21 मारथा ह यीसू ला कहिस, "हे परभू, कहूं तेंह इहां होते, त मोर भाई ह नइं मरतिस। 22 पर अभी घलो मेंह जानथंव कि जऊन कुछू तेंह परमेसर ले मांगबे, ओह तोला दीही।"
23 यीसू ह ओला कहिस, "तोर भाई ह फेर जी उठही।"
24 त मारथा ह कहिस, "मेंह जानथंव कि आखिरी दिन म, जब मरे मनखेमन जी उठहीं, त ओह घलो जी उठही।"
25 यीसू ह ओला कहिस, "मेंह मरे मन ला जियाथंव अऊ जिनगी देथंव। जऊन ह मोर ऊपर बिसवास करथे, कहूं ओह मर घलो जावय, तभो ले ओह जीयत रहिही, 26 अऊ जऊन ह जीयथे अऊ मोर ऊपर बिसवास करथे, ओह परमेसर के संग सदाकाल तक जीही। का तेंह ये बात ला बिसवास करथस?"
35 यीसू ह रोवन लगिस।