1 አን ክርስቶሲን ዹጋ ነንዱበዸ፤ አን ህንሶቡ፤ ያድንኮስ ሀፉረ ቁልቁሉዻን ናፍ ምርከኔሰ፤ 2 አን ገደ ጉዳፊ ዽጵነ ወልራ ህንጭትኔ ገራኮ ኬሳ ቀበ። 3 አንዩ ኦቦሎተኮ ወረ አከ ፎኒት ሰኚኮ ተአኒፍ ጄዼ ኡቱን ክርስቶስራ ገርገር በኤ አባረሜ ነንሀወ ቱሬቲ፤ 4 እሳን ሰበ እስራኤል። እልሙማን፣ ኡልፍን፣ ከኩን፣ ሴረ ፉዸቹን፣ ተጃጅሉፊ ዋዳን ከንሳኒት። 5 አቦቲን ከንሳኒት፤ ክርስቶስስ እሳንራ ፎኒን ዸለቴ፤ እን ዋን ሁንደረት ዋቀ፤ እን በረ በራን ሃኤብፈሙ! አሜን።

6 ኩን ገሩ ዱቢን ዋቃ ዲገሜረ ጄቹ ምት። ከን እስራኤልራ ዸለቴ ሁንድ እስራኤል ምት። 7 ዮካን እሳን ሰበቢ ሰኚ አብረሃም ተአኒፍ ሁንድሳኒ እጆሌሳ ምት። ገሩ፣ "ሰኚንኬ ይስሃቂን ሲፍ ዋመመ"*9፥7 ኡመ 21፥12 ጄዸሜረ። 8 ከነ ጄቹንስ እጆሌ ዋዳቱ ሰኚት ለካአመ መሌ እጆሌን ፎንራ ዸለተን እጆሌ ዋቃ ምት። 9 ዱቢን ዋዳ ሱንስ ከን፣ "አን ዬሮ ሙርቴፈሜት ዴብኤ ነንዹፈ፤ ሳራንስ እልመ ንዴስ"*9፥9 ኡመ 18፥10፣14 ጄዹ ቱሬቲ።

10 ከነ ቆፈ ምት፤ ርብቃን ዬሮ ነሙመ ቶኮፍ፣ አባኬኘ ይስሃቂፍ ኡልፎፍቴት፣ 11 እጆሌን ሱን ኡቱ ህንዸለትን ዮካን ኡቱ ዋን ጋሪ ዮካን ዋን ሀማ ህንሆጄትን አከ ካዮን ፍለኖ ዋቃ ራወተሙፍ፣ 12 ኡቱ ሆጂን ህንተእን እሰ ዋምቸ ዋቃቲን፣ "እን ሀንገፍን እሰ ቁጥሱ ተጃጅለ"*9፥12 ኡመ 25፥23 ጄዸሜ እሼት ህመሜ። 13 ኩንስ አኩመ፣ "ያቆብን ነንጃለዼ፤ ኤሳዉን ገሩ ነንጅቤ"*9፥13 ሚል 1፥2፣3 ጄዸሜ በሬፈሜዸ።

14 ኤጋ ማል ጄነሬ? ዋቅን ጀልኣዻ? ጎንኩማ አከስ ምት! 15 እን ሙሴዻን፣

"አን ከነን ማሩ ነንማረ፤

ከነን ገራ ላፉፊስ ገራ ነንላፈ"*9፥15 በኡ 33፥19

ጄዻቲ። 16 ከናፉ ወንት ኩን አራረ ዋቃቲን መሌ ሀዊ ዮካን ጨራቂ ነማቲን ምት። 17 ከተቢን ቁልቁሉን ፈረኦኒን፣ "አን ሁምነኮ ስረት አርግሲሱፍ፣ መቃንኮስ አከ ለፈ ሁንደረት ለብሰሙፍ ካዮ ከናፍ ስ ካሴረ"*9፥17 በኡ 9፥16 ጄዻቲ። 18 ከናፍ ዋቅን ከን ማሩ በርባዱ ንማረ፤ ከን መተ ጀቤሰ ጎቹ በርባዱሞ መተ ጀቤሰ ጎዸ።

