39 जऊन दू झन बदमास उहां कुरूस म लटकाय गे रिहिन, ओमा ले एक झन यीसू के बेजत्ती करत कहिस, "का तेंह मसीह नो हस? त फेर अपनआप ला अऊ हमन ला बचा।"
40 पर आने बदमास ह ओला दबकारके कहिस, "का तेंह परमेसर ले नइं डरस? तेंह घलो तो ओहीच दंड भोगत हवस। 41 हमन सही सजा पावत हन, काबरकि हमन जइसने काम करे हवन, वइसने सजा पावत हन। पर ये मनखे ह कुछू गलती नइं करे हवय।"
42 तब ओह यीसू ला कहिस, "हे यीसू, जब तेंह अपन राज म आबे, त मोला सुरता करबे।"
43 यीसू ह ओला कहिस, "मेंह तोला सच कहथंव कि आजेच तेंह मोर संग स्वरग-लोक म होबे।"
यीसू के मिरतू
(मत्ती 27:45-56; मरकुस 15:33-41; यूहन्ना 19:28-30)