10 तब भीड़ के मनखेमन ओकर ले पुछिन, "त हमन ला का करना चाही।"
11 यूहन्ना ह जबाब दीस, "जेकर करा दू ठन कुरता हवय, ओह अपन एक कुरता ओला दे देवय, जेकर करा एको ठन नइं ए, अऊ जेकर करा भोजन हवय, ओह घलो भूखहामन संग अइसनेच करय।"
12 लगान लेवइयामन घलो बतिसमा लेय बर आईन अऊ ओमन यूहन्ना ले पुछिन, "हे गुरू, हमन ला का करना चाही?"
13 ओह ओमन ला कहिस, "जतकी ठहिराय गे हवय, ओकर ले जादा लगान झन लेवव।"
14 तब कुछू सैनिकमन ओकर ले पुछिन, "अऊ हमन ला का करना चाही?"
ओह ओमन ला कहिस, "काकरो ले जबरदस्ती पईसा झन लेवव अऊ न मनखेमन ऊपर लबारी दोस लगावव। अपन तनखा म संतोस करव।"