Juízes 5

ፋርፈትና ዴቦራ

1 ጋፈስ ዴቦራፊ ባራቅ እልም አቢኖአም አከነ ጄዸኒ ፋርፈተን፦

2 "ዮሙ እልማን ሞቶታ እስራኤልን ሆገነን፣

ዮሙ ሰብን እስራኤልስ ጃለቴ ኦፍ ኬኑት

ዋቀዮን ገለቴፈዻ!

3 "ያ ሞቶተ፣ ዋን ከነ ዸገኣ! ቡልችቶትንስ ዸጌፈዻ!

ዋቀዮን ነንፋርፈዸ፤ አመሌ ነንፋርፈዸ፤

ዋቀዮ ዋቀ እስራኤሊፍ ነንዌድሰ።

4 "ያ ዋቀዮ፣ ዬሮ አት ብየ ሴኢሪ ባቴ፣

ዬሮ አት ብየ ኤዶሚ ካቴ፣

ለፍት ንሶቾቴ፤ ሰሚወንስ ቦካ፣

ዱሜሶትንስ ብሻን ገድ ሮብሰን።

5 ቱሉወን ፉለ ዋቀዮ ዋቀ ሲና ዱረት፣

ፉለ ዋቀዮ ዋቀ እስራኤል ዱረት ንራፈመን።

6 "በረ እልመ አናት፣ ጀበነ ሸምጋር፣

በረ ያኤል ኬሰ ዳንዲወን ንኦነን፤

ከራ ዴምቶትንስ ዳንዲ ጀጀልኣረ ዴመን።

7 ሀመ አን ዴቦራን፣

ሃዸ ተኤ እስራኤሊፍ ከኡት፣

ገንዶትን እስራኤል ዱዋ ሀፉ።

8 ዮሙ እሳን ዋቆተ ሃራ ፍለተንት፣

ወራን ሀመ ከረ መጋላት ዹፌ፤

ጋቸን ዮካን ኤቦን ቶኮ፣

እስራኤሎተ ኩመ አፉርተመ ግዱት ህንአርገምኔ።

9 ገራንኮ ቡልችቶተ እስራኤል ከኔን ፌዺዻን

ሰበ ግዱት አርገመን ወጅን ጅረ።

ዋቀዮን ሌልሳ!

10 "እስን ወር ሀሮተ አዳዲ ያበተን፣

ወር ኮራ በለዲ ቀቡረ ቴሰን፣

ወር ከራረ ዴምተን ሁበዻ፤

11 ሰገሌ ፋርፈቶታ ዸገኣ።

እሳን ሆጂ ቀጄሉማ ዋቀዮ፣

ሆጂ ቀጄሉማ ሎልቶትንሳ እስራኤል ኬሰት ጎዸን ኦዴሱ።

"ኤርገሲ ሰቦትን ዋቀዮ፣

ገረ ከረ መጋለቲት ገድ ቡአን።

12 ‘ያ ዴቦራ! ደመቅ፤ ደመቅ፤

ደመቅ፤ ደመቅ፤ ፋርፈናስ ፋርፈዹ!

ያ ባራቅ! ደመቅ፤

ያ እልመ አቢኖአም ቦጅአምቶተኬ ቦጅኢ ፉዸዹ።’

13 "ነሞትን ሀፈንስ፣ ገረ ወረ ጉርጉዳት ገድ ቡአን፤

ሰብን ዋቀዮስ፣ አከ ሎልቱ ጀባት ገረኮ ዹፌ።

14 ወር ህድሳኒ አማሌቅ ኬሰ ጅሩ ቶኮ ቶኮስ ኤፍሬም ዹፈን፤

ቤንያምስ ነሞተ ስ ዱካ ቡአን ወጅን ቱሬ።

አጀጆትን ሎልቶተ ማኪር፣

ወር ቦኩ አጀጁ ቀበተንስ ዜቡሎኒ ገድ ቡአን።

15 ሀንገፎትን ይሳኮር ዴቦራ ወጅን ቱረን፤

ይሳኮርስ ባራቅ ወጅን ቱሬ፤

እንስ ባራቅ ወጅን ገረ ሱሉላት ገድ ቡኤ።

ጎሰ ሩቤን ግዱ፣

ቆረትኖ ያዳ ጉዳቱ ቱሬ።

16 አት ማሊፍ መርአቹሳኒ ዸገኡፍ ጄቴ

ጎለ ቡሻዬ ኬሰ ቱርቴ?

