बाढ़त बीजा के पटंतर
26 यीसू ह ये घलो कहिस, "परमेसर के राज ह अइसने अय—एक मनखे ह बीजा ला भुइयां म बोथे। 27 रात अऊ दिन, चाहे ओह सुतय या जागय, बीजा ह अपनआप जामथे अऊ बाढ़थे अऊ ओह नइं जानय कि येह कइसने होईस? 28 माटी ह आपे-आप फसल उपजाथे—पहिली पीका निकलथे, तब बाली, अऊ तब बालीमन म पूरा दाना तियार होथे। 29 जतकी जल्दी दाना पाकथे, मनखे ह हंसिया लेके लुए के सुरू कर देथे, काबरकि येह लुवई के समय होथे।"
सरसों बीजा के पटंतर
(मत्ती 13:31-32; लूका 13:18-19)