2 राजा 6

15 बिहनियां जब परमेसर के जन के सेवक ह उठिस अऊ बाहिर निकलके देखिस, त सहर ह घोड़ा अऊ रथमन के संग एक सेना ले घिर गे रहय। तब सेवक ह पुछिस, "ओहो! नइं, हे मोर मालिक! अब हमन का करन?"

16 अगमजानी ह जबाब दीस, "झन डर, काबरकि जऊन मन हमर तरफ हवंय, ओमन संखिया म ओ बिरोधीमन ले जादा हवंय।"

17 अऊ एलीसा ह ये पराथना करिस, "हे यहोवा, येकर आंखी ला खोल दे कि येह देख सकय।" तब यहोवा ह सेवक के आंखी ला खोल दीस, अऊ जब ओह नजर उठाके देखिस, त एलीसा के चारों कोति पहाड़ी ह आगी के घोड़ा अऊ रथमन ले भर गे रहय।