18 एक यहूदी अधिकारी ह यीसू ले पुछिस, "हे बने गुरू! परमेसर के संग सदाकाल के जिनगी पाय बर मोला का करना पड़ही?"
22 ये सुनके यीसू ह ओला कहिस, "तोर म अभी घलो एक बात के कमी हवय। जऊन कुछू तोर करा हवय, ओ जम्मो ला बेचके गरीबमन ला देय दे; अऊ तोला स्वरग म धन मिलही। तब आ अऊ मोर पाछू हो ले।"
23 ये बात ला सुनके ओह बहुंत उदास होईस, काबरकि ओह एक बहुंत धनवान मनखे रिहिस। 24 यीसू ह ओला देखके कहिस, "धनवान मनखे के परमेसर के राज म जवई कतेक कठिन अय, 25 वास्तव म, एक धनवान मनखे के परमेसर के राज म जाय के बनिस्पत सूजी के छेदा म ले ऊंट के निकल जवई सरल अय।"
26 जऊन मन येला सुनत रिहिन, ओमन पुछिन, "त फेर कोन ह उद्धार पा सकथे?"
27 यीसू ह जबाब दीस, "जऊन बात ह मनखे के दुवारा संभव नो हय, ओह परमेसर के दुवारा संभव अय।"