लूका 1

34 मरियम ह स्वरगदूत ले पुछिस, "मेंह तो एक कुंवारी छोकरी अंव। येह कइसने हो सकथे?"

35 स्वरगदूत ह जबाब दीस, "पबितर आतमा ह तोर ऊपर उतरही, अऊ सर्वोच्च परमेसर के सक्ति ह तोर ऊपर छइहां करही। एकरसेति ओ पबितर जन जऊन ह जनमही, ओह परमेसर के बेटा कहाही। 36 अऊ त अऊ तोर रिस्तेदार इलीसिबा के ओकर बुढ़त काल म एक लइका होवइया हवय, ओला ठड़गी कहे जावत रिहिस; छठवां महिना हो गे, ओह देहें म हवय। 37 काबरकि परमेसर के कहे कोनो बात असफल नइं होवय।"

38 मरियम ह कहिस, "देख, मेंह परभू के दासी अंव। तोर कहे बात के मुताबिक होवय।" तब स्वरगदूत ह ओकर करा ले चले गीस।