א አሌፍ

1 ወር ጅሬኝሳኒ ሙዳ ህንቀብኔ፣

ከኔን አከ ሴረ ዋቀዮት ጅራተን ኤብፈሞዸ።

2 ወር አጀጀወንሳ ኤገን፣

ከኔን ገራ ጉቱን እሰ በርባደን ኤብፈሞዸ።

3 እሳን በሌሳ ህንሆጄተን፤

ከራሳረስ ንዴሙ።

4 አከ ሴርኬ አመነሙማዻን

ኤገሙፍ አት አጀጄርተ።

5 አከ አን አጀጀኬ ኤጉፍ

ኡቱ ከራንኮ ና ቀጄሌ ጅራቴ!

6 አን ኡቱን አጀጀወንኬ ሁንደ ጥዬፈዼ እላሌ

ስላ ህንቃነኡን ቱሬ።

7 አን ዮሙን ሴረኬ ቀጄላ ሰነ በረዹት፣

ገራ ቶላዻን ስን ገለቴፈዸ።

8 አን ስርነኬቲፍ ነንቡለ፤

አት ጎንኩማ ነ ህንዺስን።

ב ቤት

9 ደርገጌስ አከምት ጅሬኘ ቁልቁሉ ጅራቹ ደንደአ?

አከ ዱቢኬቲት ጅራቹዻን።

10 አን ገራኮ ጉቱዻን ስን በርባደ፤

አከ አን አጀጀወንኬራ ጀልአዹ ነ ህንጎዽን።

11 አን አከን ጩቡ ስት ህንሆጄትኔፍ፣

ዱቢኬ ገራኮ ኬሰ ዾክፈዼረ።

12 ያ ዋቀዮ፣ ገለን ሲፍ ሃተኡ፤

ስርነኬ ነ በርሲስ።

13 አን ሴረ አፋንኬቲ በኡ ሁንዱማ፣

አፋንኮቲን ነንዱበዸ።

14 አኩመ ነምን ቶኮ በዻዹማ ጉዳት ገመዱ፣

አን አጀጀኬ ፋነ ቡኡት ነንገመደ።

15 አጀጀወንኬረ ዴዴብኤ ነንያደ፤

ከራኬራስ እጀኮ ህንቡቅፈዹ።

16 አን ስርነኬት ነንገመደ፤

ዱቢኬስ ህንደገዹ።

ג ጊሜል

17 አከ አን ጅራዹፊ ዱቢኬ ኤጉፍ፣

ገርብቸኬቲፍ ዋን ጋሪ ጎዽ።

18 አከ አን ሴረኬ ኬሰት

ዋን ድንቅሲሳ አርጉፍ፣ እጀኮ ና በን።

19 አን ለፈረት ኬሱማዸ፤

አጀጀወንኬ ነ ዱራ ህንዾክስን።

20 ሉቡንኮ ዬሮ ሁንደ

ሴረኬ ሀዉዻን፣ ላፋ ጅርት።

21 አት ኦፍ ቱልቶተ ወረ አባረሞ፣

ከኔን አጀጀወንኬራ ጀልአተን ንእፈተ።

22 ዋን አን ሴረኬ ኤጉፍ፣

አረብሶፊ ቱፊሳኒ ነራ ፈጌስ።

23 ቡልችቶትን ወሊ ወጅን ታአኒ ዮ መቃ ነ በሌሰንዩ፣

ተጃጅላንኬ እረ ዴዴብኤ ለብሲኬ ንያደ።

24 አጀጅንኬ ገመቹኮት፤

ጎርስቱኮትስ።

ד ዳሌት

25 ሉቡንኮ ብዮት መጠንቴ፤

አት አኩመ ዱቢኬቲት ነ ኦልች።

26 ዬሮ አን ዋኤ ከራኮ ስት ህሜት፣

አት ዴቢ ና ኬንቴ፤ ስርነኬስ ነ በርሲስ።

27 በርሲሰ ሴረኬቲ ነ ሁበቺስ፤

አንስረ ዴዴብኤ ድንቂኬ ነንያደ።

28 ሉቡንኮ ገዳን ላፍቴርት፤

