24 Ziphasi zi bilumbu beni bu ziela manisa, buna

thangu yela tumbu nomba ;

ngondi yela zimbisa miezi miandi

25 zimbuetete ziela doduka tona mu diyilu nate va ntoto

ayi lulendo lu diyilu luela nikuka.

26 Buna bosi bela mona Muana Mutu wela kuizila mu matuti mu lulendo loso ayi mu nkembo wunneni. 27 Wela tuma zimbasi ziandi mu zitsongi zioso ziya zi ntoto mu kutikisa batu boso bobo Nzambi kasobula va nza yimvimba, tona ku tonina nza nate ku sukinina nza.