒ ጮጮለጋን፣ ቀቀላን ከን ሆቦምቦሌቲ በአ ቢፍቱቲን ጉበቴ ቶርበ ኦል በኤ። 24 መታወን ምዻኒ ቀቀልኣን ሱን መታ ምዻኒ ገጋሪ ቶርበን ሰነ ልቅምሰን፤ አንስ ዋን ከነ ቶልችቶተት ነንህሜ፤ ገሩ ነምን ቶኮዩ ና እብሱ ህንደንዴኜ።"

25 ዮሴፍሞ ፈረኦኒን አከነ ጄዼ፤ "አብጁን ፈረኦን ለማኑ ቶኩመ። ዋቅን ዋን ሆጄቹፍ ጅሩ ፈረኦንት ሙልእሴረ። 26 ሳወን በበሬዶን ቶርበ ወጋ ቶርበ፤ መታወን ምዻኒ ገጋሪ ቶርበስ ወጋ ቶርበ፤ አብጁን ሱን ቶኩመ። 27 ሳወን ቀቀሎፊ ፎፎክሶን ቶርበን ዱባን ኦል በአንስ ወጋ ቶርበ፤ መታወን ምዻኒ ቀቀንጨሮን ሆቦምቦሌቲ በአ ቢፍቱቲን ጉበተን ቶርበንሞ ወጎተ ቤላ ቶርበ።

28 "ወን ኩን አኩመ አን ፈረኦንት ህሜዸ። ዋቅን ዋን ሆጄቹፍ ጅሩ ፈረኦንት አርግሲሴረ። 29 በር ቁፋ ጉዳንሳ ቶርበ ብየ ግብጥ ጉቱት ንዹፈ፤ 30 እሳን ቦዴዻን ገሩ ወጎትን ቤላ ቶርበ ንዹፉ። ቁፍን ብየ ግብጥ ሁንድ ንእራንፈተመ፤ ቤል ሱንስ ብየ በሌሰ። 31 ዋን ቤል ዱባን ዹፉ ሱን ባይኤ ሀማ ተኡፍ ቁፍን ብየቲ ህንያደተሙ። 32 አብጁን ኩን ብፈ ለማን ፈረኦንት ኬነሙንሳ ዋን ዱብች ዋቃን ሙርቴፈሜፍዸ፤ ዋቅንስ ዋን ከነ ደፌ ንራወተ።

33 "ከናፉ ፈረኦን ነመ ሁበታፊ ቤካ ቶኮ ፍለቴ ብየ ግብጥረት ሃሙዱ። 34 ፈረኦን አከ እሳን ወጎተ ቁፋ ቶርበን ኬሰ ምዻን ብየ ግብጢቲ ገልፈሙ ሀርከ ሸን ኬሳ ሀርከ ቶኮ ወልት ቀበኒፍ ቆንዳልቶተ ብየረት ሃሙዱ። 35 እሳንስ ወጎተ ጋሪ ዹፉፍ ጅረን ከነ ኬሰ ምዻን ሁንደ ወልት ሃቀበን፤ አከ ኛታፍ ተኡፍስ ምዻን ከነ ታይታ ፈረኦን ጀለት መጋላወን ኬሰት ሃኩሰን፤ ሃኤገንስ። 36 ምዻን ኩንስ አከ ብየቲን ቤላን ህንበድኔፍ ወጎተ ቤላ ቶርበን ግብጥት ዹፉፍ ጅሩ ኬሰ አከ ፈየዱፍ ብየቲዻፍ ኦል ሃካአሙ።"

37 ዱብችስ ፈረኦኒፊ ቆንዳልቶተሳ ሁንደ ብረት ጋሪ ቱሬ። 38 ፈረኦንስ፣ "ነመ አከ ነምቸ ከና ከን ሀፉር ዋቃ ኬሰ ጅሩ አርገቹ ደንዴኛሬ?" ጄዼ እሳን ጋፈቴ።

39 ፈረኦንስ ዮሴፊን አከነ ጄዼ፤ "ኤርገ ዋቅን ዋን ከነ ሁንደ ስት ሙልእሴ፣ ነምን አከኬ ሁበታፊ ቤካ ተኤ ቶኮዩ ህንጅሩ። 40 አት መሰራኮረት እት ጋፈተማ ታተ፤ ሰብንኮ ሁንድኑስ አጀጀኬ ጀለት ቡለ። አን ኡልፍነ ቴሶ ቆፋን ስ ጫለ።"