አት አኩመ ዱቢኬቲት ነ ጀቤስ።

29 ከራ ሶባራ ነ ፈጌስ፤

አርጁማዻንስ ሴረኬ ነ በርሲስ።

30 አን ከራ ዹጋ ፍለዼረ፤

ሴረኬስ ኦፍ ዱረ ካአዼረ።

31 ያ ዋቀዮ፣ አን አጀጀኬ

ጀቤሴ ቀበዼረ፤ አት ነ ህንቃኔስን።

32 ሰበቢ አት ሁበትናኮ ና በልእፍቴፍ

አን ዳንዲ አጀጀወንኬቲረ ነንፊገ።

ה ሄ

33 ያ ዋቀዮ፣ አከ አን ስርነኬ ዱካ ቡኡ ነ በርሲስ፤

አንስ ሀመ ዹማት እሰ ነንኤገ።

34 አከ አን ሴረኬ ኤጌ ገራኮ ጉቱን

እሳፍ አጀጀሙፍ ሁበትና ና ኬን።

35 ዳንዲ አጀጀወንኬቲረ ነ ዴምስስ፤

አንስ አችት ገመቹ ነንአርገዻቲ።

36 ገራኮ ገረ ኦፍቱማዻን ፋይዳ አርገቹት ኡቱ ህንተእን፣

ገረ ስርነኬቲት ና ዴብስ።

37 እጀኮ ዋን ፋይዳ ህንቀብኔራ ዴብስ፤

አኩመ ዱቢኬቲትስ ነ ጅራችስ።

38 አት አከ ሶዳተምቱፍ፣

ዋዳኬ ገርብቸኬቲፍ ጉት።

39 ሰልጵነ አን ሶዳዹ ነራ ፈጌስ፤

ሴርኬ ጋሪዻቲ።

40 ኩኖ፣ አን ስርነኬ ነንሀወ፤

ቀጄሉማኬቲን ነ ጅራችስ።

ו ወው

41 ያ ዋቀዮ፣ ጃለልኬ ከን ህንጌደረምኔ ሱን፣

ፈይሱንኬስ አኩመ ዱቢኬቲት ገረኮ ሃዹፉ፤

42 ዮስ አን ሰበቢ ዱቢኬ አመነዹፍ፣

ወረ ነ አረብሰኒፍ ዴቢ ኬነ።

43 ዋን አን ሴረኬ አብደዼፍ፣

አት ዱቢ ዹጋ አፋንኮ ኬሳ ህንበሌስን።

44 በረ በራ ሀመ በረ በራት፣

አን ዬሮ ሁንደ ሴረኬ ነንኤገ።

45 አን አጀጀኬ ዋነን በርባዱፍ፣

ብልሱማዻን ነንዴዴብአ።

46 አን ዋኤ አጀጀኬቲ ሞቶተ ዱረት ነንዱበዸ፤

ህንቃኔፈሙስ፤

47 ዋን አን አጀጀወንኬ ጃለዹፍ፣

እሳንት ነንገመደ።

48 አን ገረ አጀጀወንኬ ከኔን አን ጃለዹ ሰናት ሀርከኮ ኦል ነንፉዸዸ፤

ለብሲኬስ እረ ዴዴብኤ ነንያደ።

ז ዛይን

49 ዋዳ ተጃጅላኬቲፍ ሴንቴ ሰነ ያደዹ፤

አት እሱማን አብዲ ና ኬንቴርታቲ።

50 ረክነኮ ኬሰት ጀጀብንኮ ከነ፦

ዋዳንኬ ነ ጅራችሰ።

51 ኦፍ ቱልቶትን አኩመ በርባደንት ነት ቆሱ፤

አን ገሩ ሴረኬራ ህንጀልአዹ።

52 ያ ዋቀዮ፣ አን ሴረኬ ዱሪ ሰነ ነንያደዸ፤

እሰ ኬሰትስ ጀጀብነ ነንአርገዸ።

53 ሰበቢ ሀሞተ ወረ ሴረኬ ዺሰኒቲፍ፣

ኣሪን ነ ጉጉበ።

