मोरदकै के आदरमान
1 ओ रथिया राजा ला नींद नइं आईस; एकरसेति ओह हुकूम दीस कि इतिहास के ओ किताब ला लाय जावय, जेमा ओकर सासन के बारे म लिखे गे हवय, अऊ ओह ये घलो हुकूम दीस कि ओला पढ़के सुनाय जावय। 2 ओ किताब म, ये लिखे हुए मिलिस कि राजा के दू झन अधिकारी—बिगताना अऊ तेरेस, जेमन दुवारपाल रिहिन, राजा छयर्स के हतिया करे के साजिस रचे रिहिन, जेकर परदाफास मोरदकै ह करे रिहिस।
3 तब राजा ह पुछिस, "येकर बदले म, मोरदकै ला का आदरमान अऊ ईनाम दिये गीस?"
ओकर सेवकमन जबाब दीन, "ओकर बर कुछू नइं करे गे हवय।"
6 जब हामान ह भीतर आईस, त राजा ह ओकर ले पुछिस, "जऊन मनखे के आदरमान राजा ह खुसी से करना चाहय, त ओ मनखे बर का करना उचित होही?"
हामान ह खुद अपन बारे म ये सोचिस, "मोला छोंड़ राजा ह अऊ काकर आदरमान करही?"
10 तब राजा ह हामान ला हुकूम दीस, "तुरते जा अऊ ओ कपड़ा अऊ घोड़ा ला ले आ अऊ अपन दिये सलाह के मुताबिक ओ यहूदी मोरदकै के संग वइसने ही कर, जऊन ह राजा के दुवार मेर बईठे रहिथे। अऊ जऊन सलाह तेंह दे हवस, ओमा कुछू भी कमी-घटी झन होवय।"
11 तब हामान ह राजकीय कपड़ा अऊ घोड़ा ला लीस। ओह मोरदकै ला ओ कपड़ा पहिराईस, अऊ ओला घोड़ा म बईठाके सहर के गलीमन म घुमाईस, अऊ ओकर आघू म ये घोसना करत गीस, "राजा ह खुसी से जेकर आदरमान करे चाहथे, ओकर संग अइसने करे जाथे।"