João 18

ዬሱስ ቀበሜ

1 ዬሱስ ወንቶተ ከኔን ዱበቴ በረቶተሳ ወጅን ሱሉለ ቄድሮን ገመ እዶ ብቅልቱን ቱሬ ቶኮት ጬኤ፤ እንስ፣ በረቶትንሳስ አች ኬሰ ሴነን።

2 ዬሱስ ዬሮ ባይኤ በረቶተሳ ወጅን አችት ወል አርጋ ዋን ቱሬፍ፣ ይሁዳን እን ዬሱስን ደበርሴ ኬኑ ሱንስ እዶ ሰነ ቤከ ቱሬ። 3 ከናፉ ይሁዳን ቱተ ሎልቶታቲፊ ቆንዳልቶተ ሉቦተ ሀንገፎታፊ ፈሪሶተ ብራ ኤርገመን ዱረ ዴማ አች ዹፌ። እሳንስ ጉጨ፣ እብሳፊ ምአ ሎላ ቀበተኒ ቱረን።

4 ዬሱስስ ዋን እሰረ ገኡፍ ጅሩ ሁንደ ቤክናን ገድ በኤ፣ "እስን ኤኙን በርባዱ?" ጄዼ እሳን ጋፈቴ።

5 እሳንስ ዴብሰኒ፣ "ዬሱስ እሰ ናዝሬት" ጄዸን።

ዬሱስሞ፣ "አን እሳዸ" ጄዼ። ይሁዳን እን ደበርሴ እሰ ኬኑ ሱንስ ጀረ ወጅን አች ዻበቻ ቱሬ። 6 ዮሙ ዬሱስ፣ "አን እሳዸ" እሳኒን ጄዼት ዱግደ ዱበት ዴብአኒ ለፈት ኩኩፈን።

7 አመስ፣ "እስን ኤኙን በርባዱ?" ጄዼ እሳን ጋፈቴ።

እሳንስ፣ "ዬሱስ እሰ ናዝሬት" ጄዸን።

8 ዬሱስስ ዴብሴ፣ "አን፣ ‘አን እሳዸ’ እስኒን ጄዼረ። ከናፉ፣ እስን ዮ ነ በርባደን ነሞተ ከኔን ዺሳ ሃዴመኒ!" ጄዼ። 9 ኩንስ አከ ዱቢን እን፣ "አን ወረ አት ናፍ ኬንቴ ኬሳ ቶኮሌ ህንገትኔ"*18፥9 ዮሀ 6፥39 ጄዼ ዱበቴ ሱን ራወተሙፍ ተኤ።

10 ስሞን ጴጥሮስ ጎራዴ ቀቡ ሉቅፈቴ ገርብቸ ሉበ ኦል ኣና ዸኤ ጉረሳ ከን ምርጋ እራ ኩቴ። መቃን ገርብቸ ሰናስ ማልኮሲዸ።

11 ዬሱስስ ጴጥሮሲን፣ "ጎራዴኬ መንኤሳት ዴብስ! አን ጦፎ አባን ናፍ ኬኔ ህንዹጉ?" ጄዼ።

ዬሱስ ሃናት ጌፈሜ

12 ቱትን ሎልቶታ፣ አጀጃንሳኒቲፊ ኤግዶን ይሁዶታስ ዬሱስን ቀበኒ ህዸን። 13 እሳንስ ዱራን ዱርሰኒ ሃናት እሰ ጌሰን፤ ሃናን አባ ኒቲ ቀያፋት፤ ቀያፋንሞ በረ ሰነ ሉበ ኦል ኣና ቱሬ። 14 ቀያፋን እሰ አከ ነምን ቶኮ ኡመታፍ ዱኡን ወዩ ይሁዶተ ጎርሴ ቱሬዸ።