54 እዶ ኬሱሙማኮ ሁንደት

ሴርኬ ፋርፈትናኮት።

55 ያ ዋቀዮ፣ አን ሀልከን ኬሰ መቃኬ ነንያደዸ፤

ሴረኬስ ነንኤገ።

56 ዋን አን አጀጀኬ ኤጌፍ፣

ኩን ናፍ ተኤረ።

ח ሄት

57 ያ ዋቀዮ፣ አት ቆደኮት፤

አንስ ዱቢኬቲፍ አጀጀሙፍ ዋዳ ገሌረ።

58 አን ገራኮ ጉቱን ፉለኬ በርባደዼረ፤

አት አኩመ ዋዳኬቲት ና አራረም።

59 አን ከራኮ እት ዴዴብኤ ያዴረ፤

ተርካንፊኮ ገረ ስርነኬቲት ዴብሴረ።

60 አን አጀጀወንኬ ኤጉፍ፣

ነንአሪፈዸ፤ ህንበርፈዹስ።

61 ሀሞን ዮ ፉኞዻን ነ ህዸንዩ፣

አን ሴረኬ ህንእራንፈዹ።

62 ሰበቢ ሴረኬ ቀጄላ ሰናቲፍ፣

አን ስ ገለቴፈቹፍ ጄዼ ሀልከን ወለካ ነንከአ።

63 አን ወረ ስ ሶዳተን ሁንዳፍ፣

ወረ አጀጀኬ ኤገን ሁንዳፍስ ምቹዸ።

64 ያ ዋቀዮ፣ ለፍት ጃለለኬቲን ጉተምቴርት፤

ስርነኬ ነ በርሲስ።

ט ቴት

65 ያ ዋቀዮ፣ አት አኩመ ዱቢኬቲት፣

ተጃጅላኬቲፍ ዋን ጋሪ ጎቴርተ።

66 ሙርቲ ጋሪፊ ቤኩምሰ ነ በርሲስ፤

አን አጀጀወንኬት ነንአመናቲ።

67 አን ኡቱን ህንረከትን ከራራ በዴ ቱሬ፤

አመ ገሩ ዱቢኬ ነንኤገ።

68 አት ጋሪዸ፤ ወን አት ሆጄቱስ ጋሪዸ፤

ስርነኬ ነ በርሲስ።

69 ኦፍ ቱልቶትን ዮ ሶባን መቃ ነ በሌሰንዩ፣

አን ገራኮ ጉቱዻን ሴረኬ ነንኤገ።

70 ኦኔንሳኒ ሞራን ሀጉገምቴርት፤

አን ገሩ ሴረኬት ነንገመደ።

71 አከ አን ስርነኬ በረዹፍ፣

ረከቹንኮ አናፍ ጋሪ ቱሬ።

72 ሜቲፊ ወርቄ ኩማተመረ፣

ሴር አፋንኬቲ በኡ አናፍ ጋሪዸ።

י ዮድ

73 ሀርክኬ ነ ኡሜ፤ ነ ቶልቼስ፤

አከ አን አጀጀኬ በረዹፍ አት ሁበትና ና ኬን።

74 ሰበቢ አን ዱቢኬ አብደዼፍ፣

ወር ስ ሶዳተን ዮሙ ነ አርገንት ሃገመደን።

75 ያ ዋቀዮ፣ አን አከ ሙርቲንኬ ቀጄላ ተኤ፣

አከ አትስ አመነሙማዻን ነ ዽጵስቴ ቤከ።

76 አኩመ አት ተጃጅላኬቲፍ ዋዳ ገልቴ ሰነት፣

ጃለልኬ ከን ህንጌደረምኔ ሱን ነ ሃጀጀቤሱ።

77 አከ አን ሉቡን ጅራዹፍ ገረ ላፍንኬ ገረኮ ሃዹፉ፤

ሴርኬ ገመቹኮቲ።

78 ኦፍ ቱልቶትን ዋን ሰበቢ መሌ ነ የከኒፍ ሃቃነአን፤

አን ገሩ እረ ዴዴብኤ ሴረኬ ነንያደ።

79 ወር ስ ሶዳተን፣ ከኔን ሴረኬ ሁበተን

