1 አመንቲን ዋን አብደትኑ ቶኮ ዹጉማን ንተአ ጄኔ ፉዸቹዸ፤ ዋን እጃን ህንአርግኔ ቶኮሞ ቀበተማዸ ጄኔ ሄዱዸ። 2 ጃርሶሊፍስ ከናን ዹጋ በአሜቲ።

3 አዱኛወን አከ አጀጀ ዋቃቲን ኡመመን፣ ወን ሙልአቱስ አከ ዋን ሙልአቱራ ህንሆጄተምን ኑ አመንቲዻን ሁበትነ።

4 አቤል አመንቲዻን ኣርሳ እሰ ቃይን ዽኤሴ ጫሉ ዋቃፍ ዽኤሴ። እን ዮሙ ዋቅን ዋኤ ኬናሳ ዹጋ በአሜፍት ነመ ቀጄላ ተኡንሳ አመንቲዻን ዹጋ በአሜፍ። አቤል ዱኡዩ ሀመ አማት አመንቲዻን ዱበቻ ጅረ።

5 ሄኖክ አከ ዱአ ህንአርግኔፍ አመንቲዻን ፉዸተሜ፤ ዋን ዋቅን እሰ ፉዸቴፍ እን ህንአርገምኔ።* እን ኡቱ ህንፉዸተምን ዱረ አከ ነመ ዋቀ ገመቺሴት ዹጋ በአሜፊ ቱሬቲ። 6 አመንቲዻን መሌ ዋቀ ገመቺሱን ህንደንደአሙ፤ ሰበቢንሳስ ነምን ገረሳ ዹፉ ከምዩ አከ እን ጅሩፊ አከ እን ወረ እሰ በርባደኒፍ ገቲ ኬኑ አመኑ ቀበ።

7 ኖህ ዋኤ ዋን አመሌ እጃን ህንአርገምኒ ዋቅን እሰ አኬከቺፍናን ሶዳቴ ወረ መነሳ ጅራተን ኦልፈቹፍ ጄዼ አመንቲን ዶኒ ቶልቼ። አመንቲሳቲንስ አዱኛት ሙሬ፤ ዻልቱ ቀጄሉማ አመንቲን አርገሙስ ተኤ።

8 አብረሃም ገረ እዶ ዻሉፍ ጅሩ አከ ዸቁ ዮሙ ዋመሜት፣ አመንቲዻን አጀጀሜ፤ ኤሰ አከ ዸቁዩ ኡቱ ህንቤክን ከኤ ዴሜ። 9 እንስ አከ ኬሱማ ብየ ኦርማ ጅሩት ብየ እሳፍ ዋዳ ገለሜ ሰነ ኬሰ አመንቲዻን ቁበቴ፤ አኩመ ወረ እሰ ወጅን ዋዳዹመ ሰነ ዻለን፣ አኩመ ይስሃቂፊ ያቆብ ዱንካነ ኬሰ ጅራቴ። 10 እን መጋላ ሁንዴ ቀብዱ ከን ዋቅን እጃሬፊ ቶልቼ ኤገቻ ቱሬቲ። 11 ሳራን ዮ ኡሙሪ ደኡምሳ ደበርቴ፣ ዸብዱ ቱርቴሌ እሼን ዋን ዋቀ ዋዳ እሼፍ ገሌ ሰነ አመነማ ጎቴ ፉዸቴፍ፣ አመንቲዻን ሙጫ ደኡ ደንዴሴ። 12 ከናፍ ነምቸ አከ ዋን ዱኤት እላለሙ ቶክቸ ከነራ ሰኚን አከ ኡርጂ ሰሚ ባይአቱፊ አከ ጭረቸ ቀርቀረ ገላና ከን ህንለካአምኔ ዸለቴ።

13 ነሞትን ኩኔን ሁንድኑ ኡቱ ዋን ዋዳ ገለሜፍ ሰነ ህንአርገን አመንቲሳኒሞ ኡቱ ህንዺስን ዱአን። ዋዳ ሰነስ ፈጎት እላለኒ ስመተን። እሳንስ ለፈረት አከ ኬሱሞታፊ ጎዳንቶተ ቱረን ቤከኒሩ። 14 ወር ዋን አከሲ ጄዸን ኩኔን አከ ብየ ኦፊሳኒ ኤገቻ ጅረን ሙልእሱ። 15 እሳን ኡቱ ዋኤ ብየ ኬሳ በአን ሰና ያዳ ቱረኒ ስላ፣ ብየሳኒት ዴብኡፍ ጨራ ንአርገቱ ቱረን። 16 ቆደ ከና እሳን ብየ ወዩ ቶኮ ጄቹንስ ብየ ሰሚራ ሰነ ሀዋ ቱረን። ከናፉ ዋቀዮ ዋቀሳኒ ጄዸሜ ዋመሙት ህንቃነኡ፤ እን መጋላ እሳኒፍ ቆጴሴራቲ።

17 አብረሃም ዬሮ ዋቅን እሰ ቆሬት አመንቲዻን ይስሃቅን ኣርሳዻፍ ዽኤሴ። እሱመ ዋዳ አርገቴ ሰነቱ እልመሳ ቶክቸ ኣርሳ ጎዼ ዽኤሱፍ ቆጳኤ፤ 18 እንስ እሱመ ዋቅን፣ "ሰኚንኬ ይስሃቂን ሲፍ ዋመመ"* ጄዼን ሰነ። 19 አብረሃም አከ ዋቅን ወረ ዱአን ኬሳ ነመ ካሱ ደንደኡሌ ሁበቴ ቱሬ፤ ኩንስ ከራ ቶኮን እን እልመሳ ይስሃቅን ወረ ዱአን ኬሳ ዴብሴ አርገቴ ጄቹዸ።

