9 "जइसे कि मेंह देखेंव,
"उहां सिंघासनमन ला रखे गीस,
अऊ ओ अति प्राचीन7:9 या परमेसर ह अपन आसन म बईठिस।
ओकर ओनहा ह बरफ के सहीं सफेद रिहिस;
ओकर मुड़ के चुंदी ह ऊन के सहीं सफेद रिहिस।
ओकर सिंघासन ह आगी ले जुवालामय रिहिस,
अऊ सिंघासन के चक्कामन ले जुवाला निकलत रिहिस।
10 ओकर आघू ले एक आगी के नदी
निकलके बोहावत रिहिस।
हजारों-हजार मनखेमन7:10 या स्वरगदूत ओकर सेवा म लगे रिहिन;
लाखों-करोड़ों मनखेमन7:10 या अनगिनत स्वरगदूत ओकर आघू म ठाढ़े रिहिन।
नियायधीस ह बईठ गीस,
अऊ किताबमन खोले गीन।
11 "ओ सींग ह घमंड ले भरे बात करत रिहिस, एकरसेति मेंह ओती लगातार देखत रहेंव। मेंह तब तक देखते रहेंव जब तक कि ओ पसु के बध करके ओकर देहें ला नास नइं कर दिये गीस अऊ धधकत आगी म नइं फटिक दिये गीस।