ገረኮት ሃዴብአን።

80 አከ አን ህንቃኖፍኔፍ

ገራንኮ ሴረኬ ዱረት ሀንቅነ ህንቀባትን።

כ ካፍ

81 ሉቡንኮ ፈይሱኬ ሀዉዻን ገገብድ፤

አን ገሩ ዱቢኬ ነንአብደዸ።

82 እጅኮ ዋዳኬ ኤገቹዻን ደዸቤ፤

አንስ፣ "አት ዮም ነ ጀጀቤስተ?" ነንጄዸ።

83 ቀልቀሎ ወይኒ ከን ኣረ ኬሰ ቱሬ

ፈካዹስ አን አጀጀኬ ህንእራንፈዹ።

84 ተጃጅላንኬ ሀመ ዮሚት ኦብሱ ቀበ?

አት ወረ ነ አርአተንት ዮም ሙርተ?

85 ኦፍ ቱልቶትን ወር አከ ሴረኬቲት ህንቡሌ፣

ቦለ ና ቆተኒሩ።

86 አጀጀወንኬ ሁንድኑ አመነሞዸ፤

ነሞትን ሰበቢ መሌ ዋን ነ አርአተኒፍ አት ነ ገርጋር።

87 እሳን ለፈራ ነ በሌሱ ገአኒ ቱረን፤

አን ገሩ ስርነኬ ህንዺፍኔ።

88 አት አኩመ ጃለለኬቲት ሉቡኮ በራር፤

አንስ ሴረ አፋንኬቲ በኡ ነንኤገ።

ל ላሜድ

89 ያ ዋቀዮ፣ ዱቢንኬ በረ በራን ጅራተ፤

ሰሚ ኬሰስ ጀባቴ ንዻበተ።

90 አመነሙማንኬ ዸሎተ ሁንዳፍ እት ፉፈ፤

አት ለፈ ሁንዴስቴ፤ እሼንስ ንጅራት።

91 ሰበቢ ወን ሁንድኑ ስ ተጃጅሉፍ፣

ሴርኬ ሀመ ሀርኣት ጅራቴረ።

92 ኡቱ ሴርኬ ገመቹ ና ተኡ ባቴ፣

አን ስላ ረክነኮቲን በዴን ቱሬ።

93 ሰበቢ አት እሳን ነ ጅራችፍቴፍ፣

አን ጎንኩማ አጀጀኬ ህንእራንፈዹ።

94 ሰበቢ አን ከንኬ ተኤፍ ነ ፈይስ፤

አንስ ስርነኬ በርባዴረ።

95 ሀሞን ነ በሌሱፍ ነ ኤገቻ ጅሩ፤

አን ገሩ እረ ዴዴብኤ ሴረኬ ነንያደ።

96 አን አከ ወን ሙዳ ህንቀብኔ ሁንድኑ ዳንጋ ቀቡ አርጌረ፤

አጀጅንኬ ገሩ ባይኤ በልኣዸ።

מ ሜም

97 አን ሴረኬ አከመን ጃለዸ!

ጉያ ጉቱረ ዴዴብኤ ዋኤሳ ነንያደ።

98 አጀጀወንኬ ዋን ዬሮ ሁንደ ነ ወጅን ጅረኒፍ፣

ዲኖተኮ ጫላ ኦጌሰ ነ ጎዸን።

99 አን ሰበቢን እረ ዴዴብኤ ሴረኬ ያዱፍ፣

በርሲሶተኮ ሁንዱማ ጫላ ሁበትና ቀበ።

100 አን ሰበቢን አጀጀኬ ኤጉፍ፣

ማንጉዶተ ጫላ ሁበትና ጉዳን ቀበ።

101 አን አከን ዱቢኬ ኤጉፍ፣

ከራ ሀማ ሁንደራ ሚለኮ አደበዼረ።

102 ዋን አት መታንኬ ነ በርሲፍቴፍ፣

አን ሴረኬራ ህንፈጋትኔ።

103 ዱቢንኬ አከም አረበኮት ምኣወ፤

ነዺ ደማ ጫላ አፋንኮት ምኣወ!

