मसीह म जिनगी
1 पहिली तुमन अपन अपराध अऊ पाप के कारन मर गे रहेव। 4 पर परमेसर जऊन ह कि दया के धनी अय, हमर बर अपन बड़े मया के कारन, 5 ओह हमन ला मसीह के संग जियाईस, जब हमन अपराध म मर गे रहेंन—अनुग्रह के दुवारा तुम्हर उद्धार होईस। 8 काबरकि अनुग्रह ले, बिसवास के दुवारा, तुम्हर उद्धार होईस। अऊ येह तुम्हर अपन कोति ले नइं, फेर येह परमेसर के दान ए। 9 अऊ येह मनखे के करम करे के कारन नो हय, ताकि कोनो घमंड झन करंय। 10 काबरकि परमेसर ह हमन ला बनाईस अऊ मसीह यीसू म ओ बने करम करे बर गढ़िस, जऊन ला परमेसर ह पहिली ले हमर बर तियार करे हवय कि हमन ओ काममन ला करन।