प्रेरितमन के काम 8

30 फिलिप्पुस ह खोजा कोति दऊड़के गीस अऊ ओह ओला यसायाह अगमजानी के किताब ला पढ़त सुनिस, त ओकर ले पुछिस, "तेंह जऊन ला पढ़त हवस, का ओला समझत घलो हवस?"

31 खोजा ह कहिस, "जब तक कोनो मोला नइं समझाही, तब तक मेंह कइसने समझहूं?" ओह फिलिप्पुस ले बिनती करिस कि ओह रथ म चघके ओकर संग बईठे।

32 परमेसर के बचन के जऊन पाठ ला ओ खोजा पढ़त रिहिस, ओह ये रिहिस:

"ओला बध करे बर ले जाय भेड़ सहीं ले गीन,

अऊ जइसने ऊन कतरइयामन के आघू म मेढ़ा-पीला ह चुपेचाप रहिथे,

वइसने ओह घलो अपन मुहूं ला नइं खोलिस।