ጎሰ ሩቤን ግዱ፣

ቆረትኖ ያዳ ጉዳሳቱ ቱሬ።

17 ግልኣድ ዮርዳኖስ ገመ ታኤ፤

ዳን ማሊፍ ዶኒወን ኬሰት ሀፌ?

ኣሼር ቀርቀረ ገላናት ሀፌ፤

ቡፈተሳ ኬሰስ ቱሬ።

18 ሰብን ዜቡሎን ዱኣፍ ኦፍ ሳጥሌ፤

ንፍታሌምስ ጋረን ብየሳረት አከሱመ ጎዼ።

19 "ሞቶትን ዹፈኒ ሎለን፤

ሞቶትን ከነኣንስ ተአናክት

ብሻኖተ ሜግዶ ብረት ሎለን፤

ቦጁ ሜቲ ቶኮሌ ህንፉዸትኔ።

20 ሰሚ ኬሳ ኡርጂወን ንሎለን፤

አዴምሰሳኒረትስ ሲሳራዻን ሎለን።

21 ለግን ዱሪ፣ ለግን ቂሾን፣

ለግን ቂሾን ሱን ሀጣኤ እሳን ፉዸቴ።

ያ ሉቡኮ፣ ጀባዹ ፉል ዱረት ዴም!

22 ኮቴን ፈርዴኒ ጉድሴ ድድቼ፤

ንጉሉፈን፤ ጀቤሰኒስ ጉሉፈን።

23 ኤርገማን ዋቀዮስ፣ ‘ሜሮዝን አባራ።

ሰበሼስ ጀቤሳቲ አባራ፤

አከ ዋቀዮ ወረ ጀጀቦት ከኡ ገርጋሩዻፍ፣

እሳን ዋቀዮን ገርጋሩዻፍ ህንዹፍኔቲ’ ጄዼ።

24 "ያኤል ኒቲን ሄቤር ቄንቻ ሱን

ዱበርቶተ ሁንደ ኬሳ ሃኤብፈምቱ፤

እሼን ዱበርቶተ ዱንካነ ኬሰ ጅራተን ሁንደ ኬሳ ሃኤብፈምቱ።

25 እን ብሻን ከዸቴ፤ እሼንሞ ኣነን ኬንቴፍ፤

ቀቤ ኡልፍናት እትቱ ዽኤስቴፍ።

26 ሀርከሼ ገረ ቆፎ ዱንካናት ሂጠቴ፤

ሀርከሼ ምርጋቲን ቡሩሰ ፉዸቴ፤

እሼንስ ሲሳራ ዾፍቴ መታሳ ቡሩቅስቴ፤

ወራንቴስ እሌሳ ኬሰ ፉላፍቴ።

27 እንስ ሚለሼ ጀለት ጎምብፈሜ፤

ኩፌ ድሪሬስ።

ሚለሼ ጀለት ጎምብፈሜ፤ ንኩፌ፤

እዶ ጎምብፈሜትስ ኩፌ ዱኤ።

28 "ሃት ሲሳራ ፎዳ ኬሳን ገድ እላልቴ፤

ቃወ ኬሳንስ እይቴ፣

‘ጋሪንሳ ማሊፍ ዹፉፍ ለፈረ ሀርክፈቴ?

ድድቹን ጋሪወንሳ ማሊፍ ቱሬ?’ ጄቴ።

29 ዱበርቶተሼ ኬሳ እሼን ኦጌቲን ዴቢ ኬንቴፍ፤

ተኡስ እሼን ኦፉመሼቲን ዴብፍቴ፣

30 ‘እሳን ቦጁ አርገተኒ አዳን ቆደቹት ጅሩ ምቲ?

ቶኮን ቶኮን ነማ ዱበርቲ ቶኮ ቶኮ

ዮካን ለመ ለመ አርገተ ምቲ?

ሲሳራዻፍ ኡፈትን ቦጁ ከን ሀሉዻን ፋዬፈሜ፣

ኡፈትን ሀሉዻን ሚዸግፈሜ ሆዸሜ፣

ሞርመኮቲፍሞ ኡፈተ አከ መሌ

ሚዸግፈሜ ሆዸሜ ቆዱ ምቲ?

ኩን ሁንድ ቦጁዸ።’

31 "ከናፉ ያ ዋቀዮ፣ ዲኖትንኬ ሁንድ ሃበርበዳአን!

ወር ስ ጃለተን ገሩ አከ ቢፍቱ፣

እሼ ሁምነ ጉቱን ባቱ ሰና ሃተአን።"

ኤርገሲ ብየቲን ወጋ አፉርተመ ነጋ አርገቴ።