1 ዋቅን ሃከኡ፤ ዲኖትንሳስ ሃብትናአን፤

ወር እሰ ጅበንስ ፉለሳ ዱራ ሃበቀተን።

2 አኩመ ኣር ብትናኡ፣ አት እሳን ብትኔስ፤

አኩመ ገጋን እብደ ዱረት በቁ፣

ሀሞን ፉለ ዋቃ ዱራ ሃበደን።

3 ቀጄሎን ገሩ ሃገመደን፤

ፉለ ዋቃ ዱረትስ ባይኤ ሃገመደን፤

እሳን ገመቹዻን ሃእልልቸን።

4 ዋቃፍ ፋርፈዻ፤

ፋርፈትና ገለታ መቃሳቲፍ ፋርፈዻ፤

እሰ ዱሜሳን ጉሉፉ ሰነ ጀጀዻ፤

መቃንሳ ዋቀዮዸ፤

ፉለሳ ዱረትስ ባይኤ ገመዳ።

5 ዋቅን ወረ አባ ህንቀብኔፍ አባ፣

ኒቶተ ዽርሶትንራ ዱአኒፍስ ፈልማ ተኤ ሱን

እዶ ጅሬኘሳ ቁልቁሉ ኬሰ ጅረ።

6 ዋቅን ወረ ኮጳ ተአን ማቲ ኬሰ ጅራችሰ፤

ወረ ህዸመንስ መነ ህዻቲ ባሰ፤

ፍንጭልቶትን ገሩ ለፈ ጎጋረ ጅራቱ።

7 ያ ዋቀዮ፣ ጋፈ አት ሰበኬ ዱረ ባቴ፣

ጋፈ አት ገሞጂ ኬሰ ደበርቴ፣

8 ፉለ ዋቃ፣ ዋቀ ሲና ዱረት፣

ፉለ ዋቃ፣ ዋቀ እስራኤል ዱረት፣

ለፍት ንራፈምቴ፤ ሰሚወንስ ቦካ ሮብሰን።

9 ያ ዋቀዮ፣ አት ቦካ ባይኤ ሮብስቴ፤

ዻለኬ ከን ደዸቤሌ ንቁብስቴ።

10 ሰብንኬ አች ቁበቴ፤

ያ ዋቀዮ፣ አት በዻዹማኬ ኬሳ ህዬዪ ሶርቴ።

11 ጎፍታን ዱቢሳ ኬኔ፤

ዱበርቶትን ዱቢ ሰነ ለብሰንስ ባይኤዸ፦

12 "ሞቶትኒፊ ሎልቶትን አሪቲን በቀተን፤

ዱበርቶትን ቄኤ ኦለን ቦጁ ቆደተን።

13 ዮ ጎለ ሆሎታ ግዱት አርገምተንሌ፣

እስን አከ ጉጌ ቆቾንሼ ሜቲዻን ኡፍፈሜ

ባሌንሼሞ ወርቄ ጨለቅሱን ኡፍፈሜት።"

14 ዮሙ ዋቅን ዋን ሁንደ ደንደኡ

ሞቶተ አችት ብትኔሴት፣ ዘልሞንረት ጨቢን ቡኤ።

15 ያ ቱሉ ባሻን፣ ያ ቱሉ ሱረ ቀቤሰ፣

ያ ቱሉ ባሻን፣ ያ ቱሉ ፊጤ ባይኤ ቀቡ፣

16 ያ ቱሉ ፊጤ ባይኤ ቀብዱ፣

አት ማሊፍ ቱሉ ዋቅን ቡልቹፍ ፍለቴ፣

እዶ ዋቀዮ በረ በራን ጅራቱ ሰነ ህናፋዻን እላልተ?

