1 मेंह ओ मनखे अंव, जऊन ह यहोवा के कोप के
छड़ी के दुवारा पीरा ला देखे हवंव।
2 ओह मोला भगा दे हवय
अऊ मोला अंजोर के बदले अंधियार म चलाय हवय;
3 वास्तव म, ओह बार-बार, दिन भर
अपन हांथ ला मोर बिरूध उठाय हवय।
21 तभो ले मेंह ये सुरता करथंव
अऊ एकरे कारन मोला आसा हवय:
22 यहोवा के महान मया के कारन हमन खतम नइं होयेंन,
काबरकि ओकर दया हमेसा बने रहिथे।
23 हर बिहनियां ओमन नवां होथें;
महान ए तोर बिसवासयोग्यता।
24 मेंह अपनआप ले कहिथंव, "यहोवा ह मोर भाग ए;
एकरे कारन मेंह ओकर ऊपर आसा रखहूं।"
25 यहोवा ह ओमन बर बने अय, जऊन मन ओकर ऊपर आसा रखथें,
जऊन मन ओकर खोज म रहिथें;
26 यहोवा के उद्धार बर
चुपेचाप इंतजार करई ह बने बात ए।