104 አን ቀጄልፈመኬራ ሁበትና አርገዼረ፤

ከናፉ ዳንዲ ሶባ ሁንደ ነንጅበ።

נ ኑን

105 ዱቢንኬ ሚለኮቲፍ እብሳዸ፤

ዳንዲኮቲፍሞ እፈ።

106 አን አከን ሴረኬ ቀጄላ ሰነ ኤጉፍ፣ ከከዼረ፤

ከነስ ምርከኔሴረ።

107 አን አከ መሌ ዽጰዼን ጅረ፤ ያ ዋቀዮ፣

አት አኩመ ዱቢኬቲት ሉቡኮ በራር።

108 ያ ዋቀዮ፣ ገለተ ፌዺዻን አፋንኮቲ በኡ ፉዸዹ፤

ሴረኬስ ነ በርሲስ።

109 ጅሬኝኮ ዬሮ ሁንደ ሀርከኮ ኬሰ ጅራቱዩ፣

አን ሴረኬ ህንእራንፈዹ።

110 ሀሞን ክዮ ና ካአኒሩ፤

አን ገሩ አጀጀኬራ ህንጀልአትኔ።

111 ሴርኬ ዻለኮ ከን በረ በራት፤

ገመቹ ገራኮቲትስ።

112 ገራንኮ ሀመ ዹማት

አጀጀኬ ኤጉፍ ኩተቴረ።

ס ሳሜክ

113 አን ነመ ያደ ለማ ነንጅበ፤

ሴረኬ ገሩ ነንጃለዸ።

114 አት እዶ አን እት በቀዹፊ ጋቸነኮት፤

አን ዱቢኬ አብደዼረ።

115 አከ አን አጀጀወን ዋቀኮ ኤጉፍ፣

እስን ወር ዋን ሀማ ሆጄተን ነራ ፈጋዻ!

