Lucas 24

Yesu wumonikina minlonguki miodi mu nzila yi Emawusi

13 Mu kina kiawu lumbu, minlonguki miodi miyenda ku buala bumosibaba ntedilanga Emawusi. Buala beni butatukila Yelusalemi nduka-ndukamu tezo ki kumi kilometele biodi. 14 Miyolukila mambu moso momo mavioka. 15 Bu miba solula ayi miba findana zimpaka, mizimbukila niandi veka Yesu wuba fikama ayi wuyenda yawu va kimosi. 16 Vayi meso mawu maba mafuku mu diambu babika kumbakula.

17 Buna wuba yuvula :

—A mambu mbi momo lulembu yolukila bu lueti kuenda yendingi e ?

Mitelama ayi bizizi bi kiadi-kiadi. 18 Wumosi mu bawu, dizina diandi Klewopasi wumvutudila :

—Vayi buna ngeyo kaka mu batu bobo bamvuandanga ku Yelusalemikambulu zaba mambu maviokidi muawu mu bilumbu biabi e ?

19 Niandi wuba yuvula :

—A mambu mbi momo e ?

Bawu bamvutudila :

—Mambu mabuilulu Yesu muisi Nazaleti wubedi mbikudi wu lulendomu mavanga mandi ayi mu thubulu andi va ntuala Nzambi ayi va ntuala batu boso. 20 Bapfumu zieto zi banganga Nzambi ayi bapfumu zieto zinyekudi mu diambu di banzengila nkanu wu lufua ayi mu diambu di bambanda va dikulusi. 21 Diana tubedi tulanga ti niandi wukuiza kudi Iseli. Vayi talabuabu kiawu kiaki lumbu kintatu tona mambu beni makibelanga.

22 Bukiedika kuandi ti baketo bankaka mu beto batuyindusidingi ngolo bu babedingi ku dibumbi va nsuka-nsuka. 23 Sumbu basi monanga ko nitu andi, buna biza samunanga ti tsongolobamueningi ; bamueningi zimbasi zibakembingiti bukiedika widi moyo. 24 Buna bankaka mu bobo badi yeto bedingi ku dibumbi. Benda buanangamambu boso busamuniningi baketo ; vayi, niandi, basi kummonanga ko.

25 Buna Yesu wuba kamba :

A batu bakambu diela ayi fuana phasi lummona mu mintima mu wilukila mambu moso mimbikudi mibikula. 26 A keti Klisto kafueti tuama mona phasi mu diambu di mambu momosimbu kakota mu nkembo andi e ?

27 Bosi Yesu wutona kuba sudikisa mambu moso masonama mu diambu dianditonina mu Moyize nate mu mimbikudi mioso. 28 Vayi buna bafikama buala bobo baba kuenda ; niandi wuvunikisa kuenda thama 29 vayi bansimbidila bu banleba :

—Vuanda yeto, tala buisi bueka yila ayi masika mazidi.

Buna wukota yawu mu nzo ayi wuvuanda yawu. 30 Wuvuanda yawu va meza, wubonga dipha ayi wudisakumuna, wudibukuna bosi wuba kabudila diawu. 31 Buna meso mawu mazibuka ayi bambakula vayi kasia buela monikako, wutumbu zimbala va meso mawu. 32 Buna bakambasana bawu na bawu :

—Keti mintima mieto misi banga mu khini ko mu thangu kalembukutuyolukilanga mu nzila, bu katuzingu budidi masonuku e ?

33 Muna yina thangu, bavutuka ku Yelusalemi. Bayiza bata kumi mimvuala wumosi buna bakutikini va kimosi ayi bobo baba yawu, 34 balembu tubi ti :

—Bukiedika ti Pfumu fulukidingi ; wukimonikisidingi kuidi Simoni.

35 Buna minlonguki miodi beni mamvawu misamuna mambu momo mimonamu nzila ayi buevi miyiza bakudila Yesu mu thangu kabukuna dipha.