खाली कबर
1 हप्ता के पहिली दिन बड़े बिहनियां, जब अंधियार रहय, मरियम मगदलिनी कबर करा आईस अऊ देखिस कि पथरा ह कबर के मुंहाटी ले हट गे हवय।
6 तब ओकर पाछू सिमोन पतरस ह आईस अऊ कबर के भीतर गीस। ओह देखिस कि मलमल के कपड़ा ह उहां माढ़े रहय। 7 ओह ये घलो देखिस कि ओ गमछा जऊन ला यीसू के मुड़ म लपेटे गे रिहिस, मलमल के कपड़ा ले अलग मोड़ाके माढ़े रहय।
11 पर मरियम ह रोवत कबर के बाहिर ठाढ़े रिहिस। रोवत-रोवत ओह कबर के भीतर ला देखे बर झुकिस,
14 ये कहिके, ओह पाछू मुड़िस अऊ यीसू ला उहां ठाढ़े देखिस, पर ओह नइं चिन्हिस कि येह यीसू अय।
15 यीसू ह ओला कहिस, "हे नारी, तेंह काबर रोवत हवस? तेंह कोन ला खोजत हवस?"
ओह यीसू ला माली समझके कहिस, "हे महाराज, कहूं तेंह ओला ले गे हवस, त मोला बता कि तेंह ओला कहां रखे हवस। मेंह ओला ले जाहूं।"
16 यीसू ह ओला कहिस, "मरियम!"
मरियम ह यीसू कोति मुड़िस, अऊ चिचियाके इबरानी म कहिस, "रब्बूनी!" (जेकर मतलब होथे "गुरूजी")।
18 मरियम मगदलिनी चेलामन करा जाके कहिस, "मेंह परभू ला देखे हवंव, अऊ ओह मोर ले ये बात कहे हवय।"
यीसू ह अपन चेलामन ला दरसन देथे
(मत्ती 28:16-20; मरकुस 16:14-18; लूका 24:36-49)