ጴጥሮስ ዬሮ ጀልቀባቲፍ ዬሱስን ገኑሳ

15 ስሞን ጴጥሮሲፊ በረታን ብራ ዬሱስ ፋነ ቡአን። በረታን ሱንስ ዋን ሉበ ኦል ኣና ብረት ቤከማ ቱሬፍ፣ ዬሱስ ወጅን ደላ ሉበ ኦል ኣና ኬሰ ሴኔ፤ 16 ጴጥሮስ ገሩ በልበለ ዱረ አለ ዻበቻ ቱሬ። በረታን ሉበ ኦል ኣና ብረት ቤከማ ቱሬ ካን ገድ በኤ እንተለ በልበለ ኤግዱት ህሜ ጴጥሮስን ኦል ሴንስሴ።

17 እንተል በልበለ ኤግዱ ሱንስ ጴጥሮሲን፣ "አትስ በረቶተ ነምቸ ከና ኬሳ ቶኮ ምቲ?" ጄቴ።

እንሞ ዴብሴ፣ "አነ ምት" ጄዼ።

18 ዬሮንሳ ዋን ዻሞቸ ቱሬፍ ገርቦትኒፊ ኤግዶን እብደ ቀብሲፈተኒ ዸዻበተኒ ቀቃመቻ ቱረን። ጴጥሮስስ እሳን ወጅን ዻበቴ ቀቃመቻ ቱሬ።

ጋፊ ሉብች ኦል ኣናን ዬሱሲፍ ዽኤሴ

19 ዮሙስ ሉብን ኦል ኣናን ዬሱስን ዋኤ በረቶተሳቲፊ ዋኤ በርሲሰሳ ጋፈቴ።

20 ዬሱስስ አከነ ጄዼ ዴብሴፍ፤ "አን እፋን እፈት አዱኛት ዱበዼረ፤ እዶ ይሁዶን ሁንድ እት ወልት ቀበመንት፣ መኔን ሰገዳቲፊ መነ ቁልቁሉማ ኬሰትስ አን ዬሮ ሁንደ በርሲሳን ቱሬ። አን ዋን ቶኮሌ እጪቲዻን ህንዱበትኔ። 21 አት ማሊፍ ነ ጋፈተ? ወረ ዋን አን እሳኒን ጄዼ ዸገአን ጋፈዹ። ኩኖ እሳን ዋን አን ጄዼ ቤኩ።"

22 ዮሙ ዬሱስ ወንቶተ ከኔን ጄዼት ቆንዳልቶተ አች እጃጃ ቱረን ኬሳ ቶኮ፣ "ሉበ ኦል ኣናፍ አከነ ዴብፍታ?" ጄዼ እሰ ከበሌ።

23 ዬሱስስ ዴብሴ፣ "ዮ አን ዋን ሀማ ዱበዼ ጅራዼ፣ ዋን ሀማ ሰነ ዹጋ በእ። ዮ አን ዋን ቀጄላ ዱበዼ ጅራዼ ገሩ አት ማሊፍ ነ ሩኩተ?" ጄዼ። 24 ሃናንስ ዬሱስን አኩመ እን ህዸሜ ጅሩት ገረ ሉብቸ ኦል ኣና፣ ገረ ቀያፋት ኤርጌ።

ጴጥሮስ ዬሮ ለመፋፊ ሰደፋ ዬሱስን ገኑሳ

25 ስሞን ጴጥሮስ ዻበቴ እብደ ቀቃመቻ ቱሬ። ከናፉ እሳን፣ "አትስ በረቶተሳ ኬሳ ቶኮ ምቲ?" ጄዸኒን።

እንሞ፣ "አነ ምቲ" ጄዼ ሃሌ።

26 ገርቦተ ሉበ ኦል ኣና ኬሳስ ፍር ነምቸ ጴጥሮስ ጉረሳ እራ ኩቴ ሰና ቶኮ፣ "አን እዶ ብቅልቱት እሰ ወጅን ስ ህንአርግኔ?" ጄዼን። 27 ጴጥሮስ አመስ ንገኔ፤ ዮሙሱመ እንዳንቆን እዬ።

