1 ያ ዋቀዮ፣ አን ኮሉ ስት ገሌረ፤

አት ጎንኩማ ነ ህንቃኔስን፤

ቀጄሉማኬቲን ነ ኦልች።

2 ጉረኬ ገረኮት ቀብ፤ ደፊቲ ነ ኦልች፤

ከታ አን እት ኮሉ ገሉ ና ተእ፤

ነ ኦልቹዻፍስ ደኦ ጀባ ና ተእ።

3 አት ዋን ከታኮፊ ደኦኮ ታቴፍ፣

መቃኬቲፍ ጄዺቲ ነ ቀጄልች፤ ከራረስ ነ ቡስ።

4 አት እዶ አን እት በቀዹ ዋን ታቴፍ፣

ክዮ ዲኖትንኮ ና ካአን ኬሳ ነ ባስ።

5 አን ሀፉረኮ ደበርሴ ሀርከ ኬን ኬነዸ፤

ያ ዋቀዮ ዋቀ ዹጋ፣ አት ነ ፉር።

6 አን ወረ ዋቆተ ፋይዳ ህንቀብኔ አብደተን ነንጅበ፤

ዋቀዮን ገሩ ነንአመነዸ።

7 አን ጃለለኬ ከን ህንጌደረምኔ ሰነት ነንገመደ፤ ነንእልልቸስ፤

አት ዽጵነኮ አርግቴርታቲ፤

ረክነ ሉቡኮቲሌ ቤክቴርተ።

8 አት ደበርስቴ ዲነት ነ ህንኬንኔ፤

ሚለኮስ እዶ በልኣረ ዻብዴርተ።

9 ያ ዋቀዮ፣ አን ዽጵነኬሰን ጅራቲ ነ ባስ፤

እጅኮ ገዳን፣ ሉቡንኮፊ ዸግንኮ ገዳን ደዸበኒሩ።

10 ጅሬኝኮ ገዳን፣ ኡሙሪንኮ ኣዱዻን ዹሜረ፤

ጀብንኮ ሰበቢ ዽጵነኮቲቲፍ ላፌረ፤

ለፌንኮስ ጡጠሜረ።

11 ሰበቢ ዲኖተኮ ሁንዳቲፍ፣

አን ኦሎተኮ ብረት ዋን ሶዳችሳ፣

ምቾተኮ ብረትሞ ዋን ጅብሲሳ ተኤረ፤

ወር ከራረት ነ አርገንስ ነ በቀቱ።

12 አን አኩመ ነመ ዱኤት እራንፈተሜረ፤

አኩመ ቆዳ ጨባስ ነንተኤ።

13 አሳሰ ነሞተ ባይኤ ነንዸገኣቲ፤

ከለቲ ሁንዳን ሶዳቱ ጅረ!

እሳን ነት መለተኒ

ሉቡኮ በሌሱፍ መርአተን።

14 ያ ዋቀዮ፣ አን ገሩ ስን አመነዸ፤

"አት ዋቀኮት" ነንጄዸ።

15 በርኮ ስ ሀርከ ጅረ፤ ዲኖተኮ ጀላ፣

ወረ ነ አርአተን ሀርካስ ነ ባስ።

16 ፉልኬ ተጃጅላኬረት ሃእፉ፤

ጃለለኬ ከን ህንጌደረምኔ ሰናንስ ነ በራር።

17 ያ ዋቀዮ፣ አን ህንቃኔፈምን፤

አን ስ ዋመዼራቲ፤

ወር ሀሞን ገሩ ሃቃኔፈመን፤

ጨልእሰኒስ ሲኦል ኬሰ ሃቡአን።

18 አፋን ሶበ ዱበቱ፣

ከን ኦፍ ቱሉማፊ ቱፊዻን፣

ነመ ቀጄላት ኮሬ ዱበቱ ሃዱዱ።

19 ጋሩማንኬ ከን አት ወረ ስ ሶዳተኒፍ ኦል ኬሴ፣

ከን አት ፉለ ነሞታ ዱረት

ወረ ኮሉ ስት ገለኒፍ ኬንቴ አከም ጉዳዸ!

20 ደኦ ፉለኬቲቲን፣

ዋን ነሞትን እሳንት መለተን ጀላ እሳን ዾክስተ፤

ዱንካነኬ ኬሰትስ ዱቢን ቱቱቁ ጀላ እሳን ደኤስተ።

21 ዋቀዮ ሃኤብፈሙ፤

እን ዬሮ አን መጋላ መርፈምቴ ኬሰ ቱሬት፣

ጃለለሳ ድንቅሲሳ ሰነ ነ አርግሲሴራቲ።

22 አን ዬሮን አከ መሌ ዽጰዼት፣

"አን ፉለኬ ዱራ በዴረ!" ጄዼን ቱሬ።

አት ገሩ ዬሮ አን ገርጋርሳፍ ስት እየዼት፣

ከዸትናኮ ና ዸጌሴ።

23 ቁልቁሎንሳ ሁንድኑ፣ ዋቀዮን ጃለዻ!

ዋቀዮ አመነሞተ ንኤገ፤

ኦፍ ቱልቶታፍ ገሩ አኩመ ሆጂሳኒት እረ ደበርሴ ዴብሳፍ።

24 ወር ዋቀዮን አብደተን ሁንድኑ ጀባዻ፤

ገራንኬሰን ህንሶዳትን።