ሩት 4

ቦኤዝ ሩትን ፉዹሳ

1 ቦኤዝ ገረ ከረ መጋላት በኤ አች ታኤ። እንስ ዮሙ ነምች ዻሉፍ እሰ ጫላ ፍረ ዽኦ ተኤ ሱን ዹፌት፣ "ያ ምቹኮ፣ አስ ኮቱቲ ነ ብረ ታእ" ጄዼን። ከናፉ እን ዸቄ ታኤ።

2 ቦኤዝስ ማንጉዶተ መጋላ ኬሳ 10 ዋሜ፣ "አስ ታኣ" ጄዼን፤ እሳንስ ንተታአን። 3 ከነረት ነምቸ ዻሉፍ ኣንቱማ ቀቡ ሰናን አከነ ጄዼ፤ "ኑሃሚን እሼን ሞኣቢ ዴብቴ ሱን ለፈ ኦቦሌሰኬኘ ኤሊሜሌክ ጉርጉሩፍ ጅርት። 4 ከናፉ አከ አት ፉለ ወረ አስ ተታአኒቲፊ ፉለ ማንጉዶተ ሰበኮቲ ዱረት ለፈ ከነ ብቱፍ አን ዋን ከነ ስት ህሙ ያዴ። ዮ ኦፊኬቲፍ ዻሉ በርባዴ ዻል። ዮ ዻሉ ባቴ ገሩ አከ አን ቤኩፍ ነት ህም። ዋን ከነ ጎቹፍ ስ መሌ ነምን ምርገ ቀቡ ቶኮዩ ህንጅሩቲ፤ ነምን ስት ኣኔ ኣንቱማ ቀቡ አነ።"

ነምችስ፣ "አን ነንዻለ" ጄዼ።

5 ቦኤዝስ፣ "ኤጋ ጋፈ ኑሃሚኒፊ ሩት ሞኣብቲራ ለፈ ብቱት አት መቃ ነምቸ ዱኤ ሰና ቀቤኘሳቲን ዋምስሱዻፍ ኒቲሳሌ ፉዸቹ ቀብደ" ጄዼን።

6 ከነረት ፍር ዽኦ ሱን፣ "ዮስ አን ቀቤኘ መታኮት ረክነ ፍዱ ደንደኣቲ ዻሉ ህንደንደኡ። አት መታንኬ ምርገ ዻሉኮቲ ፉዸዹቲ ዻል። አን ዋን ከነ ጎቹ ህንደንደኡ" ጄዼን።

7 በረ ዱሪ ብየ እስራኤሊት ዻላፊ ቀቤኘ ወልት ደበርሱን ገሬን ቶኮ ኮጴሳ ኦፍራ ባሴ ገሬ ካኒፍ ኬኑዻን ምርከኔፈመ ቱሬ። እስራኤል ኬሰት ብቱፊ ጉርጉሩን ሃሉመ ከናን ምርከኔፈመ ቱሬ።

8 ከናፉ ነምች ዻሉፍ ፍረ ዽኦ ቱሬ ሱን ቦኤዚን፣ "አት መታንኬ ብተዹ" ጄዼ ኮጴ ኦፍራ ባሴ።

9 ቦኤዝስ ማንጉዶታፊ ሰበ ሁንዳን አከነ ጄዼ፤ "አከ አን ቀቤኘ ኤሊሜሌክ፣ ቀቤኘ ክሊዮኒቲፊ ቀቤኘ መሀሎን ሁንደ ኑሃሚንራ ብቴ እስን ሀርአ ዹጋ ባቶተ። 10 አከሱመስ አከ መቃንሳ ማቲሳ ኬሳ ዮካን ብየሳ ኬሳ ህንበድኔፍ አን ቀቤኘሳቲን መቃሳ ዋምስሱዻፍ ሩት ሞኣብቲ ኒቲ መሀሎን ከነ ኒቲ ጎዸዼ ፉዹኮቲፍ እስን ሀርአ ዹጋ ባቶተ!"

11 ማንጉዶትኒፊ ነሞትን ከረ ሰነ ዱረ ቱረን ሁንድኑ አከነ ጄዸን፤ "ኑ ዹጋ ባቶተ። ዋቀዮ ዱበርቲ መነኬ ዹፋ ጅርቱ ከነ አከ ራሄሊፊ ልያ ወረ ቶኩማዻን መነ እስራኤል እጃረን ሰና ሃጎዹ። አት ኤፍራታ ኬሰት ነመ ጀባ፣ ቤትልሄም ኬሰትሞ ቤከማ ተእ። 12 ከራ ሰኚ ዋቀዮ ዱበርቲ ደርገጌቲ ከነራ ሲፍ ኬኑቲን ማቲንኬ አኩመ ማቲ ፋሬስ እሰ ታማር ይሁዳዻፍ ዴሴ ሰና ሃተኡ።"

ህደ ዸሎተ ዳዊት

13 ከናፉ ቦኤዝ ሩትን ፉዸቴ ኒቲ ጎዸቴ። እሼ ወጅንስ ጪሴ፤ ዋቀዮስ አከ እሼን ኡልፎፍቴ እልመ ዴሱ እሼ ገርጋሬ። 14 ዱበርቶትንስ ኑሃሚኒን አከነ ጄዸን፤ "ዋቀዮ እን ነመ ስ ዻሉ ስ ህንዸብሲስን ሱን ሃኤብፈሙ። ጉቱማ እስራኤል ኬሰትስ እን መቃ ሃቀባቱ! 15 እንስ ጅሬኘኬ ንሃሮምሰ፤ በረ ዱሉመኬቲትስ ስ ሶረ። ኒቲን እልመኬቲ እሼን ስ ጃለቱ ከን እልማን ቶርበ ሲፍ ጫልቱ ሱን እሰ ዴሴርቲቲ።"

16 ኑሃሚንስ ሙጭቸ ፉቴ ሀመቴ፤ ጉድፍቱሳሌ ታቴ። 17 ዱበርቶትን ኦላስ፣ "ኑሃሚን ሙጫ አርገቴ" ጄዸን። መቃሳስ ኦቤድ ጄዸን። እን አካከዩ ዳዊት፣ አባ እሴይ።

18 ኤጋ ህድ ዸሎተ ፋሬስ ከናዸ፦

ፋሬስ አባ ሄዝሮን፤

19 ሄዝሮንሞ አባ ራም፤

ራም አባ አሚናዳብ፤

20 አሚናዳብሞ አባ ነኣሶን፤

ነኣሶን አባ ሰልሞን፤

21 ሰልሞንሞ አባ ቦኤዝ፤

ቦኤዝሞ አባ ኦቤድ፤

22 ኦቤድሞ አባ እሴይ፤

እሴይሞ አባ ዳዊት።