यूहन्ना 2

यीसू ह मंदिर ला सुध करथे

13 जब यहूदीमन के फसह*2:13 फसह मिसर देस ले छुटकारा पाय के सुरता म यहूदीमन फसह तिहार मनाथें। तिहार अवइया रिहिस, त यीसू ह यरूसलेम सहर गीस। 14 उहां ओह देखिस कि मंदिर के अंगना म, मनखेमन बईला, भेड़, अऊ पंड़की चिरई बेचत रहंय अऊ आने मन मेज करा बईठके रूपिया-पईसा के लेन-देन करत रहंय। 15 तब यीसू ह डोरी के एक कोर्रा बनाईस अऊ जम्मो भेड़ अऊ बईलामन ला मंदिर के सीमना ले बाहिर खेद दीस अऊ रूपिया-पईसा के अदला-बदली करइयामन के सिक्कामन ला छितिर-बितिर कर दीस अऊ ओमन के मेजमन ला खपल दीस। 16 पंड़की बेचइयामन ला ओह कहिस, "येमन ला इहां ले निकालव। मोर ददा परमेसर के घर ला बजार झन बनावव।" 17 तब यीसू के चेलामन सुरता करिन कि परमेसर के बचन म ये लिखे हवय: "तोर घर के उत्साह ह मोर हिरदय म आगी सहीं बरथे।"*2:17 भजन 69:9