7 ओतकीच बेरा, एक सामरी माईलोगन ह ओ कुआं ले पानी भरे बर आईस, त यीसू ह ओला कहिस, "मोला, पीये बर थोरकन पानी दे ओ।"
9 ओ सामरी माईलोगन ह ओला कहिस, "यहूदी जात के होके, तेंह मोर ले पानी काबर मांगत हस? मेंह एक सामरी माईलोगन अंव।" (यहूदीमन सामरीमन के संग कोनो संबंध नइं रखत रिहिन।)
10 यीसू ह जबाब दीस, "कहूं तेंह परमेसर के बरदान ला जानते अऊ ये घलो जानते कि जऊन ह तोर ले पीये के पानी मांगत हवय, ओह कोन ए, त तेंह ओकर ले मांगते अऊ ओह तोला जिनगी के पानी देतिस।"
16 यीसू ह ओला कहिस, "जा, अऊ अपन घरवाला ला इहां बलाके ले आ।"
17 ओ माईलोगन ह कहिस, "मोर कोनो घरवाला नइं ए।"
यीसू ह कहिस, "तेंह सही कहथस कि तोर कोनो घरवाला नइं ए। 18 काबरकि तेंह पांच घरवाला बना चुके हवस, अऊ जऊन मनखे के संग अभी तेंह रहत हवस, ओह घलो तोर घरवाला नो हय। अभी तेंह जऊन बात कहय, ओह बिलकुल सही ए।"
26 तब यीसू ह ओला कहिस, "में जऊन ह तोर ले गोठियावत हंव, ओहीच अंव।"
29 "आवव, अऊ ओ मनखे ला देखव, जऊन ह ओ जम्मो बात बता दीस, जेला मेंह करे हवंव। ओह मसीह हो सकथे।"