1 ራጂ ዱቢ ዋቀዮ ከን ከራ ሚልክያሲን ገረ እስራኤል ዹፌ።

2 "አን እስን ጃለዼረ" ጄዸ ዋቀዮ።

"እስንሞ፣ ‘አት አከምት ኑ ጃለቴ?’ ጄተኒ ጋፈቱ።

"ኤሳዉ ኦቦሌሰ ያቆብ ህንቱሬ?" ጄዸ ዋቀዮ። "ተኡስ አን ያቆብን ጃለዼ፣ 3 ኤሳዉን ገሩ ጅቤረ፤ አን ቱሉወንሳ ለፈ ኦና ጎዼ ዻለሳስ ዋንጎ ገሞጂቲፍ ኬኔረ።"

4 ኤዶምያስ፣ "ኑ ጨጨብኑዩ፣ ዲገመ ሰነ ዴብስኔ ንእጃረ" ጄዸ ተአ።

ገሩ ዋቀዮ ዋን ሁንደ ደንደኡ አከነ ጄዸ፦ "እሳን ንእጃሩ ተአ፤ አን ገሩ ነንዲገ። እሳን ብየ ሀማ፣ ሰበ ዬሮ ሁንደ ዼከምሰ ዋቀዮ ጀለ ጅራቱ ጄዸመኒ ንዋመሙ። 5 እስን ዋን ከነ እጀኬሰኒን አርግተኒ፣ ‘ዳሪ ብየ እስራኤሊን ገመትዩ ዋቀዮ ጉዳዸ!’ ጄቱ።

6 "እልም አባሳ፣ ገርብችስ ጎፍታሳ ኡልፌሰ። ኤጋ ኤርገን አባ ተኤ፣ ኡልፍን ናፍ መሉ ሜሬሬ? ኤርገን ጎፍታ ተኤ፣ ከበጅን ናፍ መሉ ሜሬሬ?" ጄዸ ዋቀዮ ዋን ሁንደ ደንደኡ።

"ያ ሉቦተ፤ እስንቱ መቃኮ ቱፈተ።

"እስን ገሩ፣ ‘ኑ አከሚን መቃኬ ቱፈትኔ?’ ጄተኒ ጋፈቱ።

7 "እስን ኛተ ጡራኣ እዶ ኣርሳኮረት ዽኤስቱ።

"እስን ገሩ፣ ‘ኑ አከሚን ስ ጡሬስኔ’ ጄተኒ ጋፈቱ።

"ማዲን ዋቀዮ ቱፈተማዸ ጄቹዻን። 8 እስን ዮ ሆሪ ጃማ ኣርሳዻፍ ዽኤስተን፣ ሱን በሌሳ ምቲ? እስን ዮ ሆሪ ናፈ ዮካን ሆሪ ዹኩብሰታ ናፍ ቀልተን፣ ሱን በሌሳ ምቲ? ሜ ሆሪ ሰነ ቡልቻኬሰኒፍ ኬኑ ያላ! እን እስንት ንገመዳ? እን እስን ሀርካ ንፉዸታ?" ጄዸ ዋቀዮ ዋን ሁንደ ደንደኡ።

9 "ኤጋ ሜ አከ እን ገራ ኑ ላፉፍ ዋቀ ኑፍ ከዸዻ። እስን ዮ ኣርሳ አከሲ ቀበተኒ ዽኣተን እን እስን ሀርካ ንፉዸታ?" ጄዸ ዋቀዮ ዋን ሁንደ ደንደኡ።

10 "እስን ኬሳ ነምን ቶኮ አከ እስን እብደ ፋይዳ ህንቀብኔ እዶ ኣርሳኮረት ህንቦቤስኔፍ ኡቱ በልበለ መነ ቁልቁሉማ ጩፌ ጅራቴ! አን እስንት ህንገመዱ፤ ኣርሳ ቶኮዩ እስን ሀርካ ህንፉዹ" ጄዸ ዋቀዮ ዋን ሁንደ ደንደኡ። 11 "መቃንኮ በአ አዱቲ ካሴ ሀመ ልጠ አዱት ሰቦተ ግዱት ጉዳ ንተአ። እዶ ሁንደት እጣኒፊ ኣርሳን ቁልቁሉን ንኬነመ፤ መቃንኮ ሰቦተ ግዱት ጉዳ ንተኣቲ" ጄዸ ዋቀዮ ዋን ሁንደ ደንደኡ።

12 "እስን ገሩ ማዲን ጎፍታ ‘ጡራኣዸ’ ኛትንሳስ ‘ቱፈተማዸ’ ጄቹዻን መቃኮ ጡሬስቱ። 13 ‘ኩን ደዸቢዸ!’ ጄተኒስ ቱፊዻን እት ጭሪቅፈቱ" ጄዸ ዋቀዮ ዋን ሁንደ ደንደኡ።

"እስን ዮ ሆሪ ሀተሜ፣ ከን ናፈቴ ዮካን ከን ዹኩበ ቀቡ ፍደኒ ኣርሳ ጎተኒ ዽኤስተን፣ አን እስን ሀርካ ፉዸቹቱ ነረ ጅራ?" ጄዸ ዋቀዮ። 14 "ነምን ቡሻዬሳ ኬሳ ኮርቤሰ ጃለተማ ቀቡ ከን ኮርቤሰ ሰነ ኣርሳ ዽኤሱፍ ወሬገ ኬኔ ገሩ ሶቤ ሆሪ ህርእነ ቀቡ ጎፍታዻፍ ዽኤሱ አባረማ ሃተኡ። አን ሞቲ ጉዳዻቲ፣ መቃንኮ ሰቦተ ግዱት ሶዳተሙ ቀበ" ጄዸ ዋቀዮ ዋን ሁንደ ደንደኡ።