प्रेरितमन के काम 8

36 रसता म चलत-चलत ओमन एक ठन पानी के ठऊर म हबरिन, त खोजा ह कहिस, "देख, इहां पानी हवय, अब मोला बतिसमा लेय म का अड़चन हवय?"

37 फिलिप्पुस ह कहिस, "कहूं तेंह पूरा हिरदय ले बिसवास करत हवस, त येह हो सकथे।"

ओह जबाब दीस, "मेंह बिसवास करत हंव कि यीसू मसीह ह परमेसर के बेटा ए।"*8:37 कुछू पुराना हस्तलिपि म ये पद नइं मिलय। 38 अऊ ओह रथ ला ठाढ़ करे के हुकूम दीस। तब फिलिप्पुस अऊ खोजा दूनों पानी म उतर गीन अऊ फिलिप्पुस ह ओला बतिसमा दीस। 39 जब ओमन पानी ले बाहिर निकलके ऊपर आईन, तब परभू के आतमा ह अचानक फिलिप्पुस ला कहीं ले गीस अऊ खोजा ह ओला फेर नइं देखिस, पर ओह आनंद मनावत अपन रसता म चल दीस।