20 ይስሃቅ አመንቲዻን ዋን ዹፉፍ ጅሩረት ያቆቢፊ ኤሳዉን ኤብሴ።

21 ያቆብ ዬሮ ዱኤት አመንቲዻን እልማን ዮሴፍ ቶኮ ቶኮን ኤብሴ፤ መታ ኡሌሳት እርከቴስ ሰገዴ።

22 ዮሴፍስ ዬሮ ዱኤት አመንቲዻን ዋኤ ግብጥ ኬሳ በኡ እጆሌ እስራኤል ዱበቴ፤ ዋኤ ለፌሳስ አጀጀ ኬኔ።

23 ዬሮ ሙሴን ዸለቴት አባፊ ሃትሳ ሙጫ ሚዸጋ ተኡሳ አርገኒ ኡቱ ለብሲ ሞትቻ ህንሶዳትን አመንቲዻን ጅአ ሰዲ እሰ ዾክሰን።

24 ሙሴን ዬሮ ጉደቴት እልመ እንተለ ፈረኦን ጄዸሜ ዋመሙ አመንቲዻን ድዴ። 25 እን ገመቹ ጩቡቲን ዬሮ ገባባፍ ገመዱረ ሰበ ዋቃ ወጅን ዽጰቹ ፍለቴ። 26 እን ዋን በዻሰሳ ኦፍ ዱረት እላሌፍ፣ ክርስቶሲፍ ጄዼ ሰልጰቹ አከ ቀቤኘ ግብጥ ጫላ ገቲ ጉዳ ቀቡት ፉዸቴ። 27 እንስ ኡቱ ዼከምሰ ሞትቻ ህንሶዳትን አመንቲዻን ግብጥ ኬሳ በኤ፤ እሰ ህንሙልአትኔ ሰነ አከ ዋን አርጌት ኦብሴ ኤገቴ። 28 አከ ኤርገማን ሀንገፈ አጄሱ ሱን ሀንገፎተ ሰበ እስራኤል ህንቱቅኔፍስ አመንቲዻን አከ ፋሲካን አያኔፈሙ፣ ዺግንስ አከ ፈጫፈሙ ጎዼ።

29 ሰብን እስራኤል አኩመ ነመ ለፈ ጎጋረ ዴሙት አመንቲን ገላነ ዲማ ጬኤ፤ ወር ግብጥ ገሩ ዮሙ አኩመ ሰነት ጬኡ ያለንት ንልቅምፈመን።

30 ደላን ዬርኮ ኤርገ ጉያ ቶርበ መርፈሜ ቦዴ አመንቲዻን ጅጌ።

31 ሰጋገልቱን ረሃብ ጄዸምቱ በሳስቶተ ስመቹ እሼቲን አመንቲዻን ሀፍቴ መሌ ወረ ህንአመንን ወጅን ህንአጄፈምኔ።

32 አን ኤጋ ከነ ጫላ ማልን ጄዸሬ? ዋኤ ጌዴዎን፣ ዋኤ ባርቅ፣ ዋኤ ሳምሶን፣ ዋኤ ይፍታ፣ ዋኤ ዳዊት፣ ዋኤ ሳሙኤሊፊ ዋኤ ራጆታ ኦዴሱፍ አን ዬሮ ህንቀቡ፤ 33 እሳን አመንቲዻን ሞቱሞተ ሞአተን፤ ሙርቲ ቀጄላ ኬነን፤ ዋን ዋዳ ገለሜ አርገተን፤ አፋን ሌንጮታ ጩፈን፤ 34 አመንቲዻን እብደ ጀባ ዻምሰን፤ ቀረ ጎራዴ ጀላ በአን፤ ደዸቢንሳኒ ጀብነት ጌደረሜ፤ ወራነ ኬሰት ሁምነ አርገተኒ ሎልቶተ ዲና አርአን። 35 ዱበርቶትንስ ነሞትንሳኒ ከኔን ዱአን ካፈመኒፊ ዴብሰኒ ፉዸተን። ወር ካንስ ዱኣ ከኡ ወዩ አርገቹፍ ጄዸኒ ገድ ዺፈሙ ድደኒ ዽጰተን። 36 ወረ ካንት ንቆሰሜ፤ ንገረፈመንስ፤ አከሱመስ ፎንጫን ህዸመኒ መነ ህዻት ደርበተመን። 37 ዸጋዻንስ ንቱመመን፤ እዶ ለመት በቀቅፈመን፤ ጎራዴዻን አጄፈመን። ዴጉዻን፣ አርአተሙፊ ዽጰቹዻን ጎጋ ሆሎታቲፊ ሬኦታ ኡፈተኒ ጆረን፤ 38 አዱኛን እሳኒፍ ህንመሌቲ። እሳንስ ገሞጂፊ ጋረረ፣ ሆልቃፊ ቦለ ኬሰ ጆራ ቱረን።

39 ወር ኩኔን ሁንድኑ ዮ ሰበቢ አመንቲሳኒቲፍ ጀጀመንዩ እሳን ኬሳ ነምን ቶኮዩ ዋን ዋዳ ገለሜ ሰነ ህንአርገትኔ። 40 ዋቅን አከ እሳን ኑ ቆፈ ወጅን ወረ ሙዳ ህንቀብኔ ተአኒፍ ዱራን ዱርሴ ዋን ኑፍ ወዩ አርጌረ።