116 አት አኩመ ዋዳኬቲት ነ ዴገር፤ አንስ ነንጅራዸ፤

አከ አን አብዲኮት ቃነኡ ነ ህንጎዽን።

117 አከ አን ነጋዻን ጅራዹፍ ነ ዴገር፤

ዬሮ ሁንደ ሴረኬ ነንከበጀ።

118 ሰበቢ ጎዎምሳንሳኒ ፋይዳ ህንቀብኔፍ፤

አት ወረ ሴረኬራ ጀልአተን ሁንደ ቱፈቴ ገተ።

119 አት ሀሞተ ለፈራ ሁንደ አከ ኮሲት ገተ፤

ከናፉ አን ሴረኬ ነንጃለዸ።

120 ፎንኮ ስ ሶዳቹዻን ሆለተ፤

አንስ ሙርቲኬ ነንሶዳዸ።

ע ኣይን

121 አን ዋን ቀጄላፊ ቶላ ሆጄዼረ፤

አት ወረ ነ ሀጩጨንት ደበርስቴ ነ ህንኬንን።

122 ነጋን ጅራቹ ተጃጅላኬቲ ምርከኔስ፤

አከ ኦፍ ቱልቶትን ነ ጩንቁርሰንስ ህንኤየምን።

123 እጅኮ ፈይሱኬ ኤጉዻን፣

ዋዳኬ ቀጄላስ ኤጉዻንስ ደዸቤረ።

124 አኩመ ጃለለኬቲት ተጃጅላኬ ያደዹ፤

ሴረኬስ ነ በርሲስ።

125 አን ተጃጅላኬት፤

አከ አን አጀጀኬ ቤኩፍ ሁበትና ና ኬን።

126 ያ ዋቀዮ፣ ኩን ዬሮ አት እት ሆጄቱዸ፤

ሴርኬ ጨብሰማ ጅራቲ።

127 ከናፉ አን ወርቄ ጫላ፣

ወርቄ ቁልቁሉ ጫላ፣ አጀጀወንኬ ነንጃለዸ፤

128 አን አከ ሴርኬ ሁንድ ቀጄላ ተኤ ነንአመነ፤

ዳንዲ ሶባ ሁንደስ ነንጅበ።

פ ፔ

129 ስርንኬ ድንቅሲሳዸ፤

ከናፉ አን እሰ ነንኤገ።

130 እብሰሙን ዱቢኬቲ እፈ ኬነ፤

ወላሎታፍስ ሁበትና ኬነ።

131 አን አጀጀወንኬ ሀዉዻን

አፋንኮ በኔ ነንሀርገነ።

132 አት አኩመ ዬሮ ሁንደ ወረ መቃኬ ጃለተኒፍ ጎቱ ሰነ፣

ገረኮት ገረገሊ ነ ማር።

133 አኩመ ዱቢኬቲት ተርካንፊ ሚለኮቲ ና ቀጄልች፤

ጩቡን ቶኮዩ ነረት ህንሞእን።

134 አከ አን አጀጀኬ ኤጉፍ

ሀጩጫ ነሞታ ጀላ ነ ፉር።

135 አከ ፉልኬ ተጃጅላኬረት እፉ ጎዽ፤

ስርነኬስ ነ በርሲስ።

136 ሰበቢ ነሞትን ሴረኬ ህንኤግኔፍ፣

እጅኮ እምማን ሎላሰ።

צ ትሳዴ

137 ያ ዋቀዮ፣ አት ቀጄላዸ፤

ሙርቲንኬስ ቀጄላዸ።

138 ሴር አት ኬንቴ ቀጄላዸ፤

ጉቱማትስ አመነማዸ።

139 ሰበቢ ዲኖትንኮ ዱቢኬ ደገተኒፍ፣

ህናፋን አን ቀቡ ነ ጉጉቤረ።

140 ዋዳንኬ ስሪት ቆረሜ እላለሜረ፤

ተጃጅላንኬስ እሰ ጃለተ።

141 ጥናዼ ቱፈተሙዩ፣

አን አጀጀኬ ህንእራንፈዹ።

142 ቀጄሉማንኬ በረ በራን ጅራተ፤

ሴርኬስ ዹጋዸ።

143 ረክኒፊ ዽጵን ነት ዹፌረ፤

አጀጀወንኬ ገሩ ገመቹኮት።

144 ሴርኬ በረ በራን ቀጄላዸ፤

አከ አን ጅራዹፍ ሁበትና ና ኬን።

ק ቆፍ

145 ያ ዋቀዮ፣ አን ገራኮ ጉቱዻን ስን ዋመዸ፤

ዴቢ ና ኬን፤ አንስ ስርነኬቲፍ ነንአጀጀመ።

146 አን ስትን እየዸ፤ አት ነ ፈይስ፤

ሴረኬስ ነንኤገ።

