1 समूएल 16

11 एकरसेति ओह यिसै ले पुछिस, "का तोर अतकेच बेटामन हवंय?"

ओह जबाब दीस, "नइं, सबले छोटे ह अभी नइं आय हवय; ओह भेड़मन ला चरावत हे।"

समूएल ह कहिस, "ओला बलाय बर कोनो ला भेज; जब तक ओह नइं आ जाही, तब तक हमन नइं बईठन।"

12 तब यिसै ह ओला बलाय बर एक झन ला पठोईस अऊ ओला लाय गीस। ओकर देहें ह दमकत रहय अऊ रूप ह सुघर अऊ सुडौल रहय।

तब यहोवा ह कहिस, "उठ अऊ ओकर अभिसेक कर; ओह येहीच अय।"

13 एकरसेति समूएल ह तेल ले भरे सींग ला लीस अऊ ओकर भाईमन के आघू म ओकर अभिसेक करिस, अऊ ओ दिन ले लेके आघू घलो यहोवा के आतमा दाऊद ऊपर बल से उतरे लगिस। समूएल ह तब उठके रामा ला वापिस चल दीस।