20 अऊ कहिस:
"परमेसर के नांव के महिमा सदाकाल तक होवत रहय;
काबरकि बुद्धि अऊ सक्ति ओकर अय।
21 ओह समय अऊ मौसम ला बदलथे;
ओह राजामन ला गद्दी ले हटाथे अऊ आने मन ला गद्दी म बईठाथे।
ओह बुद्धिमान ला बुद्धि
अऊ समझदार ला गियान देथे।
22 ओह गूढ़ अऊ लुकाय बातमन ला परगट करथे;
ओह जानथे कि अंधियार म का रखे हवय,
अऊ अंजोर ह ओकर संग रहिथे।
23 हे मोर पुरखामन के परमेसर, मेंह तोला धनबाद देथंव अऊ तोर परसंसा करथंव:
तेंह मोला बुद्धि अऊ सक्ति दे हवस,
तेंह मोला ओ बात बताय हवस, जऊन ला हमन तोर ले पुछे रहेंन,
तेंह हमन ला राजा के सपना ला बताय हस।"