1 ያ ዋቀዮ ጀብነኮ፣ አን ስን ጃለዸ።

2 ዋቀዮ ከታኮ፣ ደአትኖኮቲፊ ኦልቻኮት፤

ዋቅንኮ ከታኮ ከን አን ኮሉ እት ገሉዸ፤

እን ጋቸነኮቲፊ ጋንፈ ፈይነኮት፤ ደአትኖኮ ጭማዸ።

3 አን ዋቀዮ ገለን እሳፍ መሉ ሰነ ነንዋመዸ፤

ዲኖተኮ ጀላስ ነንበራረመ።

4 ፉኞን ዱኣ ነ ጠጤ፤

ሎላን በዲሳስ ነ ልቅምሴረ።

5 ፉኞን ሲኦል ነት መረሜ፤

ክዮን ዱኣስ ነት ዹፌ።

6 አን ዽጵነኮ ኬሰት ዋቀዮን ነንዋመዼ፤

ገርጋርሳፍስ ዋቀኮት ነንእየዼ።

እንስ መነ ቁልቁሉማሳቲ ሰገሌኮ ዸገኤ፤

እይኮስ ጉረሳ ሴኔ።

7 ለፍት ንሆለቴ፤ ንሶቾቴስ፤

ሁንዴወን ቱሉወኒስ ንራፈመን፤

ሰበቢ እን ዼከሜፍስ እሳን ንሆለተን።

8 ኣር ፉኛንሳቲ ኦል በኤ፤

እብድ ዋ በርበዴሱ አፋንሳቲ በኤ፤

ጭሌን ቦበኡስ አፋንሳቲ በኤ።

9 እን ሰሚወን ተርሳሴ ገድ ቡኤ፤

ዱሜሶን ጉራችስ ሚለሳ ጀለ ቱረን።

10 እን ኪሩቤልን ያበቴ በርሴ፤

ቆቾ ቅሌንሳቲንስ ኦል በኤ።

11 እን ዱከነ ሀጉጊሳ፣ ዱሜሰ ሰሚ ከን

ቦካዻን ዱከናኤሞ ጎዶሳ ጎዸቴ።

12 እፈ ፉለሳ ኬሳስ ዱሜስ ዸጋ ጨቢቲፊ

በከካዻን ተርሳሴ በኤ።

13 ዋቀዮ ሰሚዻ ንቀቀዌሰኤ፤

ሰገሌን ዋቀ ዋን ሁንዳ ኦሊስ ንዸገአሜ።

14 እን ጥየሳ ደርበቴ ዲኖተ ብትኔሴ፤

በከካስ ገድ ዺሴ እሳን ፍጤ።

15 ያ ዋቀዮ፣ ዼከምሰኬቲን፣

ሁምነ ሀፉረ ፉኛንኬቲ በኡቲንስ፣

ሱሉለወን ገላና እፈት ባፈመን፤

ሁንዴወን ለፋስ ቁላ ሀፈን።

16 እን ኦል ጉባዻ ገድ ሂጠቴ ነ ቀቤ፤

ብሻኖተ ገድ ፈጎ ኬሳስ ነ ባሴ።

17 እን ዲነኮ እሰ ጀባ ጀላ፣ አመጃጆተኮ

ወረ አከ መሌ ነት ጭመን ጀላስ ነ ባሴ።

18 እሳን ጉያ ረክነኮት ነት ዹፈን፤

ዋቀዮ ገሩ ገርጋርሰኮ ቱሬ።

19 እን እዶ በልኣት ነ ባሴ፤

ዋን ነት ገመዴፍስ ነ ኦልቼ።

20 ዋቀዮ አኩመ ቀጄሉማኮቲት ና ኬኔረ፤

አኩመ ቁልቁልነ ሀርከኮትስ ነ በዻሴ።

21 አን ከራ ዋቀዮ ኤጌራቲ፤

ዋቀኮራ ገረገሌ ሀምነ ህንሆጄትኔ።

22 ሴርሳ ሁንድኑ ፉለኮ ዱረ ጅረ፤

አንስ ለብሲሳራ ህንጎሬ።

23 አን ፉለሳ ዱረት ሙዳ ህንቀቡ ቱሬ፤

ጩቡራስ ኦፍ ኤገዼረ።

24 ዋቀዮ አኩመ ቀጄሉመኮት፣

አኩመ ሀርክኮ ፉለሳ ዱረት ቁልቁሉ ተኤትስ ነ በዻሴረ።

25 አት ነመ አመነማት አመነሙማኬ አርግሲፍተ፤

ነመ ሙዳ ህንቀብኔትስ ከን ሙዳ ህንቀብኔ ታተ።

26 ነመ ቁልቁሉት ቁልቁሉ ታተ፤

ነመ ጀልኣትሞ ጀልኣ ታተ።

