እዮብ 24

1 "ዋቅን ዋን ሁንደ ደንደኡ ሱን ማሊፍ ዬሮ ሙርቲ ህንሙርቴስኔ?

ወር እሰ ቤከን ማሊፍ አከሱማን ጉዮተሳ ህንአርግኔ?

2 ነሞትን ዸጋ ዳሪ ንዺቡ፤

ቡሻዬ ሀተኒስ ንቦባሱ።

3 እሳን ሀሬ እጆሌ አባ ህንቀብኔ ኦፈተኒ ዴሙ፤

ሰንጋ ሃዸ ህዬሳ ቀብዲ ፉዸቱ።

4 ረከታ ከራራ በሌሱ፤

ህዬዪን ብያ ሁንድስ እሳን ጀላ ዾከቱ።

5 ህዬዪን አኩመ ሀሬ ዲዳ ከን ገሞጂ ኬሳ

ኛተ በርባቸ አሲፊ አች ጆሩ፤

ገሞጂ ሰነ ኬሳስ እጆሌሳኒቲፍ ኛተ ኬነ።

6 እሳን ድሬረት ኦካ ወልት ቀበቱ፤

እዶ ዻባ ወይኒ ነመ ሀማራስ ቀርሚ ፉናነቱ።

7 ኡፈተ ዸበኒ ሀልከን ቁላ ቡሉ፤

ዋን ዻሞቸ ኬሰት ኡፈተን ቶኮሌ ህንቀበን።

8 እሳን ቦካ ቱሉቲን ቶርቶረኒሩ፤

ዋን እት ደአተንሌ ዸበኒ ከታ ሀመቱ።

9 ሙጫን አባ ህንቀብኔ ሀርመራ ቡተሜረ፤

ዳእምን ህዬሳ ቀብዲ ኬነሜረ።

10 እሳን ኡፈተ ዸበኒ ቁላ ዴሙ፤

ብሲ ባቱ፤ ገሩ ንቤለኡ።

11 እሳን ዸጋ ግዱት ዘይቲ ኤጄርሳ ባሱ፤

ወይኒ ጩንፉ፤ ገሩ ንዼቦቱ።

12 ኣዱን ወረ ዱኡት ጅረኒ መጋላ ኬሳ ንዸገአመ፤

ሉቡን ወረ መዳአኒስ ገርጋርሰ በርባቸ እይት።

ዋቅን ገሩ በሌሳ ቶኮዩ እሳንት ህንለካኡ።

13 "ወር እፈት ፍንጭለን ከኔን ዳንዲሳ ህንቤክኔ

ዮካን ዳንዲ እፋረ ህንጅራትኔ ጅሩ።

14 ዮሙ አዱን ዺቱ፣ ነምን ነመ አጄሱ ንከአ፤

እንስ ህዬዪፊ ረከቶተ ንአጄሰ፤

ሀልከንሞ አኩመ ሀቱ ተአ።

15 እጅ ኤጃን ድምምሰ ኤገተ፤

እንስ፣ ‘እጅ ነ አርጉ ህንጅርቱ’ ጄዸ፤

ፉለሳስ ንዾክፈተ።

16 ነሞትን ዱከነ ኬሰ መነ ጨብሰኒ ሴኑ፤

ጉያ ገሩ ኦፍት ጩፈኒ ኦሉ፤

እሳን እፈ ህንቤከን።

17 ሁንደሳኒቲፍ፣ ዱከን ጉዳን በሪሳኒት፤

እሳን ሶዳ ዱከነ ጉዳት ምቾሙ።

18 "ተኡስ እሳን ሆመቸ ብሻን ጉባት፤

አከ ነምን ቶኮዩ ገረ እዶ ዻባ ወይኒ ህንዸቅኔፍ፣

ቆድን ለፈሳኒ አባረሜረ።

19 አኩመ ሆኢፊ ሆንጌን ጨቢ በቄ ጡጤ ፍጡ፣

አዋል ነሞተ ጩቡ ሆጄተን ንቡተተ።

20 ገደሜስ እሳን እራንፈተ፤

ራሞንስ እት ዱዴ እሳን ኛት፤

ነሞትን ሀሞን አኩመ ሙካ ንጨጨቡ፤

ስአችስ ህንያደተመን።

21 እሳን ዱበርቲ ዸብዱ ንሳሙ፤

ሃዸ ህዬሳቲፍሌ ገራ ህንላፈን።

22 ዋቅን ገሩ ሁምነሳቲን ጀጀቦተ አለት ሀርክሰ፤

እሳን ኦል ከኡ፤ ገሩ ወቢ ጅሬኛ ህንቀበን።

23 እን አከ እሳን ዋን ነጋን ጅራተን ሴአኒፍ እቱመ ዺሱ ደንደአ፤

እጅሳ ገሩ ከራሳኒ ንቶአተ።

24 እሳን ዬሮ ጥኖፍ መታ ኦል ቀበቱ፤ ኤርገሲሞ ንበዱ፤

ገድ ዴብፈመኒስ አኩመ ወረ ካኒ ወልት ቀበሙ፤

አኩመ መታ ምዻኒስ ንሙረሙ።

25 "ዮ ኩን አከስ ተኡ ባቴ

ኤኙቱ ሶብዱ ነ ጎዼ ዱቢኮ ቡሼሰ?"