21 मारथा ह यीसू ला कहिस, "हे परभू, कहूं तेंह इहां होते, त मोर भाई ह नइं मरतिस। 22 पर अभी घलो मेंह जानथंव कि जऊन कुछू तेंह परमेसर ले मांगबे, ओह तोला दीही।"
23 यीसू ह ओला कहिस, "तोर भाई ह फेर जी उठही।"
24 त मारथा ह कहिस, "मेंह जानथंव कि आखिरी दिन म, जब मरे मनखेमन जी उठहीं, त ओह घलो जी उठही।"
25 यीसू ह ओला कहिस, "मेंह मरे मन ला जियाथंव अऊ जिनगी देथंव। जऊन ह मोर ऊपर बिसवास करथे, कहूं ओह मर घलो जावय, तभो ले ओह जीयत रहिही, 26 अऊ जऊन ह जीयथे अऊ मोर ऊपर बिसवास करथे, ओह परमेसर के संग सदाकाल तक जीही। का तेंह ये बात ला बिसवास करथस?"
43 ये कहे बाद, यीसू ह चिचियाके कहिस, "हे लाजर, बाहिर निकल आ।" 44 ओ मरे मनखे ह कबर ले बाहिर निकल आईस। ओकर हांथ अऊ गोड़मन म मलमल कपड़ा के पट्टी लपटाय रहय अऊ ओकर चेहरा म घलो एक कपड़ा लपटाय रहय।
यीसू ह मनखेमन ला कहिस, "ओकर कबर के कपड़ा ला खोल दव अऊ ओला जावन देवव।"
यीसू ला मार डारे के योजना
(मत्ती 26:1-5; मरकुस 14:1-2; लूका 22:1-2)