41 ፈረኦንስ ዮሴፊን፣ "እላ፣ አን ብየ ግብጥ ሁንደረት ስ ሙዴረ" ጄዼ። 42 ኤርገሲ ፈረኦን ቁቤላ ቻፓሳ ቁበሳራ ባሴ ቁበ ዮሴፍት ካኤ። ኡፈተ ቁንጬ ተልባ ሀጲራ ሆጄተሜ እሰት ኡፍሴ፤ አመርቲ ወርቄ ሞርመሳት ካኤ። 43 እንስ ጋሪሳ እሰ ለመፋረ እሰ ቴስሴ፤ ነሞትንስ፣ "ሰገዳ!" ጄቻ ፉለሳ ዱረ ዴመኒ እያ ቱረን፤ አከናን ፈረኦን ብየ ግብጥ ሁንደረት እሰ ሙዴ።

44 ኤርገሲስ ፈረኦን ዮሴፊን፣ "አን ፈረኦኒዸ፤ ገሩ አጀጀኬ መሌ ነምን ጉቱማ ግብጥ ሀርከሳ ዮካን ሚለሳ ሶቾሱ ቶኮዩ ህንጅሩ" ጄዼ። 45 ፈረኦንስ ዮሴፊፍ መቃ ዛፌናት-ጰኔኣ ጄዸሙ ባሴ፤ እንተለ ጶጢፌራ ሉብቸ መጋላ ኦን ከን ኣሴነት ጄዸምቱሌ እት ሄሩምሲሴ። ዮሴፍስ ብየ ግብጥ ሁንደ ኬሰ ናነኤ።

46 ዮሴፍ ዬሮ ተጃጅለ ፈረኦን ሞትቸ ግብጥ ጀልቀቤት ነመ ወጋ ሶዶማ ቱሬ፤ እንስ ፉለ ፈረኦን ዱራ በኤ ዴሜ ብየ ግብጥ ሁንደ ኬሰ ነናነኤ። 47 ወጎተ ቁፋ ቶርበን ሰነ ኬሰ ለፍት ምዻን አከ መሌ ባይአቱ ኬንቴ። 48 ዮሴፍስ ምዻን ወጎተ ቶርበን ሰነ ኬሰ ግብጢ ገልፈሜ ሁንደ ወልት ቀቤ መጋላወን ኬሰት ኩሴ። ምዻን ለፈ ቆቲሳ ናኖ መጋላስ ቶኮ ቶኮ መጋላ ሰና ኬሰት ኩሴ። 49 ዮሴፍስ ምዻን ባይእንሳ ጉዳ አከ ጭረቸ ገላና ተኤ ኩሴ። ዋን ምዻን ሱን ሰፈረሙ ህንደንደአምኒፍ እን ሰፈሩ ዺሴ።

50 ዮሴፍ ኡቱ ወጎትን ቤላ ሱን ህንዹፍን ዱረ ኣሴነት እንተለ ጶጢፌራ ሉብቸ መጋላ ኦንራ እልማን ለመ ዸልቼ። 51 ዮሴፍስ፣ "ዋቅን ረክነኮ ሁንዳፊ መነ አባኮ ሁንደ ነ እራንፈቺሴረ" ጄዼ መቃ እልመሳ ሀንገፍትቻ ምናሴ ጄዼ ሞጋሴ። 52 "ዋቅን ብየ አን እት ረከዼ ኬሰት ነ ባይእሴረ" ጄዼ እልመሳ እሰ ለመፋሞ ኤፍሬም ጄዼ ሞጋሴ።

53 ግብጥ ኬሰት ወጎትን ቁፋ ቶርበን ሱን ደርቤ፣ 54 አኩመ ዮሴፍ ዱበቴ ሰነ ወጎትን ቤላ ቶርበ ጀልቀቤ። ብዮተ ብራ ሁንደ ኬሰ ቤለቱ ቱሬ፤ ብየ ግብጥ ጉቱ ኬሰ ገሩ ምዻንቱ ቱሬ። 55 ዬሮ ግብጥ ጉቱን ቤለኡ ጀልቀቤት ነሞትን ምዻን በርባደኒ ፈረኦንት እየተን፤ ፈረኦንሞ ወረ ግብጥ ሁንዱማን፣ "ዮሴፍ ብረ ዸቃቲ ዋን እን እስንት ህሙ ጎዻ" ጄዼ።

56 ቤል ጉቱማ ብየቲ ኬሰ በበልአትናን ዮሴፍ መንኩሳሌ ሁንዱማ በኔ ነሞተ ግብጥት ምዻን ጉርጉሬ፤ ቤል ግብጥ ሁንደ ኬሰት ሀማቴ ቱሬቲ። 57 ዋን ጉቱ አዱኛረት ቤል ሀማቴፍ ብዮትን ሁንድኑ ዮሴፍራ ምዻን ብተቹፍ ገረ ግብጥ ዹፋ ቱረን።