27 አት ወረ ገድ ኦፍ ቀበን ንኦልችተ፤

እጀ ኦፍ ቱሉ ገሩ ገድ ዴብፍተ።

28 ያ ዋቀዮ አት እብሳኮ ጀቤስቴ ንእብስተ፤

ዋቅንኮ ዱከነኮ እፈት ንጌደረ።

29 አን ገርጋርሰኬቲን ሎልቶተ ዺበዼ ነንዴመ፤

ዋቀኮቲንስ ደላ ኡታሉ ነንደንደአ።

30 ዋቀ ከነ ከራንሳ ሙዳ ህንቀቡ፤

ዱቢን ዋቀዮ ህርእነ ህንቀቡ፤

ወረ እሰት ኮሉ ገለን ሁንዳፍ ዋቀዮ ጋቸነ ተአ።

31 ዋቀዮ መሌ ዋቅን ኤኙ?

ዋቀኬኘ መሌስ ከታን ኤኙ?

32 ከን ሁምነ ነ ህዸቺሱ፣

ከን አከ ከራንኮስ ነጋ ተኡ ጎዹ ዋቀ።

33 እን ሚለኮ አከ ሚለ ቦሮፋ ጎዸ፤

እዶ ኦል ዼራረስ ነ ዻበቺሰ።

34 እን ሀርከኮ ወራናፍ ሌንጅሰ፤

እሬንኮስ እዳ ናሲ ደብሱ ንደንደአ።

35 አት ገርጋርሰኬ ከን ነመ ፈይሱ ጋቸነ ናፍ ጎተ፤

ሀርክኬ ምርጋ ኦል ነ ቀቤረ፤

ገርጋርስኬስ ነመ ጉዳ ነ ጎዼ።

36 አከ ኮሜንኮ ህንሙጩጫኔፍ፣

ሚለኮቲፍ ዳንዲ በልእፍቴርተ።

37 አን ዲኖተኮ አርኤ ነንቀቀበዼ፤

ሀመ እሳን በርበዳአንትስ አን ዱበት ህንዴብኔ።

38 አን አከ እሳን ዴብአኒ ከኡ ህንደንዴኜፍ እሳን ነንበርበዴሴ፤

እሳንስ ሚለኮ ጀለት ንኩፈን።

39 አት ሎላፍ ሁምነ ነ ህዸቺፍቴ፤

አመጃጆተኮስ ፉለኮ ዱረት ገድ ዴብፍቴ።

40 አከ ዲኖትንኮ ዱግደ ዱበት ዴብአኒ በቀተን ጎቴርተ፤

አንስ አመጃጆተኮ በርበዴሴረ።

41 እሳን ገርጋርሳፍ እየን፤ ገሩ ከን እሳን ኦልቹ ቶኮዩ ህንቱሬ፤

ገረ ዋቀዮትስ ንእየተን፤ እን ገሩ ዴቢ ህንኬንኔፍ።

42 አንስ አኩመ አዋረ ቡቤን ፉዸቱት እሳን ነንዳኬ፤

አኩመ ዾቄ ዳንዲራት እሳን ነንዽዺቴ።

43 አት ሎለ ነሞታ ጀላ ነ ባፍቴርተ፤

መታ ሰቦታ ነ ጎቴርተ፤

ሰብን አን ህንቤክኔ ነ ተጃጅለ።

44 ነሞትን ኦርማ ነ ሶሶበተን፤

እሳን አኩመ ዋኤኮ ዸገአኒን ናፍ አጀጀመን።

45 እሳን ሁንድ አብዲ ኩተተን፤

ሆለቻስ ደአትኖሳኒ ጀባ ኬሳ በአን።

46 ዋቀዮ ጅራታዸ! ከታንኮ ሃኤብፈሙ!

ዋቅን ፈይሳንኮ ኦል ኦል ሃጄዹ!

47 እን ዋቀ ሃሎ ና ባሱ፣

ከን ሰቦተስ ነ ጀለት ቡልቹዸ፤

48 ዲኖተኮ ጀላስ ነ ባሰ።

አት አመጃጆተኮቲ ኦል ነ ጎተ፤

ጎልቶተ ጀላስ ነ ባፍቴ።

49 ከናፉ ያ ዋቀዮ፣ አን ሰቦተ ግዱት ስን ሌልሰ፤

ፋርፈትና ገለታሌ መቃኬቲፍ ነንፋርፈዸ።

50 እን ሞአናወን ጉርጉዳ ሞቲሳቲፍ ንኬነ፤

ድበማሳ ዳዊቲፊ ሰኚሳቲፍ፣

ጃለለ በረ በራ ንአርግሲሰ።