6 जब ओमन आईन, त ओह एलीआब ला देखिस अऊ सोचिस, "निस्चय, ये जो यहोवा के आघू म हवय, ओही ह ओकर अभिसिक्त जन अय।"
7 पर यहोवा ह समूएल ला कहिस, "ओकर रूप अऊ ओकर कद के ऊंचई के बारे म झन सोच, काबरकि मेंह ओला अस्वीकार करे हंव। यहोवा ह मनखेमन सहीं नइं देखय। मनखेमन तो बाहिरी रूप ला देखथें, पर यहोवा ह मनखे के मन ला देखथे।"
11 एकरसेति ओह यिसै ले पुछिस, "का तोर अतकेच बेटामन हवंय?"
ओह जबाब दीस, "नइं, सबले छोटे ह अभी नइं आय हवय; ओह भेड़मन ला चरावत हे।"
समूएल ह कहिस, "ओला बलाय बर कोनो ला भेज; जब तक ओह नइं आ जाही, तब तक हमन नइं बईठन।"
12 तब यिसै ह ओला बलाय बर एक झन ला पठोईस अऊ ओला लाय गीस। ओकर देहें ह दमकत रहय अऊ रूप ह सुघर अऊ सुडौल रहय।
तब यहोवा ह कहिस, "उठ अऊ ओकर अभिसेक कर; ओह येहीच अय।"
13 एकरसेति समूएल ह तेल ले भरे सींग ला लीस अऊ ओकर भाईमन के आघू म ओकर अभिसेक करिस, अऊ ओ दिन ले लेके आघू घलो यहोवा के आतमा दाऊद ऊपर बल से उतरे लगिस। समूएल ह तब उठके रामा ला वापिस चल दीस।