यहोवा ह साऊल ला राजा के रूप म अस्वीकार करथे
1 एक दिन समूएल ह साऊल ला कहिस, "यहोवा ह मोला पठोय रिहिस कि मेंह ओकर मनखे इसरायलीमन ऊपर तोला राजा के रूप म अभिसेक करंव; एकरसेति अब यहोवा के बचन ला सुन ले। 3 एकरसेति अब तें जा अऊ अमालेकीमन ऊपर हमला कर अऊ ओमन के जम्मो चीज ला पूरा नास कर दे। ओमन ला झन छोंड़बे; मनखे, माईलोगन, लइका अऊ दूध पीयत लइका, गाय-बईला, भेड़, ऊंट अऊ गदहा, जम्मो ला मार डार।’ "
9 पर साऊल अऊ ओकर सेना ह अगाग अऊ जम्मो बने चीजमन ला नइं मारिन, जइसे कि बने भेड़ अऊ गाय-बईला, मोटहा बछेड़ा अऊ मेढ़ा-पीलामन ला। येमन ला ओमन नास करे बर नइं चाहत रिहिन, पर जऊन चीजमन तुछ अऊ कमजोर रिहिन, ओमन ला साऊल अऊ ओकर सेना ह पूरा नास कर दीस।
13 जब समूएल ह साऊल करा हबरिस, त साऊल ह कहिस, "यहोवा ह तोला आसीस देवय! मेंह यहोवा के बचन ला पालन करे हवंव।"
15 साऊल ह जबाब दीस, "सैनिकमन येमन ला अमालेकीमन ले इहां लाने हवंय; ओमन सबले बने भेड़ अऊ गाय-बईलामन ला बचाके रखे हवंय कि ओमन ला यहोवा तोर परमेसर ला बलिदान चघावंय, पर बाकि जम्मो ला हमन पूरा नास कर दे हवन।"
22 पर समूएल ह जबाब दीस:
"का यहोवा ह होम-बलिदान अऊ बलिदानमन ले ओतेक खुस होथे
जतेक कि ओकर बात ला माने ले होथे?
हुकूम मनई ह बलिदान चघई ले,
अऊ बात ला धियान देवई ह मेढ़ामन के चरबी ले घलो बने अय।
23 काबरकि बिदरोह करई ह सकुन-बिचार के पाप,
अऊ घमंड करई ह मूरती-पूजा के पाप सहीं अय।
काबरकि तेंह यहोवा के बचन ला नइं मानय,
एकरसेति ओह तोला राजा के रूप म अस्वीकार करे हवय।"