17 ጋሪወን ዋቃ ኩመ ሄዱዸ፤

እሳን ኩማተመ ዬሮ ኩማተማት፤

ጎፍታንስ ሲናዻ ገረ እዶ ቁልቁሉ ዹፌረ።

18 አት ዮሙ ኦል ጉባ ባቴት

ቦጁ ባይኤ ፉዸቴ፤

ያ ዋቀዮ፣ ያ ዋቅ፣ አት አች ጅራቹፍ ጄቴ፣

ነሞተራ፣ ፍንጭልቶተራስ ኬና ፉዸቴ።

19 ጎፍታን ጉዩመ ጉያን በኣኬኘ ባቱ፣

ዋቅን ፈይሳኬኘ ተኤ ሱን ሃኤብፈሙ።

20 ዋቅንኬኘ ዋቀ ፈይናት፤ ዱአ ጀላ በኡንስ

ዋቀዮ ጎፍትቸ ብራ ዹፈ።

21 ዋቅን ዹጉማን መታ ዲነሳ፣

ጉቤ መታ ወረ ጩቡሳኒት ፉፈኒ ከን ርፌንሰ ቀቡ ንጨጨብሰ።

22 ጎፍታን አከነ ጄዸ፤ "አን ዴብሴ ባሻኒ እሳን ነንፍደ፤

ቱጁበ ገላና ኬሳስ ዴብሴ እሳን ነንፍደ፤

23 ኩንስ አከ አት ዺገ ዲኖተኬቲ ሚለኬቲን ቦርጭቱፍ፤

አረብን ሰሮተኬቲስ አከ ቆደሳኒ ቀባቱፍ።"

24 ያ ዋቀዮ፣ ህሪርኬ ሙልአቴረ፤

ህሪር ዋቀኮቲቲፊ ሞቲኮቲ እዶ ቁልቁሉት ኦል ገሌረ።

25 ፉለ ዱራን ፋርፈቶተ፣

ዱግደ ዱባንሞ ወረ ሙዚቃ ተጰተንቱ ቱሬ፤

ዱበርቶትን ድቤ ሩኩተንስ ግዱሳኒ ቱረን።

26 ወልዳ ጉዳ ኬሰት ዋቀ ጀጀዻ፤

ያኢ እስራኤል ኬሰትስ ዋቀዮን ጀጀዻ።

27 ቤንያም ጎስት ጥንች እሳን ዱረ ዴመ፤

ቱትን እልማን ሞቶተ ይሁዳስ አች ቱረን፤

እልማን ሞቶተ ዜቡሎኒፊ ንፍታሌምስ አች ቱረን።

28 ያ ዋቀዮ፣ ሁምነኬ አጀጅ፤

ያ ዋቀኬኘ፣ አኩመ ዱራን ጎቴ ሰነ ጀብነኬ ኑ አርግሲስ።

29 ሰበቢ መነ ቁልቁሉማኬቲ ከን ዬሩሳሌም ኬሳቲፍ

ሞቶትን ኬና ሲፍ ፍዱ።

30 ብኔንሶተ ሸምበቆ ኬሳ፣

ከረ ኮሮሚ ጀቦተ ሰቦታ ኬሳስ እፈዹ።

ወረ ሜቲ ፍደን ገድ ዴብስ።

ወረ ወራነት ገመደንስ ብትኔስ።

31 ኤርገሞትን ግብጥ ንዹፉ፤

እቶጵያንስ ደፍቴ ሀርከሼ ዋቀት በልእፈት።

32 ያ ሞቱሞተ ለፋ፣ ዋቀ ፋርፈዻ፤

ፋርፈትና ገለታስ ጎፍታዻፍ ፋርፈዻ፤

33 እሰ ሰሚወን ዱሪ ኬሰ ጉሉፉ፣

እሰ ሰገሌ ጀባዻን ቀቀዌሰኡ ሰነ ፋርፈዻ።

34 ዋቀ ኡልፍንሳ እስራኤልራ ጅሩ፣

እሰ ሚዸግንሳ

ሰሚወን ኬሰ ጅሩ ሰነ ሁምነሳ ለብሳ።

35 ያ ዋቀዮ፣ አት እዶ ቁልቁሉማኬቲት ሶዳችሳዸ፤

ዋቅን እስራኤል ሰበሳቲፍ ሁምናፊ ጀብነ ንኬነ።

ዋቅን ሃኤብፈሙ!