1 በለኣምስ ባላቂን፣ "እዶ ኣርሳ ቶርበ አስት ናፍ እጃር፤ አመሌ ኮሮሚ ሎኒ ቶርባፊ ኮርቤዪ ሆላ ቶርበ ና ቆጴስ" ጄዼ። 2 ባላቅስ አኩመ በለኣም ጄዼ ሰነ ጎዼ፤ እሳን ለማን ቶኮ ቶኮ እዶ ኣርሳረት ኮርመ ሎኒቲፊ ኮርቤሰ ሆላ ቶኮ ቶኮ ኣርሳ ዽኤሰን።

3 ኤርገሲ በለኣም ባላቂን አከነ ጄዼ፤ "አን ጥኖ አች ስራ ነንስቀ፤ አትሞ አሱመ ኣርሳኬ ብረ ቱር። ተሪ ዋቀዮ አና ወጅን ወል አርጉፍ ንዹፈ ተአ። ዋን እን ነት ሙልእሱ ከምዩ አን ስትን ህመ።" እንስ ገረ ጋረ ቶኮ ዸቄ።

4 ዋቀዮ እሳን ወል አርግናን በለኣም፣ "አን እዶ ኣርሳ ቶርበ ቆጴሴ ቶኮ ቶኮሳረት ኮርመ ሎኒ ቶኮፊ ኮርቤሰ ሆላ ቶኮ ቆጴሴረ" ጄዼ።

5 ዋቀዮ ኤርጋ ቶኮ አፋን በለኣም ኬሰ ካኤ፣ "ባላቅት ዴብኢቲ ኤርጋ ከነ እት ህም" ጄዼን።

6 በለኣም ባላቅት ዴብኤ እሳ ቆንዳልቶተ ሞኣብ ወጅን ኣርሳሳ ብረ ዻበቱ አርጌ። 7 በለኣም ኤርጋሳ አከነ ጄዼ ዱበቴ፦

"ባላቅ አራምራ፣

ሞትች ሞኣብ ጋረን በኣራ ነ ፍዴ።

እንስ፣ ‘ኮቱቲ ያቆብን ና አባር፤

ኮቱቲ እስራኤልን ና በላሌፈዹ’ ጄዼ።

8 አን አከምተን ወረ ዋቅን ህንአባርን

አባሩ ደንደአ?

አን አከምተን ወረ ዋቀዮ ህንበላሌፈትን

በላሌፈቹ ደንደአ?

9 ፊጤ ጋረኒራ አን እሰ ነንአርገ፤

ቱሉወንራስ እሰ ነንእላለ።

ሰበ ኮጳሳ ጅራቱ፣

ከን ሰበ ካን ኬሰት ኦፍ ህንለኮፍኔ ነንአርገ።

10 ኤኙቱ አዋረ ያቆብ ለካኡ ደንደአ?

ኤኙቱ እስራኤል ኬሳ ኩርማነሳሌ ለካአ?

አን ዱአ ነመ ቀጄላ ሃዱኡ፤

ዹምንኮስ አኩመ ዹመሳ ሃተኡ!"

11 ባላቅስ በለኣሚን፣ "ወን አት ነ ጎቴ ኩን ማል? አን አከ አት ዲነኮ ና አባርቱፍን ስ ፍዴ፤ አት ኩኖ እሳን ኤብፍቴ መሌ ዋን ቶኮዩ እሳን ህንጎኔ!" ጄዼ።

12 እንስ፣ "አን ዋን ዋቀዮ አፋንኮ ኬሰ ካኡ ህንዱበዹ?" ጄዼ ዴቢ ኬኔፍ።

13 ባላቅ፣ "ሜ ገረ ለፈ እት እሳን አርጉ ደንዴሱ ብራ ነ ወጅን ኮቱ፤ አት ገረ ቶኮ ቆፈ መሌ ሁንዱመሳኒ አርጉ ህንደንዴሱ። አቺስ እሳን ና አባር" ጄዼን። 14 እን ገረ ድሬ ጦፊም ከን ፊጤ ጵስጋረት አርገሙት እሰ ጌሴ፤ አችትስ እዶ ኣርሳ ቶርበ እጃሬ ቶኮ ቶኮ እዶ ኣርሳ ሰናረት ኮርመ ሎኒ ቶኮፊ ኮርቤሰ ሆላ ቶኮ ኣርሳ ዽኤሴ።