19 እስንስ፣ "ዮስ ዋቅን ማሊፍ አመዩ ዶጎጎረ ኑረ በርባደ? ፌዺሳስ ኤኙቱ ሞርሙ ደንደአ?" ናን ጄቱ። 20 ገሩ ያ ነምቾ፣ ዋቃን ሞርሙፍ አት ኤኙ? ወንት ቶልፈሜ ቶኮ ከን እሰ ቶልቼን፣ "አት ማሊፍ አከነት ነ ቶልችቴ?"*9፥20 እሳ 29፥16፤ 45፥9 ጄዻ? 21 ሱጴ ዾፍቱን ቶኮ ዾቄ ሱጴ ከን ቡካኤራ ቆዳ ኡልፍናፊ ሰልጵናፍ ኦሉ ቶልቹፍ ምርገ ህንቀቡ?

22 ዋቅን ዼከምሰሳ አርግሲሱፊ ሁምነሳስ ቤክስሱፍ ጄዼ ዮ ምአ ዼከምሳ ከኔን በዲሳፍ ቆጴፈመን ኦብሰ ጉዳን ብረ ደርቤሆ? 23 እን በዻዹማ ኡልፍነሳ ዮ ምአ አራረሳ ከኔን ዱራን ዱርሴ ኡልፍናፍ ቆጴሴት ቤክስሱፍ ጄዼ ዋን ከነ ጎዼሆ? 24 ኑስ ወረ ዋመመን ኬሳ ቶኮዸ፤ እን ይሁዶተ ቆፈ ኬሳ ኡቱ ህንተእን ነሞተ ኦርማ ኬሳስ ዋሜረ። 25 እን ክታበ ሆሴኣ ኬሰት አከነ ጄዸ፦

"አን ወረ ሰበኮ ህንተእኒን፣ ‘ሰበኮ’ ነንጄዸ፤

እሼ ጃለተምቱ ህንተእኒንሞ፣ ‘ጃለተምቱ’ ነንጄዸ።"*9፥25 ሆሴ 2፥23

26 አከሱመስ፣

"እዶዹመ እት፣ ‘እስን ሰበኮ ምት’ እሳኒን ጄዸሜ ሰነት፣

‘እልማን ዋቀ ጅራታ’

ጄዸመኒ ንዋመሙ።"*9፥26 ሆሴ 1፥10

27 እሳያስ አከነ ጄዼ ዋኤ እስራኤል እየ፦

"ባይእን እልማን እስራኤል ዮ አኩመ ጭረቸ ቀርቀረ ገላና ተኤዩ፣

ወረ ሀፈን ቆፈቱ ፈየ።

28 ጎፍታን ኡቱ ህንቱርን፣

ዬሮ ዹማቲፍ ለፈረት ንሙራቲ።"

29 ኩንስ አኩመ እሳያስ ዱራን ዱርሴ አከነ ጄዼ ዱበቴዸ፦

"ኡቱ ጎፍታን ዋን ሁንደ ደንደኡ፣

ሰኚ ኑፍ ሀምብሱ ባቴ፣

ኑ ስላ አኩመ ሶዶም ታኔ፣

ጎሞራስ ፈካትነ ቱሬ።"*9፥29 እሳ 1፥9

30 ኤጋ ማል ጄነሬ? ነሞትን ኦርማ ከን ቀጄሉማ ዱካ ህንቡእን ቀጄሉማ ከራ አመንቲቲን ተኤ አርገተኒሩ። 31 እስራኤሎትን ሴረ ቀጄሉማ ዱካ ቡአን ገሩ ቀጄሉማ ህንአርገትኔ። 32 ማሊፍ ዸበን? ኩንስ ሰበቢ እሳን ኡቱ ከራ አመንቲቲን ህንተእን ሆጂዻን ቀጄሉማ አርገቹ በርባደኒፍ፤ እሳንስ ዸጋ ነመ ጉፈቺሱን ጉፈተን። 33 ኩንስ አኩመ፣

"ኩኖ፣ አን ዸጋ ነመ ጉፈቺሱ፣

ከታ ነመ ኩፍሱ ጥዮን ኬሰ ነንካአ፤

ነምን እሰት አመኑ ጎንኩማ ህንቃነኡ"*9፥33 እሳ 8፥14፤ 28፥16

ጄዸሜ በሬፈሜ ሰናዸ።