1 ያ ኦቦሎተ፣ ሀዊን ገራኮቲፊ ወን አን እስራኤሎታፍ ዋቀ ከዸዹ አከ እሳን ፈየኒፍ። 2 አን አከ እሳን ዋቃፍ ህናፋ ቀበን ዹጋ ነንበአ፤ ህናፋንሳኒ ገሩ ከን ቤኩምሰረት ሁንዴፈሜ ምት። 3 እሳን ዋን ቀጄሉማ ዋቀ ብራ ዹፉ ህንቤክኒፊ ዋን ቀጄሉማ ኦፊሳኒ ኡመቹ በርባደኒፍ ቀጄሉማ ዋቃቲፍ ህንቡሌ። 4 አከ ነምን አመኑ ሁንድኑ ቀጄሉማ አርገቱፍ ክርስቶስ ራዊ ሴራቲ።

5 ሙሴን ዋኤ ቀጄሉማ ሴራን አርገሙ፣ "ነምን ዋን ሴር አጀጁ ጎዹ እቲን ጅራተ"* ጄዼ ዋን ከነ በሬሴራቲ። 6 ቀጄሉማን አመንቲዻን አርገሙ ገሩ አከነ ጄዸ፤ "አት ገራኬ ኬሰት፣ ‘ኤኙቱ ገረ ሰሚት ኦል በአ?’* ህንጄዽን፤" ኩን ክርስቶስን ገድ ቡሱፍ፤ 7 "ዮካን፣ ‘ኤኙቱ ቅሌት ገድ ቡአ?’* ህንጄዽን፤" ኩን ክርስቶስን ወረ ዱአን ኬሳ ኦል ባሱፍ። 8 እን ገሩ ማል ጄዸ? "ዱብች ስ ብረ ጅረ፤ አፋንኬቲፊ ገራኬ ኬሰ ጅረ፤"* እንስ ዱቢ አመንቲ እሰ ኑ ለለብኑዸ፤ 9 ኩንስ ዮ አት፣ "ዬሱስ ጎፍታዸ" ጄቴ አፋንኬቲን ዹጋ ባቴ አከ ዋቅን ወረ ዱአን ኬሳ እሰ ካሴ ገራኬት አመንቴ፣ አት ንፈይተ። 10 ነምን ገራሳቲን አመኔ ቀጄላ ታስፈማቲ፤ አፋንሳቲንስ ዹጋ በኤ ፈየ። 11 ከተቢን ቁልቁሉን፣ "ነምን እሰት አመኑ ከምዩ ጎንኩማ ህንቃነኡ"* ጄዻቲ። 12 ይሁዲፊ ግሪኪ ግዱ ገራ ገሩማን ህንጅሩቲ፤ ጎፍቱመ ቶክቸ ሰነቱ ጎፍታ ሁንዳት፤ እንስ ወረ እሰ ዋመተን ሁንደ ኤበሳቲን በዻሰ። 13 "ነምን መቃ ጎፍታ ዋመቱ ሁንድኑ ንፈያቲ።"*

14 ዮስ እሳን አከምት እሰ እት ህንአመንን ዋመቹ ደንደኡሬ? እሰ ዋኤሳ ህንዸገእንትስ አከምት አመኑ ደንደኡሬ? ኡቱ ነምን እሳንት ህንለለብንስ አከምት ዸገኡ ደንደኡሬ? 15 እሳንስ ኡቱ ህንኤርገምን አከምት ለለቡ ደንደኡ? ኩንስ እሰ፣ "ሚል ወረ ወንጌለ ፍደኒ አከም ሚዸጋዸ!"* ጄዸሜ በሬፈሜዸ።

16 ኦዱ ጋሪ ሰነስ ከን ፉዸቴ እስራኤሎተ ሁንደ ምት። እሳያስ፣ "ያ ጎፍታ፣ ኤርጋኬኘ ኤኙቱ አመኔ?"* ጄዻቲ። 17 ኤጋ አመንቲን ኤርጋ ዸገኡዻን ዹፈ፤ ኤርጋን ኩንስ ከራ ዱቢ ዋኤ ክርስቶሲን ዸገአመ። 18 አን ገሩ፦ እሳን ህንዸጌኜሞ? ጄዼ ነንጋፈዸ፤ ዹጉማኑ እሳን ዸገአኒሩ፦

"ሰገሌንሳኒ ለፈ ሁንደ፣

ዱቢንሳኒስ ሀንዳረ አዱኛ ገኤ።"*

19 አመስ አን፦ እስራኤል ህንሁበትኔሞ? ጄዼን ጋፈዸ። ሙሴን ዱራን ዱርሴ፣

"አን ወረ ሰበ ህንተእኒን አከ እስን ህናፍተን ነንጎዸ፤

ሰበ ሁበትና ህንቀብኔንስ እስን ነንኣርሳ"*

ጄዸ። 20 እሳያስስ እጀ ጀብናን፣

"ወር ነ ህንበርባድን ነ አርገተን፤

ወረ ነ ህንእያፈትንትስ ነንሙልአዼ"*

ጄዸ። 21 ዋኤ እስራኤል ገሩ፣

"አን ጉያ ጉቱ ገረ ኡመተ ህንአጀጀምኔፊ ድዳ ተኤት

ሀርከኮ ነንድሪርፈዼ"*

ጄዸ።