ዬሱስ ፉለ ጲላጦስ ዱረት

28 ይሁዶትንስ ዬሱስን መነ ቀያፋቲ ፉዸኒ መሰራ ቡልቻ ወረ ሮማት ጌሰን። ዬሮን ሱን ገነመ በሪ ቱሬ፤ ይሁዶትንስ አከ ህንጡሮፍኔፍ ጄዸኒ መሰራ ኦል ህንሴኔ፤ ኩንስ አከ ፋሲካ ኛቹ ደንደአኒፍ። 29 ከናፉ ጲላጦስ ገረሳኒት ገድ በኤ፣ "ህመን እስን ነምቸ ከነረት ዽኤስተን ማል?" ጄዼ ጋፈቴ።

30 እሳንስ፣ "ኡቱ ነምች ኩን የከ ሆጄቹ ባቴ ኑ ስላ እሰ ደበርስኔ ስት ህንኬንኑ ቱሬ" ጄዸኒ ዴብሰኒፍ።

31 ጲላጦስስ፣ "እስን ኦፉመኬሰኒ እሰ ፉዻቲ አከ ሴረኬሰኒት እት ሙራ" ጄዼን።

ይሁዶትንስ፣ "ኑ ገሩ ነመ ቶኮሌ አጄሱፍ ምርገ ህንቀብኑ" ጄዸኒን። 32 ኩንስ ወን ዬሱስ አከ ዱአ አከሚቲን ዱኡፍ ጅሩ አርግሲሱፍ ጄዼ ዱበቴ ሱን አከ ራወተሙፍ ተኤ።

33 ጲላጦስ አመስ መሰራ ሞቱማ ሴኔ፤ ዬሱስንስ ኦፍት ዋሜ፣ "አት ሞቲ ይሁዶታቲ?" ጄዼ እሰ ጋፈቴ።

34 ዬሱስስ፣ "ዋን ከነ ሱመቱ ጄዼሞ ነሞተ ብራቱ ዋኤኮ ስት ህሜ?" ጄዼ ጋፈቴ።

35 ጲላጦስስ ዴብሴ፣ "ነቱ ይሁዲዻሬ? ከን ደበርሴ ነት ስ ኬኔ ሰቡመኬቲፊ ሉቦተ ሀንገፎተ። ገሩ አት ማል ጎቴት?" ጄዼን።

36 ዬሱስስ፣ "ሞቱማንኮ ከን አዱኛ ከና ምት። ኡቱ ከን አዱኛ ከና ተኤ ስላ አከ አን ደበርፈሜ ይሁዶተት ህንኬነምኔፍ ተጃጅልቶትንኮ ናፍ ሎሉ ቱረን። አመ ገሩ ሞቱማንኮ ከን አዱኛ ከና ምት" ጄዼ።

37 ጲላጦስስ፣ "ዮስ አት ሞቲዸካ!" ጄዼን።

ዬሱስሞ፣ "አከ አን ሞቲ ተኤ አቱ ጄቴ። ዹጉማን ወን አን ዸለዼ ገረ አዱኛ ዹፌፍስ ዹጋዻፍ ዹጋ በኡፍ። ነምን ዹጋፍ ዻበቱ ሁንድኑ ሰገሌኮ ዸገአ" ጄዼ ዴብሴ።

38 ጲላጦስስ፣ "ዹጋን ማል እን?" ጄዼን። እንስ ኤርገ ዋን ከነ ዱበቴ ቦዴ አመሌ ይሁዶተት ገድ በኤ አከነ ጄዼን፤ "አን በሌሳ ቶኮሌ እሰረት ህንአርገትኔ። 39 ገሩ እስን አከ አን ዬሮ ፋሲካት ነመ ቶኮ ገድ እስኒ ዺሱ በርቴ ጎዸተኒርቱ። ከናፉ አከ አን፣ ‘ሞቲ ይሁዶታ’ ገድ እስኒ ዺሱ በርባዱ?"

40 እሳን አመሌ እየኒ፣ "ለክ፣ በረባስ መሌ እሰ ምት!" ጄዸን። በረባስ ኩን ሳምቱ ቱሬ።