147 አን ኡቱ ለፍት ህንበርእን ከኤ ገርጋርሳፍ ነንእየዸ፤

አን ዱቢኬ አብደዼረ።

148 አከ አንረ ዴዴብኤ ዋዳኬ ያዱፍ፣

እጅኮ ሀልከን ጉቱ በነሜ ቡለ።

149 አኩመ ጃለለኬቲት ሰገሌኮ ዸገእ፤

ያ ዋቀዮ፣ አኩመ ሴረኬቲት ሉቡኮ በራር።

150 ወር ደበ መርአተን አስ ዽኦ ጅሩ፤

ሴረኬራ ገሩ ፈጎ ጅሩ።

151 ያ ዋቀዮ፣ አት ገሩ ዽኦ ጅርተ፤

አጀጀወንኬ ሁንድስ ዹጋዸ።

152 አከ አት አጀጀወንኬ በረ በራን ሁንዴስቴ፣

አን ሴረኬራ ዱር በረዼረ።

ר ሬሽ

153 ዽጵነኮ አርጊቲ ነ ኦልች፤

አን ሴረኬ ህንደገኔቲ።

154 ዱቢኮ ና ፈልም፤ ነ ፉርስ፤

አኩመ ዋዳኬቲት ሉቡኮ በራር።

155 ሰበቢ እሳን ስርነኬ ህንበርባኔፍ፣

ፈይን ሀሞተራ ፈጋቴረ።

156 ያ ዋቀዮ፣ ገረ ላፍንኬ ጉዳዸ፤

አኩመ ሴረኬቲት ሉቡኮ በራር።

157 ዲኖትንኮ ወር ነ አርአተን ባይኤዸ፤

አን ገሩ ሴረኬራ ህንጀልአትኔ።

158 ሰበቢ እሳን ዱቢኬቲፍ ህንአጀጀምኔፍ፣

አን ወረ አመንቲ ህንቀብኔ እጀ ጅባቲን ነንእላለ።

159 አከም አከ አን ቀጄልፈመኬ ጃለዹ ሜ እላል፤

ያ ዋቀዮ፣ አኩመ ጃለለኬቲት ሉቡኮ በራር።

160 ዱቢንኬ ሁንድኑ ዹጋዸ፤

ሴርኬ ቀጄላን ሁንድኑስ በረ በራን ጅራተ።

ש ሲኒፊ ሺን

161 ቡልችቶትን ሰበቢ መሌ ነ አርአተን፤

ገራንኮ ገሩ ዱቢኬ ሶዳቹዻን ሆለተ።

162 አን አከ ነመ ቦጁ ጉዳ አርገቴ ቶኮት፣

ዱቢኬት ነንገመደ።

163 አን ሶበ ነንጅበ፤ ነንጥሬፈዸስ፤

ሴረኬ ገሩ ነንጃለዸ።

164 ሰበቢ ሴረኬ ቀጄላ ሰናቲፍ፣

አን ጉያት ዬሮ ቶርበ ስን ገለቴፈዸ።

165 ወር ሴረኬ ጃለተን ነጋ ጉዳ ቀቡ፤

ወን እሳን ጉፈቺሱ ቶኮዩ ህንጅሩ።

166 ያ ዋቀዮ፣ አን ፈይሱኬ ነንአብደዸ፤

አጀጀኬ ዱካስ ነንቡአ።

167 አን ዋነን ጉዳ እሰ ጃለዹፍ፣

አጀጀኬ ነንኤገ።

168 አት ከራኮ ሁንደ ዋን ቤክቱፍ፣

አን ስርነኬቲፊ ሴረኬ ነንኤገ።

ת ታው

169 ያ ዋቀዮ፣ እይኮ ፉለኬ ዱረ ሃገኡ፤

አት አኩመ ዱቢኬቲት ሁበትና ና ኬን።

170 ዋመንኮ ፉለኬ ዱረ ሃገኡ፤

አኩመ ዋዳኬቲት ነ ባስ።

171 ሰበቢ አት ቀጄልፈመኬ ነ በርሲፍቱፍ፣

ህዺንኮ ገለተ ሃዸንገላሱ።

172 አረብንኮ ዱቢኬ ሃፋርፈቱ፤

አጀጅንኬ ሁንድ ቀጄላዻቲ።

173 ዋን አን ስርነኬ ፍለዼፍ፣

ሀርክኬ ነ ገርጋሩፍ ሃቆጳኡ።

174 ያ ዋቀዮ፣ አን ፈይሱኬ ነንሀወ፤

ሴርኬስ ገመቹኮት።

175 ሉቡንኮ ስ ገለቴፈቹፍ ሃጅራቱ፤

ሴርኬስ ነ ሃገርጋሩ።

176 አን አኩመ ሆላ በዴ ከራራ ጀልአዼረ።

አን አጀጀወንኬ ህንእራንፈትኔቲ፣

ተጃጅላኬ በርባድ።