15 በለኣምስ ባላቂን፣ "አት ሀመ አን አች ስቄ ዋቀ ወጅን ወል አርጉት አሱመ ኣርሳኬ ብረ ቱር" ጄዼ።

16 ዋቀዮ በለኣም ወጅን ወል አርጌ ኤርጋ ቶኮ አፋንሳ ኬሰ ካኤ፣ "ባላቅት ዴብኢቲ ኤርጋ ከነ እት ህም" ጄዼን።

17 በለኣም ባላቅ ብረ ዸቄ እሳ ቆንዳልቶተ ሞኣብ ወጅን ኣርሳሳ ብረ ዻበቱ አርጌ። ባላቅስ፣ "ዋቀዮ ማል ጄዼ?" ጄዼ በለኣሚን ጋፈቴ።

18 በለኣም አከነ ጄዼ ኤርጋሳ ዱበቴ፦

"ያ ባላቅ፣ ከኢቲ ዸጌፈዹ፤

ያ እልመ ዝጶር ነ ዸገእ።

19 ዋቅን ነመ ምት፤ እን ህንሶቡ፤

ዮካን ጋቡዻፍ እን እልመ ነማ ምት።

እን ዋ ዱበቴ ኤርገሲ ህንሆጄቱ?

እን ዋ አብደቺሴ ኤርገሲ ህንራወቱ?

20 ኩኖ አን ኤብሱዻፍ አጀጀ አርገዼረ፤

እን ኤብሴረ፤ አንስ ጌደሩ ህንደንደኡ።

21 "እን ያቆብ ኬሰት ደበ ህንአርግኔ፤

ረክነ ቶኮሌ እስራኤል ኬሰት ህንአርግኔ።

ዋቀዮ ዋቅንሳኒ እሳን ወጅን ጅረ፤

እልሌን ሞቲ እሳን ወጅን ጅረ።

22 ዋቀዮ ብየ ግብጢቲ እሳን ባሴ፤

እን ጀብነ አከ ጀብነ ገፈርሳ ቀበ።

23 ያቆብረት ፈልፈል ቶኮዩ ህንሆጄቱ፤

እስራኤልረትስ ቶልች ቶኮዩ ህንሆጄቱ።

አመ ያቆቢፊ እስራኤሊን፣

‘ዋን ዋቅን ሆጄቴ እላላ!’ ጄዸመ።

24 ኩኖ ሰብን ሱን አከ ሌንጨ ዸላት ከአ፤

አኩመ ሌንጫትስ ኦል ጄዸ፤

እን ሀመ ዋን አደምሰቴ ኛቴ ፍጡት፣

ሀመ ዺገ ዋን አጄፈቴ ሰና ዹጉትስ ህንጪሱ።"

25 ባላቅ በለኣሚን፣ "አት ጎንኩማ እሳን ህንአባርን ዮካን እሳን ህንኤብስን" ጄዼ።

26 በለኣምስ፣ "አን አከ ዋን ዋቀዮ ጄዹ ከምዩ ሆጄዹ ስት ህንህምኔ?" ጄዼ ባላቂፍ ዴብሴ።

27 ኤርገሲ ባላቅ በለኣሚን፣ "ሜ ኮቱ አመሌ አን እዶ ብራ ስን ጌሳ። ተሪ አቺ ጀረ ናፍ አባሩንኬ ዋቀ ገመቺሰ ተኣቲ" ጄዼ። 28 ባላቅስ በለኣምን ፊጤ ቱሉ ጴኦር ከን እረ ዻበተኒ ገሞጂ ሰነ ገድ እላለንት ኦል ባሴ።

29 በለኣምስ ባላቂን፣ "እዶ ኣርሳ ቶርበ አስት ናፍ እጃር፤ አመስ ኮሮሚ ሎኒ ቶርባፊ ኮርቤዪ ሆላ ቶርበ ናፍ ቆጴስ" ጄዼ። 30 ባላቅስ አኩመ በለኣም ጄዼን ሰነ ጎዼ፤ ቶኮ ቶኮ እዶ ኣርሳረትስ ኮርመ ሎኒ ቶኮፊ ኮርቤሰ ሆላ ቶኮ ኣርሳ ዽኤሴ።